ދަޢުވާލިބޭ ފަރާތް ވަޒީފާއިން ވަކިކުރަންޖެހެނީ، ދަޢުވާލިބޭ ފަރާތުގެ ދަށުން މަސައްކަތްކުރާ ބަޔަކަށް، ދަޢުވާކުރާ ފަރާތުން މިމައްސަލައިގައި ބުނާ އަންހެން ކުއްޖާއާމެދު ބަދުއަޚްލާޤީ ޢަމަލު ހިންގަން ހިތްވަރުދީ އެކަންކުރަން، ދަޢުވާލިބޭ ފަރާތުގެ ދަށުގައި މަސައްކަތްކުރާ ބަޔަކަށް ދަޢުވާލިބޭ ފަރާތުން އަންގާފައިވާކަން، ޝަރުޢީ އަދި ޤާނޫނީ ހަމަތަކާ އެއްގޮތަވާ ގޮތުގެމަތިން ސާބިތުވާ ޙާލަތެއްގައިކަން. (ޕެރެގްރާފް 20)
އާމިނަތު ޒިޔާދާއާމެދު ބަޔަކު ގަދަކަމުން ބަދުއަޚްލާޤީ ޢަމަލު ހިންގާފައިވާކަމަށް ބުނެފައިވާ މައްސަލައިގައި ދަޢުވާލިބޭ ފަރާތް އެއްވެސް ގޮތަކަށް ޢަމަލީ ގޮތުން ބައިވެރިވެފައިވާކަން އަދި އެރޭ އޭނާއާ މެދު ބަދުއަޚްލާޤީ ޢަމަލު ހިންގި ކަމަށް ބުނާ ކާރުގެ ތެރޭގައި ބަދުއަޚްލާޤީ ޢަމަލު ހިންގި ކަމަށް ބުނާ ފާރާތް އިންކަން އެނގޭ ފަދަ އެއްވެސް ބަހެއް ނުވަތަ ޢިބާރާތެއް ބުނެފައިނުވާކަމާއި އަދި އެރޭ އޭނާއާމެދު ބަދުއަޚްލާޤީ ޢަމަލު ހިންގުމަށް އެ ކާރުގައި ތިބި އެއްވެސް މީހަކަށް ނުވަތަ ބަޔަކަށް ދަޢުވާލިބޭ ފަރާތް ހިތްވަރުދީ އެކަންކުރަން އެ މީހުންނަށް އަންގާފއިވާކަން އެނގޭފަދަ އެއްވެސް ވާހަކައެއް ނުވަތަ ޢިބާރާތެއްވިޔަސް އާމިނަތު ޒިޔާދާގެ ބަޔާނުން އެއްވެސް މިންވަރަކަށް އެނގެން ނެތްކަން. (ޕެރެގްރާ 22)
ދަޢުވާލިބޭ ފަރާތުން ތަހްޤީޤަށް ދީފައިވާކަމަށް ބުނާ ބަޔާނުގެ ދެލިކޮޕީއަށް ބަލާއިރު، އެ ބަޔާނަކީ، އެ ބަޔާނުގެ އެއްވެސް ތަނެއްގައި ދަޢުވާލިބޭފަރާތުން ސޮއިކޮށްފައިވާ ބަޔާނެއް ނޫންކަމާއި ދަޢުވާލިބޭ ފަރާތުގެ ޙަވާލުގައިވާ ނުވަތަ އޭނަގެ ޙާވާލުގައި ނެތް ވެހިކަލަކަށް އަންހެންކުއްޖަކު އަރުވައިގެން ބަދުއަޚްލާޤީ ޢަމަލު ހިންގާފައިވާކަން ނުވަތަ އެ ބާވަތުގެ ކަމެއް ކުރަން އެއްވެސް ފަރާތަކަށް ހިތްވަރުދީ އަދި އެފަދަ ކަމެއްކުރުމަށް އެއްވެސް މީހަކަށް އަންގާފައިވާކަން އެނގޭ އެއްވެސް ޢިބާރާތެއް ނުވަތަ ބަހެއް އެ ބަޔާނުގައި އައިސްފައިނުވާކަން. (ޕެރެގްރާފް 23)
5241S ރަޖިސްޓަރީ ނަންބަރު ކާރުގައި ތިބިކަމަށް ދައުލަތުން ބުނާ އެއްވެސް ފަރާތަކަށް އާމިނަތު ޒިޔާދާއާމެދު ބަދުއަޚްލާޤީ ޢަމަލު ހިންގުމަށް ހިތްވަރުދީ އަދި އެފަދަ ޢަމަލެއް ކުރުމަށް ދަޢުވާލިބޭ ފަރާތް އަންގާފައިވާކަން އެނގޭ ނުވަތަ ދޭހަވާ އެއްވެސް ކޯލެއް ރިކޯޑް ކުރެވި، ނެގިފައިނުވާކަމަށް ދަޢުވާކުރާ ފާރާތުން ބުނެފައިވާކަން. (ޕެރެގްރާފް 24)
ދަޢުވާލިބޭ ފަރާތުގެ ތަހްޤީޤަށް ދީފައިވާކަމަށް ބުނާ ބަޔާނުގެ ސިޓީއަށް ބަލާއިރު، އެ ސިޓީގެ އެއްވެސް ހިސާބެއްގައި ދަޢުވާލިބޭ ފަރާތުގެ ދަށުން މަސައްކަތްކުރާ މުވައްޒަފުންތަކަކަށް އަންހެން ކުއްޖަކާމެދު ބަދުއަޚްލާޤީ ޢަމަލު ހިންގުމަށް ހިތްވަރުދީ، މިފަދަ ޢަމަލެއް ހިންގުމަށް ދަޢުވާލިބޭ ފަރާތް އަމުރުކުރިކަން އެނގޭ ނުވަތަ އެފަދަ ގޮތަކަށް ދަޢުވާލިބޭ ފަރާތް ޢަމަލުކޮށްފައިވާކަން ދޭހަވާފަދަ އެއްވެސް ޢިބާރާތެއް ނުވަތަ ބަހެއް އައިސްފައިނުވާކަން. (ޕެރެގްރާފް 27)
މި މައްސަލައިގައި ބުނެވޭ ކާރުގެ ތަޅުދަނޑި އެ ޢަމަލު ހިންގިކަމަށް ބުނާ ރޭ އޮތީ ދަޢުވާލިބޭ ފަރާތުގެ އަތުގައި ނޫންކަން ޑިސިޕްލިނަރީ ބޯޑުން މައްސަލަ ނިންމުމުގައި ފާހަގަކޮށްފައިވާ ނުކުތާތަކުން އެނގެން އޮންނަކަން. (ޕެރެގްރާފް 32)
ހައިކޯޓުގެ ޙަވާލާދެވުނު ނަންބަރު 2012/HC-A/85 ޤަޟިއްޔާގައި މައްސަލަ ޘާބިތުކުރުމަށް ހުށަހަޅާފައިވާ ދަލީލުތަކާއި ހެކިތައް ވަޒަންކުރުމުގައި ހައިކޯޓުން 'ބެލެންސް އޮފް ޕްރޮބެބިލިޓީ" ގެ މިންގަނޑާ ޚިލާފަށް ހެކި ވަޒަންކޮށްފައިވާކަން، އެނގެން ނެތްކަން. (ޕެރެގްރާފް 32)

ހުކުމްތައް