ޤާނޫނަށް ޢަމަލުކުރަން ފެށި ތާރީޚު: 1 ޖަނަވަރީ 2024

ޖަދުވަލު 1_ފީ ތާވަލު

ބާބުތައް

އެއްވަނަ ބާބު: ތަޢާރުފު

ތަޢާރުފާއި ނަން: 1. (ހ) މިއީ، ދިވެހިރާއްޖޭގައި ކުންފުނި އުފެއްދުމާއި، ރަޖިސްޓަރީކުރުމާއި، ހިންގުމާއި، އުވާލުމުގެ ހަމަތަކާއި، ކުންފުނިތަކާ ބެހޭގޮތުންދިވެހިރާއްޖޭގައި ޢަމަލުކުރެވޭނެ އެނޫންވެސް އުޞޫލުތަކާއި އިޖުރާއަތުތައް ބަޔާންކުރުމުގެ ޤާނޫނެވެ.(ށ) މި ޤާނޫނަށް ކިޔާނީ "ކުންފުނީގެ ޤާނޫނު" އެވެ.

މާއްދާ 1. ތަޢާރުފާއި ނަން

މަޤްޞަދުތައް: 2. މި ޤާނޫނުގެ މަޤްޞަދުތައް ތިރީގައި ބަޔާންކޮށްފައި އެވަނީއެވެ.(ހ) އިޤްތިޞާދީ އަދި އިޖްތިމާޢީ ނަފާ ހޯދުމަށްޓަކައި، އިޤްތިޞާދީ އުފެއްދުންތެރިކަމުގެ ބޭނުންތަކަށް ރައުސްމާލު އިންވެސްޓްކޮށް، އިޤްތިޞާދީ އަދި ވިޔަފާރީގެ ރިސްކު ނަގައި، ޤައުމުގެ އިޤްތިޞާދުގައި ވިޔަފާރިތައް ޙަރަކާތްތެރިވުމަށް ފަހި ފުރުޞަތުތަކެއް ހޯދައިދިނުމުގެ ބޭނުމުގައި، ވިޔަފާރި ޝަޚްޞެއްގެ ގޮތުގައި ކުންފުނި އުފައްދައި، ކުންފުނި ރަޖިސްޓަރީކުރުމާއި، ކުންފުނި ހިންގުމާއި، ކުންފުނި އުވާލުމުގެ ހަމަތަކާއި، އެ ކަންކަމުގައި ޢަމަލުކުރެވޭނެ އުޞޫ ލުތަކާއި އިޖުރާއަތުތައް ކަނޑައެޅުން؛(ށ) ކުންފުނި ރަޖިސްޓަރީކުރުމާއި، ހިންގުމާއި، އުވާލުމުގައި ޢާންމު، ަސޭހަ އަދި ފަހި ޝަރުޠުތަކާއި އިލްތިޒާމުތައް ކަނޑައެޅުން؛(ނ) ކުންފުނީގެ ޤާނޫނީ ހައިސިއްޔަތާއި، ކުންފުންޏާއި ކުންފުނީގެ ޑިރެކްޓަރުންނާއި މެންބަރުންނާ ދެމެދު އޮންނަ ގުޅުން ކަނޑައެޅުމާއި،މެންބަރުންގެ ޙައްޤުތައް ޙިމާޔަތްކުރުމާއެކު ކުންފުނި ހިންގުމުގައި ޑިރެކްޓަރުންގެ ބާރުތަކާއި އިލްތިޒާމުތަކާއި ޝަރުޠުތައް ކަނޑައެޅުން؛ އަދި(ރ) އިޤްތިޞާދުގައި ޙަރަކާތްތެރިވާ ވިޔަފާރިތަކުން ކުރާ އެކިއެކި މުޢާމަލާތްތަކަށް ހާމަކަމާއި ޔަޤީންކަން ކަށަވަރުކޮށްދިނުމުގެ ބޭނުމުގައި، ކުންފުނިތަކުގެ ދަފްތަރު އެކުލަވާލުމާއި، ބެލެހެއްޓުމާއި، ޢާންމުކުރުމާބެހޭ އުޞޫލުތައް ކަނޑައެޅުން.&nbsp;

މާއްދާ 2. މަޤްޞަދުތައް

ދެވަނަ ބާބު: ކުންފުނީގެ ބާވަތްތައް

ކުންފުނީގެ ބާވަތްތައް: 3. &nbsp;މި ޤާނޫނުގެ ދަށުން އަންނަނިވި ބާވަތްތަކުގެ ކުންފުނި އުފެއްދިދާނެއެވެ.(ހ) ޕްރައިވެޓް ކުންފުނި؛(ށ) ޕަބްލިކް ކުންފުނި؛ (ނ) ސަރުކާރުގެ ކުންފުނި؛ (ރ) ލޯކަލް އޮތޯރިޓީ ކުންފުނި.

މާއްދާ 3. ކުންފުނީގެ ބާވަތްތައް 

ޕްރައިވެޓް ކުންފުނި: 4. ޕްރައިވެޓް ކުންފުންޏަކީ، ޕަބްލިކް ކުންފުންޏަކަށްނުވާ، އެކަކު ނުވަތަ އެއަށްވުރެ ގިނަ ފަރާތްތައް އެކުވެގެން، މި ޤާނޫނުގެ 9 ވަނަ މާއްދާއިން ފެށިގެން 11 ވަނަ މާއްދާގެ ނިޔަލަށް ހުރި މާއްދާތަކާ އެއްގޮތްވާ ގޮތުގެމަތިން ޕްރައިވެޓް ކުންފުންޏެއްގެ ގޮތުގައި އުފައްދާ، ނުވަތަ މި ޤާނޫނުގެ 29 ވަނަ މާއްދާއިން ފެށިގެން 31 ވަނަ މާއްދާގެ ނިޔަލަށް ހުރި މާއްދާތަކުގެ ދަށުން ރަޖިސްޓަރީކުރާ ކޮންމެ ކުންފުންޏެކެވެ.

މާއްދާ 4. ޕްރައިވެޓް ކުންފުނި 

ޕަބްލިކް ކުންފުނި: 5. ޕަބްލިކް ކުންފުންޏަކީ، ޕްރައިވެޓް ކުންފުންޏަކަށްނުވާ، ޢާންމުންނަށް ހިއްސާ ނުވަތަ ޑިބެންޗަރ އަދި/ނުވަތަ ބޮންޑު ވިއްކުމުގެ ހުއްދަ ލިބިފައިވާ، ނުވަތަ ހުއްދަ&nbsp;ޯދުމަށް އެދި، މި ޤާނޫނުގެ 12 ވަނަ މާއްދާއިން ފެށިގެން 14 ވަނަ މާއްދާގެ ނިޔަލަށް ހުރި މާއްދާތަކާ އެއްގޮތްވާ ގޮތުގެމަތިން ޕަބްލިކް ކުންފުންޏެއްގެ ގޮތުގައި އުފައްދާ، ނުވަތަ މި ޤާނޫނުގެ 27 ވަނަ މާއްދާއާއި 28 ވަނަ މާއްދާގެ ދަށުން ރަޖިސްޓަރީކުރާ ކޮންމެ ކުންފުންޏެކެވެ.&nbsp;

މާއްދާ 5. ޕަބްލިކް ކުންފުނި

ސަރުކާރުގެ ކުންފުނި: 6. ސަރުކާރުގެ ކުންފުންޏަކީ، ރައީސުލްޖުމްހޫރިއްޔާގެ ޤަރާރަކުން، ނުވަތަ ރައްޔިތުންގެ މަޖިލީހުން ފާސްކުރާ ޤާނޫނަކުން، އެ ކުންފުނީގެ ރައުސްމާލު އެކުލެވިގެންވާ ހުރިހާ ހިއްސާއަކީ ސަރުކާރުގެ ނަމުގައި ރަޖިސްޓަރީކުރެވިފައިވާ ހިއްސާގެ ގޮތުގައި ކަނޑައަޅައި އުފައްދާ، މި ޤާނޫނުގެ 22 ވަނަ މާއްދާއާއެއްގޮތްވާ ގޮތުގެމަތިން ރަޖިސްޓަރީކުރާ ކޮންމެ ކުންފުންޏެކެވެ.

މާއްދާ 6. ސަރުކާރުގެ ކުންފުނި

ލޯކަލް އޮތޯރިޓީ ކުންފުނި: 7. &nbsp;ލޯކަލް އޮތޯރިޓީ ކުންފުންޏަކީ، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގައި ބަޔާންކުރާ، ލޯކަލް ކައުންސިލްތަކުގެ ދާއިރާގެ ރައްޔިތުންގެ އަސާސީ ބޭނުންތައް ފުއްދުމަށްޓަކައި، ކައުންސިލްގެ މަސްއޫލިއްޔަތުތަކާއި ދާއިރާގެ ތެރޭގައި ލޯކަލް ކައުންސިލްތަކުން އިޤްތިޞާދީ ޙަރަކާތްތައް ހިންގުމަށްޓަކައި، އެއް ކައުންސިލް ނުވަތަ އެއަށްވުރެ ގިނަ ކައުންސިލް އެކުވެގެން އުފައްދާ ކުންފުންޏެވެ.

މާއްދާ 7. ލޯކަލް އޮތޯރިޓީ ކުންފުނި 

ފޮޮރިން އިންވެސްޓްމަންޓް ކުންފުނި: 8. (ހ) ފޮރިން އިންވެސްޓްމަންޓް ކުންފުންޏަކީ، ޕްރައިވެޓް ކުންފުންޏެއްކަމުގައިވީ ނަމަވެސް ނުވަތަ ޕަބްލިކް ކުންފުންޏެއްކަމުގައިވީ ނަމަވެސް:(1) އެ ކުންފުނީގެ ރައުސްމާލު އެކުލެވިގެންވާ ހިއްސާގެ ތެރެއިން އެއްވެސް ހިއްސާއެއް، ބިދޭސީ މީހެއްގެ ނުވަތަ ބިދޭސީ ފަރާތެއްގެ ނަމުގައި ރަޖިސްޓަރީކޮށްފައިވާ ކޮންމެ ކުންފުންޏެއް؛ ނުވަތަ(2) އެ ކުންފުނީގެ ރައުސްމާލު އެކުލެވިގެންވާ ހިއްސާގެ ތެރެއިން އެއްވެސް ހިއްސާއެއް، މި އަކުރުގެ (1) ވަނަ ނަންބަރުގައި ބަޔާންކުރާ ކުންފުންޏެއްގެ ނަމުގައި ރަޖިސްޓަރީކޮށްފައިވާ&nbsp;ކޮންމެ ކުންފުންޏެއް؛ ނުވަތަ(3) އެ ކުންފުނީގެ ރައުސްމާލު އެކުލެވިގެންވާ ހިއްސާގެ ތެރެއިން އެއްވެސް ހިއްސާއެއް، ބިދޭސީ މީހެއް ނުވަތަ ބިދޭސީ ފަރާތެއްގެ މަޞްލަޙަތު އޮންނަ ޕާޓްނަރޝިޕެއްގެ ނަމުގައި ރަޖިސްޓަރީކޮށްފައިވާ ކޮންމެ ކުންފުންޏެކެވެ.(ށ) ކުންފުނި ރަޖިސްޓަރީކުރުމާ ބެހޭގޮތުން މި ޤާނޫނުގައި ކަނޑައަޅާފައިވާ ޢާންމު އުޞޫލުތައް އެފަދައިން ކަނޑައަޅާފައިވީ ނަމަވެސް، ފޮރިން އިންވެސްޓްމަންޓް ކުންފުންޏެއް ރަޖިސްޓަރީކުރެވޭނީ، ނުވަތަ ކުންފުންޏެއްގެ މެންބަރެއްގެ ގޮތުގައި ބިދޭސީ މީހަކު ނުވަތަ ބިދޭސީ ފަރާތެއް ރަޖިސްޓަރީކުރެވޭނީ، ނުވަތަ ކުންފުންޏެއްގެ މެންބަރެއްގެ ގޮތުގައި މި މާއްދާގެ (ހ) ގެ (1) ވަނަ ނަންބަރު ނުވަތަ (2) ވަނަ ނަންބަރުގައި ބަޔާންކުރާ ކުންފުންޏެއް ނުވަތަ އެ އަކުރުގެ (3) ވަނަ ނަންބަރުގައި ބަޔާންކުރާ ޕާޓްނަރޝިޕެއް ރަޖިސްޓަރީކުރެވޭނީ، ދިވެހިރާއްޖޭގައި ކުރެވޭ ފޮރިން އިންވެސްޓްމަންޓާބެހޭ ޤާނޫނުގައި ކަނޑައަޅައި ބަޔާންކުރާ ގޮތެއްގެމަތިން، އެ ޤާނޫނުގެ ދަށުން ހުއްދަ ހޯދައިގެންނެވެ.&nbsp;

މާއްދާ 8. ފޮރިން އިންވެސްޓްމަންޓް ކުންފުނި 

ދެވަނަ ބާބު: ކުންފުނީގެ ބާވަތްތައް - ޕްރައިވެޓް ކުންފުނި

&nbsp;ޕްރައިވެޓް ކުންފުނީގެ ސިފަތައް:9. &nbsp;ޕްރައިވެޓް ކުންފުންޏަކީ އަންނަނިވި ސިފަތައް ފުރިހަމަވާ ކޮންމެ ކުންފުންޏެކެވެ.(ހ) ކުންފުނީގެ ހިއްސާގެ ރައުސްމާލު ކަނޑައެޅިފައިވާ، އަދި 1 (އެކެއް) ނުވަތަ އެއަށްވުރެ ގިނަ ހިއްސާ އެކުލެވޭ ؛ އަދި(ށ) ކުންފުނީގެ މެންބަރުންގެ ގޮތުގައި މަދުވެގެން 1 (އެކެއް) ، އަދި 50 (ފަންސާސް) އަށްވުރެ ގިނަނުވާނެހެން މެންބަރުން ކަނޑައެޅިފައިވާ؛ އަދި(ނ) ކުންފުނީގެ 1 (އެކެއް) ނުވަތަ އެއަށްވުރެ ގިނަ ޑިރެކްޓަރުން ހިމެނޭ؛ އަދި(ރ) ކުންފުންޏަކީ ޕްރައިވެޓް ކުންފުންޏެއްކަމަށާއި، ކުންފުނީގެ ހިއްސާ ޢާންމުންނަށް ނުވިއްކޭނެކަމަށް ކުންފުނީގެ ދުސްތޫރުގައި ކަނޑައަޅާފައިވާ ކުންފުނި.

މާއްދާ 9. ޕްރައިވެޓް ކުންފުނީގެ ސިފަތައް

ޕްރައިވެޓް ކުންފުނީގެ މެމްބަރުން: 10. ޤާނޫނަކުން މަނާނުކުރާހާ ހިނދަކު، އަދި ޤާނޫނު ހުއްދަކުރާ ގޮތެއްގެ މަތިން، ޕްރައިވެޓް ކުންފުންޏެއްގެ މެމްބަރަކަށް ވެވޭނީ އަންނަނިވި ފަރާތްތަކަށެވެ. (ހ) ފަރުދުން؛ (ށ) ސަރުކާރު؛ (ނ) ޤާނޫނީ ޝަޚްޞު (އެއީ ކުންފުންޏެއްކަމަށްވީ ނަމަވެސް، ނުވަތަ ޕާޓްނަރޝިޕެއްކަމަށްވީ ނަމަވެސް، ނުވަތަ ދައުލަތުގެ މުއައްސަސާއެއްކަމަށްވީ ނަމަވެސް، ނުވަތަ ލޯކަލް ކައުންސިލެއްކަމަށްވީ ނަމަވެސް، ނުވަތަ ޤާނޫނީ ޝަޚްޞެއްގެ ގޮތުގައި އުފައްދާފައިވާ ޖަމްޢިއްޔާއެއްކަމަށްވީ ނަމަވެސްއެވެ.)

މާއްދާ 10. ޕްރައިވެޓް ކުންފުނީގެ މެމްބަރުން 

ޕްރައިވެޓް ކުންފުނީގެ ދަރަންޏަށް މެންބަރުން ޒިންމާވުން: 11. ޕްރައިވެޓް ކުންފުންޏެއްގެ މެންބަރުން ދަރަންޏަށް ޒިންމާވާންޖެހޭނީ، އެ މެންބަރަކު ގަނެފައިވާ ނުވަތަ ގަތުމަށް އެއްބަސްވެ، އެ މެންބަރަކަށް ކުންފުނިން އެކަށައަޅާފައިވާ ހިއްސާގެ އަގުގެ ތެރެއިން އެއްވެސް މިންވަރެއް އެ ކުންފުންޏަށް ނުދައްކާ އޮތްނަމަ، އެ މިންވަރަކަށެވެ.

މާއްދާ 11. ޕްރައިވެޓް ކުންފުނީގެ ދަރަންޏަށް މެންބަރުން ޒިންމާވުން

ދެވަނަ ބާބު: ކުންފުނީގެ ބާވަތްތައް - ޕަބްލިކް ކުންފުނި

ޕަބްލިކް ކުންފުނީގެ ސިފަތައް: 12. ޕަބްލިކް ކުންފުންޏަކީ އަންނަނިވި ސިފަތައް ފުރިހަމަވާ ކޮންމެ ކުންފުންޏެކެވެ.(ހ) ކުންފުނީގެ މެންބަރުންގެ ޢަދަދު 1 (އެކެއް) ނުވަތަ އެއަށްވުރެ އިތުރުވާ ؛ އަދި(ށ) ޢާންމުންނަށް ހިއްސާ، ނުވަތަ ޑިބެންޗަރ، ނުވަތަ ބޮންޑު ނުވަތަ އެނޫންވެސް ސެކިއުރިޓީއެއް ވިއްކުމުގެ ހުއްދަ ލިބިފައިވާ ނުވަތަ އެ ހުއްދަ ހޯދުމަށް އެދި އުފައްދާފައިވާ؛ އަދި(ނ) ުންފުނީގެ ދުސްތޫރުގައި އެ ކުންފުންޏަކީ ޕަބްލިކް ކުންފުންޏެއްކަމުގައި ކަނޑައަޅައި ބަޔާންކޮށްފައިވާ ކުންފުނި.

މާއްދާ 12. ޕަބްލިކް ކުންފުނީގެ ސިފަތައް 

ޕަބްލިކް ކުންފުނީގެ މެންބަރުން: 13. ޤާނޫނަކުން މަނާނުކުރާހާ ހިނދަކު، އަދި ޤާނޫނު ހުއްދަކުރާ ގޮތެއްގެމަތިން، މި ޤާނޫނުގެ 10 ވަނަ މާއްދާގައި ޕްރައިވެޓް ކުންފުންޏެއްގެ މެންބަރަކަށް ވެވޭނެކަމަށް ބަޔާންކުރާ އެންމެހައި ފަރާތްތަކަށް، ޕަބްލިކް ކުންފުނީގެ މެންބަރަކަށް ވެވިދާނެއެވެ.&nbsp;

މާއްދާ 13. ޕަބްލިކް ކުންފުނީގެ މެންބަރުން 

&nbsp;ޕަބްލިކް ކުންފުނީގެ ދަރަންޏަށް މެމްބަރުން ޒިންމާވުން: 14. &nbsp;.ޕަބްލިކް ކުންފުންޏެއްގެ މެންބަރުން ދަރަންޏަށް ޒިންމާވާންޖެހޭނީ، އެ މެންބަރަކުގަނެފައިވާ ނުވަތަ ގަތުމަށް އެއްބަސްވެ އެ މެންބަރަކަށް ކުންފުނިން އެކަށައަޅާފައިވާ ހިއްސާގެ އަގުގެ ތެރެއިން އެއްވެސް މިންވަރެއް އެ ކުންފުންޏަށް ނުދައްކާ އޮތްނަމަ، އެ މިންވަރަކަށެވެ.&nbsp;

މާއްދާ 14. ޕަބްލިކް ކުންފުނީގެ ދަރަންޏަށް މެމްބަރުން ޒިންމާވުން

ދެވަނަ ބާބު: ކުންފުނީގެ ބާވަތްތައް - ސަރުކާރުގެ ކުންފުނި

ރައީސުލްޖުމްހޫރިއްޔާގެ ޤަރާރަކުން އުފައްދާ ސަރުކާރުގެ ކުންފުނި: 15. ރައީސުލްޖުމްހޫރިއްޔާގެ ޤަރާރަކުން ސަރުކާރުގެ ކުންފުންޏެއް އުފައްދާ ޙާލަތުގައި ، އެ ކުންފުންޏެއްގެ ނަމާއި ، މަޤްޞަދާއި، ރައުސްމާލުގެ ޢަދަދާއި، ސައްތައިން ސައްތަ ސަރުކާރު ހިއްސާވާ ކުންފުންޏެއްކަން، ކުންފުނި އުފައްދާ ޤަރާރުގައި ބަޔާންކުރަންވާނެއެވެ. އަދި ކުންފުނީގެ އަސާސީ ގަވާއިދު ، އެ ޤަރާރުގައި ހިމަނަންވާނެއެވެ.&nbsp;

މާއްދާ 15. ރައީސުލްޖުމްހޫރިއްޔާގެ ޤަރާރަކުން އުފައްދާ ސަރުކާރުގެ ކުންފުނި 

ޤާނޫނަކުން އުފައްދާ ސަރުކާރުގެ ކުންފުނި: 16. ރައްޔިތުންގެ މަޖިލީހުން ފާސްކުރާ ޤާނޫނަކުން އުފައްދާ ކުންފުނިތަކުގެ މައްޗަށް ހިނގާނީ، އެ ކުންފުނި އުފައްދާ ޤާނޫނެއްގައި ބަޔާންކުރާ އު ޞޫލުތަކެކެވެ. އަދި އެ ޤާނޫނުގައި ކުންފުނި ހިންގުމާގުޅޭ ވަކި އުޞޫލުތަކެއް ކަނޑައަޅާފައިނުވާ ޙާލަތްތަކުގައި ، އެ ކުންފުންޏެއްގެ މައްޗަށް ހިނގާނީ، ޤާނޫނަކުން މަނާނުކުރާހާ ހިނދަކު، މި ޤާނޫނުގައި ބަޔާންކުރާ އުޞޫލުތަކެވެ.&nbsp;

މާއްދާ 16. ޤާނޫނަކުން އުފައްދާ ސަރުކާރުގެ ކުންފުނި 

ސަރުކާރުން ދަރަންޏަށް ޒިންމާވުން: 17. ސަރުކާރުގެ ކުންފުންޏެއްގެ ދަރަންޏަށް ސަރުކާރުން ޒިންމާވާންޖެހޭނީ، އެ ކުންފުންޏެއް އުފައްދާ ޤާނޫނުގައި، ނުވަތަ އެ ކުންފުންޏެއް އުފައްދާ ޤަރާރުގައި ، އެ ކުންފުންޏެއްގެ ރައުސްމާލު އެކުލެވިގެންވާ ހިއްސާގެ ތެރެއިން އެއްވެސް މިންވަރެއް ސަރުކާރުން އެ ކުންފުންޏަކަށް ދައްކާފައިނުވާނަމަ، އެ މިންވަރަކަށް، ނުވަތަ އެނޫން ގޮތަކަށް އެ ޤާނޫނުގައި ނުވަތަ އެ ޤަރާރުގައި އެ ކުންފުންޏެއްގެ ދަރަންޏަށް ސަރުކާރުން ޒިންމާވާނެކަމަށް ބަޔާންކޮށްފައިވާނަމަ، އެގޮތަކަށެވެ.&nbsp;

މާއްދާ 17. ސަރުކާރުން ދަރަންޏަށް ޒިންމާވުން

ޤާނޫނުގައި ވަކި ގޮތަކަށް ކަނޑައަޅާފައިނުވާ ޙާލަތްތަކުގައި ޕްރައިވެޓް ކުންފުނިތަކުގެ އުޞޫލު ހިނގުން: 18. މި ޤާނޫނުގައި، ސަރުކާރުގެ ކުންފުނިތަކަށް ވަކި ޚާއްޞަ އުޞޫލުތަކެއް ކަނޑައަޅާފައިނުވާ ޙާލަތުގައި، އަދި އެހެން ޤާނޫނަކުން މަނާނުކުރާހާ ހިނދަކު، ޕްރައިވެޓް ކުންފުނިތަކުގެ މައްޗަށް ހިނގާނެކަމަށް މި ޤާނޫނުގައި ކަނޑައަޅައި ބަޔާންކޮށްފައިވާ އުޞޫލުތައް، ސަރުކާރުގެ ކުންފުނިތަކުގެ މައްޗަށް ހިނގާނެއެވެ.

މާއްދާ 18. ޤާނޫނުގައި ވަކި ގޮތަކަށް ކަނޑައަޅާފައިނުވާ ޙާލަތްތަކުގައި ޕްރައިވެޓް ކުންފުނިތަކުގެ އުޞޫލު ހިނގުން

ދެވަނަ ބާބު: ކުންފުނީގެ ބާވަތްތައް - ލޯކަލް އޮތޯރިޓީ ކުންފުނި

ޤާނޫނުގައި ވަކި ގޮތަކަށް ކަނޑައަޅާފައިނުވާ ޙާލަތްތަކުގައި ސަރުކާރުގެ ކުންފުނިތަކުގެ އުޞޫލު ހިނގުން: 19. (ހ) މި ޤާނޫނާއި، މި ޤާނޫނުގެ ދަށުން ހަދާ ގަވާއިދުގައި އެހެން ގޮތަކަށް ކަނޑައަޅާފައިނުވާ ޙާލަތްތަކުގައި ، ލޯކަލް އޮތޯރިޓީ ކުންފުނި އުފެއްދުމުގައާއި ، ރަޖިސްޓަރީކުރުމުގައާއި ، ހިންގުމުގައިޢަމަލުކުރަންވާނީ، މި ޤާނޫނާއި މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިންނެވެ.&nbsp;(ށ) &nbsp;މި ޤާނޫނުގައި، ލޯކަލް އޮތޯރިޓީ ކުންފުނިތަކަށް ވަކި ޚާއްޞަ އުޞޫލުތަކެއް ކަނޑައަޅާފައިނުވާ ޙާލަތުގައި، ލޯކަލް އޮތޯރިޓީ ކުންފުނިތަކުގެ މައްޗަށް ހިނގާނީ، ސަރުކާރުގެ ކުންފުނިތަކުގެ މައްޗަށް މި ޤާނޫނުގައި ކަނޑައަޅައި ބަޔާންކުރާ އުޞޫލުތަކެވެ.&nbsp;

މާއްދާ 19. ޤާނޫނުގައި ވަކި ގޮތަކަށް ކަނޑައަޅާފައިނުވާ ޙާލަތްތަކުގައި ސަރުކާރުގެ ކުންފުނިތަކުގެ އުޞޫލު ހިނގުން

ތިންވަނަ ބާބު: ކުންފުނި އުފެއްދުމާއި ރަޖިސްޓްރީކުރުން - ކުންފުނި ރަޖިސްޓްރީކުރުން 

ރަޖިސްޓަރީކުރުން ލާޒިމުވުން: 20. މި ޤާނޫނުގެ ދަށުން ކުންފުންޏެއް އުފެއްދޭނީ އަންނަނިވި ގޮތްތަކުގެ ތެރެއިން ގޮތަކަށް، މި ޤާނޫނުގެ މާއްދާތަކުގައި ބަޔާންކުރާ ކަންކަން ފުރިހަމަކޮށް، ކުންފުނި ރަޖިސްޓަރީކުރަން ހުށަހަޅައި ރަޖިސްޓަރީކުރުމުންނެވެ.&nbsp;(ހ) ޤާނޫނަކުން ނުވަތަ ޤަރާރަކުން އުފައްދާ ކުންފުންޏެއްނަމަ، އެ ޤާނޫނެއްގައި ނުވަތަ ޤަރާރެއްގައި ބަޔާންކޮށްފައިވާ ގޮތުގެމަތިން؛ ނުވަތަ(ށ) މި ޤާނޫނުގައި ބަޔާންކުރާ ގޮތުގެމަތިން، ކުންފުނީގެ ހިއްސާ ނެގުމަށް އެއްބަސްވެފައިވާ މެންބަރުން ކުންފުނީގެ އަސާސީ ގަވާއިދު އެކުލަވާލައި ތަޞްދީޤުކުރުމުން.&nbsp;

މާއްދާ 20. ރަޖިސްޓަރީކުރުން ލާޒިމުވުން 

ރަޖިސްޓަރީކުރަން ހުށަހެޅުން: 21. (ހ) މި ޤާނޫނުގެ ދަށުން ކުންފުންޏެއް ރަޖިސްޓަރީކުރުމަށްޓަކައި، މި ޤާނޫނުގައި ބަޔާންކުރާ ގޮތުގެމަތިން، ރަޖިސްޓްރާރަށް ހުށަހަޅަންވާނެއެވެ.&nbsp;(ށ) މި ޤާނޫނުގެ 20 ވަނަ މާއްދާގެ (ށ) ގައި ބަޔާންކުރާ ގޮތުގެމަތިން ކުންފުންޏެއް އުފައްދައިފިނަމަ، ކުންފުނި ރަޖިސްޓަރީކުރުމަށްޓަކައި އަންނަނިވި ލިޔެކިޔުން ފުރިހަމަކޮށް ރަޖިސްޓްރާރަށް ހުށަހަޅަންވާނެއެވެ.(1) އަންނަނިވި މަޢުލޫމާތު ހިމެނޭގޮތަށް ކުންފުނި ރަޖިސްޓަރީކުރުމަށް އެދޭ ފޯމު:i .ކުންފުންޏަށް ކިޔުމަށް ހުށަހަޅާ ނަން (މި ޤާނޫނުގެ 69 ވަނަ މާއްދާގައި ބަޔާންކުރާ ގޮތުގެމަތިން ރިޒަރވްކޮށްފައިވާ)؛ii.ކުންފުނީގެ ބާވަތް؛ iii. ކުންފުނީގެ ރަޖިސްޓަރީކުރެވިފައިވާ ދިވެހިރާއްޖޭގެ އެޑްރެސް ؛ އަދިiv. ކުންފުނީގެ ރައުސްމާލުގެ ޢަދަދާއި، ހިއްސާގެ ޢަދަދާއި، ހިއްސާ ބެހިފައިވާ ގޮތާއި، ކޮންމެ މެންބަރަކު ނެގުމަށް އެއްބަސްވެފައިވާ ހިއްސާގެ ޢަދަދާއި ނިސްބަތް.(2) މި ޤާނޫނުގެ ހަތަރުވަނަ ބާބުގައި ހިމެނޭ މާއްދާތަކާ އެއްގޮތްވާ ގޮތުގެމަތިން އެކުލަވާލާފައިވާ، އަދި ކުންފުނީގެ ހިއްސާ&nbsp;ނެގުމަށް އެއްބަސްވެފައިވާ މެންބަރުން ސޮއިކޮށް ތަޞްދީޤުކޮށްފައިވާ ، ކުންފުނީގެ ދުސްތޫރު؛(3) ކުންފުނީގެ ޑިރެކްޓަރުންގެ ގޮތުގައި ކަނޑައަޅާ ފަރާތްތަކުގެ މަޢުލޫމާތު؛(4) މި ޤާނޫނުގެ ޖަދުވަލު 1 ގައި ބަޔާންކުރާ ރަޖިސްޓަރީ ފީ؛ އަދި(5) މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ އެހެނިހެން ލިޔެކިޔުން.&nbsp;

މާއްދާ 21. ރަޖިސްޓަރީކުރަން ހުށަހެޅުން 

ސަރުކާރުގެ ކުންފުނި ރަޖިސްޓަރީކުރަން ހުށަހެޅުން: 22. (ހ) މި ޤާނޫނުގެ 15 ވަނަ މާއްދާގެ ދަށުން ރައީސުލްޖުމްހޫރިއްޔާގެ ޤަރާރަކުން ސަރުކާރުގެ ކުންފުންޏެއް އުފައްދައިފިނަމަ ނުވަތަ މި ޤާނޫނުގެ 16 ވަނަ މާއްދާގެ ދަށުން ޤާނޫނަކުން ސަރުކާރުގެ ކުންފުންޏެއް އުފައްދައިފިނަމަ، މި ޤާނޫނުގެ 231 ވަނަ މާއްދާގައި ބަޔާންކުރާ ދަފްތަރުގައި ރަޖިސްޓަރީކުރުމަށްޓަކައި ، މިނިސްޓްރީ އޮފް ފިނޭންސްއިން ރަޖިސްޓްރާރަށް ހުށަހަޅަންވާނެއެވެ.&nbsp;(ށ) ރައީސުލްޖުމްހޫރިއްޔާގެ ޤަރާރުގައި ނުވަތަ ކުންފުނި އުފައްދާ ޤާނޫނުގައި ވަކި ގޮތަކަށް ކަނޑައަޅާފައިނުވާހާ ހިނދަކު، މި ޤާނޫނުގެ 15 ވަނަ މާއްދާއާއި 16 ވަނަ މާއްދާގައި ބަޔާންކުރާ ކުންފުންޏެއް މި މާއްދާގެ (ހ) ގެ ދަށުން ރަޖިސްޓަރީކުރަން ހުށަހަޅާތާ 30(ތިރީސް) ދުވަހުގެ ތެރޭގައި ، އެ ކުންފުނީގެ ޑިރެކްޓަރުންނާއި މެނޭޖިންގ ޑިރެކްޓަރުގެ މަޢުލޫމާތު، މި ޤާނޫނުގެ ދަށުން ހަދާ ގަވާއިދުގައިވާ ގޮތުގެމަތިން ނުވަތަ ކަމާބެހޭ ޤާނޫނެއްގައި ބަޔާންކުރާ ގޮތުގެމަތިން ރަޖިސްޓްރާރަށް އަންގަންވާނެއެވެ.&nbsp;

މާއްދާ 22. ސަރުކާރުގެ ކުންފުނި ރަޖިސްޓަރީކުރަން ހުށަހެޅުން 

ކުންފުނި ރަޖިސްޓަރީކޮށްދިނުން: 23. މި ޤާނޫނުގެ 21 ވަނަ މާއްދާއާއި، 22 ވަނަ މާއްދާގައި ބަޔާންކުރާ ގޮތުގެމަތިން ކުންފުންޏެއް އުފައްދައި ރަޖިސްޓަރީކުރުމަށް ރަޖިސްޓްރާރަށް ހުށަހެޅުމުން، ކުންފުންޏެއް ރަޖިސްޓަރީކުރުމަށް މި ޤާނޫނުގައި ބަޔާންކުރާ ކަންކަން އެ ހުށަހެޅުމުގައި ފުރިހަމަވެފައިވާނަމަ، އެ ކުންފުންޏެއް ރަޖިސްޓަރީކޮށް،މި ޤާނޫނުގެ 231 ވަނަ މާއްދާގައި ބަޔާންކުރާ ދަފްތަރުގައި ހިމަނަންވާނެއެވެ.

މާއްދާ 23. ކުންފުނި ރަޖިސްޓަރީކޮށްދިނުން

ރަޖިސްޓަރީ ސެޓްފިކެޓު: 24. (ހ) &nbsp;މި ޤާނޫނުގެ 23 ވަނަ މާއްދާގައި ބަޔާންކުރާ ގޮތުގެމަތިން ކުންފުނި ރަޖިސްޓަރީކުރުމާއެކު، ރަޖިސްޓްރާރގެ ނަމުގައި އަދި ރަޖިސްޓްރާރގެ ރަސްމީ ސިއްކައިގެ ދަށުން ކުންފުންޏަށް ރަޖިސްޓަރީ ސެޓްފިކެޓެއް ދޫކުރަންވާނެއެވެ.(ށ) ކުންފުނީގެ ރަޖިސްޓަރީ ސެޓްފިކެޓުގައި އަންނަނިވި މަޢުލޫމާތު ހިމަނަންވާނެއެވެ.&nbsp;(1) ކުންފުނީގެ ނަން؛ (2) ކުންފުނީގެ ރަޖިސްޓަރީ ނަންބަރު؛(3) ކުންފުނީގެ ބާވަތް؛ އަދި(4) ރަޖިސްޓަރީކުރެވުނު ތާރީޚް.(ނ) މި މާއްދާގެ (ހ) ގައި ބަޔާންކުރާ ސެޓްފިކެޓަކީ، ކުންފުންޏެއް އުފައްދައި މި ޤާނޫނުގެ ދަށުން ރަޖިސްޓަރީކޮށްފައިވާކަން ބަޔާންކުރާ އަންނަނިވި ކަންކަން ސާބިތުކޮށްދޭ ހެއްކެކެވެ.&nbsp;(1) ކުންފުނި ރަޖިސްޓަރީކުރުމާ ގުޅޭގޮތުން މި ޤާނޫނުގައި ބަޔާންކޮށްފައިވާ ކަންކަން ފުރިހަމަކޮށްފައިވާކަން؛(2) މި ޤާނޫނާ އެއްގޮތްވާ ގޮތުގެމަތިން ކުންފުނި ރަޖިސްޓަރީކުރެވިފައިވާކަން ؛ އަދި(3) ކުންފުނި ރަޖިސްޓަރީކުރެވިފައިވަނީ، ސެޓްފިކެޓުގައި ކުންފުނި ރަޖިސްޓަރީކޮށްފައިވާ ތާރީޚުކަމަށް ބަޔާންކުރާ ތާރީޚުގައިކަން.

މާއްދާ 24. ރަޖިސްޓަރީ ސެޓްފިކެޓު 

ރަޖިސްޓަރީވުމުގެ ނަތީޖާ: 25. ކުންފުންޏެއް ރަޖިސްޓަރީކުރެވޭ ތާރީޚުން ފެށިގެން އަންނަނިވި ކަންކަން ފުރިހަމަވީކަމުގައި ބެލެވޭނެއެވެ.&nbsp;(ހ) ކުންފުނީގެ ނަންކަމުގައި އެ ކުންފުންޏެއްގެ ރަޖިސްޓަރީ ސެޓްފިކެޓުގައި ބަޔާންކޮށްފައިވާ ނަމުގައި، އެ ކުންފުނީގެ&nbsp;މެންބަރުންނާ ވަކިން އުފެދިފައިވާ ޤާނޫނީ ޝަޚްޞެއްގެ ގޮތުގައި އެ ކުންފުންޏެއް ވެގެންދިޔުން؛&nbsp;(ށ) ކުންފުނީގެ ދުސްތޫރުގައި ބަޔާންކޮށްފައިވާ އެންމެހައި ބާރާއި މަސްއޫލިއްޔަތު އަދާކުރުމުގެ ޒިންމާ އުފުލުމުގެ ޤާބިލުކަން އެ ކުންފުންޏަށް ލިބުން؛(ނ) މި ޤާނޫނުގެ ތޭރަވަނަ ބާބުގައި ހިމެނޭ މާއްދާތަކާ ޚިލާފުނުވާނެ ގޮތެއްގެމަތިން، ދެމިގެންދިޔުމުގެ ޙައްޤު ކުންފުންޏަށް ލިބިގެންވުން؛(ރ) ކުންފުނީގެ އަމިއްލަ ނަމުގައި ދަޢުވާކުރުމާއި ދަޢުވާ ލިބިގަތުމުގެ ހައިސިއްޔަތު ލިބިގެންދިޔުން؛&nbsp;(ބ) ޤާނޫނު ހުއްދަކުރާ ގޮތުގެމަތިން، އުފުލޭ މުދަލާއި ނުއުފުލޭ މުދާ ލިބިގަތުމުގެ ބާރު ކުންފުންޏަށް ލިބިގެންވުން؛(ޅ) ކުންފުނީގެ އެންމެހައި އާމްދަނީއާއި މުދަލުގެ ވެރިފަރާތްކަމުގައި އެ ކުންފުނި ކަނޑައެޅިގެން ދިޔުން؛ އަދި&nbsp;(ކ) ކުންފުނީގެ ދުސްތޫރު ހުއްދަކުރާ ގޮތެއްގެމަތިން، ކުންފުނީގެ މެންބަރުންނަށް ކުންފުނީގެ ފައިދާގައި ބައިވެރިވުމުގެ ޙައްޤު ލިބިގެންދިޔުން.&nbsp;

މާއްދާ 25. ރަޖިސްޓަރީވުމުގެ ނަތީޖާ 

ތިންވަނަ ބާބު: ކުންފުނި އުފެއްދުމާއި ރަޖިސްޓްރީކުރުން - ކުންފުނީގެ ބާވަތް ބަދަލުކުރުން

ކުންފުނީގެ ބާވަތް ބަދަލުކުރުމުން އަލުން ރަޖިސްޓަރީކުރުން: 26. މި ޤާނޫނުގެ ދަށުން ރަޖިސްޓަރީކޮށްފައިވާ ކުންފުންޏެއް، އެއް ބާވަތުން އަނެއްބާވަތަށް ބަދަލުކުރެވޭނީ، މި ބާބުގައި ހިމެނޭ މާއްދާތަކުގައި ބަޔާންކުރާ ގޮތުގެމަތިން، އެ ކުންފުނީގެ ބާވަތުން އެހެން ބާވަތަކަށް ބަދަލުކުރުމަށް ކުންފުނިންނިންމައި، ކުންފުނި ރަޖިސްޓަރީކުރުމަށް ރަޖިސްޓްރާރަށް ހުށަހަޅައި، މި ޤާނޫނުގެ ދަށުން ހަދާ ގަވާއިދުގައި ބަޔާންކޮށްފައިވާ ގޮތުގެމަތިން އެ ކުންފުނީގެބާވަތް ބަދަލުކޮށް ރަޖިސްޓަރީކުރުމުންނެވެ.

މާއްދާ 26. ކުންފުނީގެ ބާވަތް ބަދަލުކުރުމުން އަލުން ރަޖިސްޓަރީކުރުން 

ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކުރުން: 27. (ހ) ޕްރައިވެޓް ކުންފުންޏެއް ޕަބްލިކް ކުންފުންޏެއްގެ ގޮތުގައި ރަޖިސްޓަރީކުރެވޭނީ، އެ ބަދަލު ގެނައުމަށް ކުންފުނީގެ މެންބަރުންގެ&nbsp; ޚާއްޞަ ޤަރާރަކުން ފާސްކޮށް ، ޕަބްލިކް ކުންފުންޏެއްގެ ގޮތުގައި އެ ކުންފުންޏެއް ރަޖިސްޓަރީކުރުމަށް ރަޖިސްޓްރާރަށް ހުށަހެޅުމަށްފަހު، މި ޤާނޫނާ އެއްގޮތްވާ ގޮތުގެމަތިން އެ ކުންފުންޏެއް ޕަބްލިކް ކުންފުންޏެއްގެ ގޮތުގައި ރަޖިސްޓަރީކުރުމުންނެވެ.(ށ) ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކޮށް، ޕަބްލިކް ކުންފުންޏެއްގެ ގޮތުގައި ރަޖިސްޓަރީކުރުމަށް ރަޖިސްޓްރާރަށް ހުށަހަޅާއިރު، އަންނަނިވި ލިޔެކިޔުން ހުށަހަޅަންވާނެއެވެ.&nbsp;(1) ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކުރުމަށް، އެ ކުންފުނިން ފާސްކުރި ޚާއްޞަ ޤަރާރު؛(2) ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކުރުމަށްޓަކައި، މި ޤާނޫނުގެ މާއްދާތަކާ އެއްގޮތްވާ ގޮތުގެމަތިން ކުންފުނީގެ ދުސްތޫރަށް ގެންނަންޖެހޭ ބަދަލުތައް ގެނައުމަށްފަހު، ކުންފުނީގެ މެންބަރުން ފާސްކޮށްފައިވާ ދުސްތޫރު؛(3) މި ޤާނޫނުގެ 228 ވަނަ މާއްދާގައި ބަޔާންކުރާ ކޮމްޕްލަޔަންސް ސްޓޭޓްމަންޓް.(ނ) ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކޮށް، ޕަބްލިކް ކުންފުންޏެއްގެ ގޮތުގައި ރަޖިސްޓަރީކުރުމަށް ރަޖިސްޓްރާރަށް ހުށަހަޅާއިރު، މި ޤާނޫނުގައި ބަޔާންކުރާ އަންނަނިވި ކަންކަން ފުރިހަމަކުރަންވާނެއެވެ.(1) ކުންފުނީގެ ސެކްރެޓަރީއެއް ، މި ޤާނޫނުގެ 145 ވަނަ މާއްދާއާ އެއްގޮތްވާ ގޮތުގެމަތިން، ރަޖިސްޓްރާރގެ ދަފްތަރުގައި ރަޖިސްޓަރީކުރުން؛ އަދި(2) މި ޤާނޫނުގެ ޖަދުވަލު 1 ގައި ބަޔާންކުރާ ރަޖިސްޓަރީ ފީ ދެއްކުން.(ރ) މި މާއްދާގެ (ހ) އާއި (ށ) ގައިވާ ގޮތުގެމަތިން، ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކޮށް، ޕަބްލިކް&nbsp;ކުންފުންޏެއްގެ ގޮތުގައި ރަޖިސްޓަރީކުރުމަށް ރަޖިސްޓްރާރަށް ހުށަހެޅުމުން، ޕަބްލިކް ކުންފުންޏެއް ރަޖިސްޓަރީކުރުމަށް މި ޤާނޫނުގައި ބަޔާންކުރާ ކަންކަން އެ ހުށަހެޅުމުގައި ފުރިހަމަވެފައިވާނަމަ، އެ ކުންފުންޏެއް ޕަބްލިކް ކުންފުންޏެއްގެ ގޮތުގައި ރަޖިސްޓަރީކޮށް، އެ ކުންފުންޏަކަށް ރަޖިސްޓަރީ ސެޓްފިކެޓެއް ރަޖިސްޓްރާރ ދޫކުރަންވާނެއެވެ. އެގޮތުން ދޫކުރާ ސެޓްފިކެޓުގައި، މި ޤާނޫނުގެ 24 ވަނަ މާއްދާގެ (ށ) ގައި ބަޔާންކުރާ ކަންކަމުގެ އިތުރުން، އަންނަނިވި މަޢުލޫމާތު ހިމަނަންވާނެއެވެ.&nbsp;(1) އެ ކުންފުންޏަކީ، ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކުރުމުން، ޕަބްލިކް ކުންފުންޏެއްގެ ގޮތުގައި ރަޖިސްޓަރީކުރެވުނު ކުންފުންޏެއްކަން؛(2) ޕަބްލިކް ކުންފުންޏެއްގެ ގޮތުގައި ރަޖިސްޓަރީކުރެވުނު ތާރީޚް؛(3) ކުންފުނީގެ ބާވަތް ބަދަލުކުރުމުގެ ސަބަބުން، މި ޤާނޫނުގެ 67 ވަނަ މާއްދާއާ އެއްގޮތްވާ ގޮތުގެމަތިން ކުންފުނީގެ ހައިސިއްޔަތާއި ބާވަތް އަންގައިދޭ ރަމްޒު ބަދަލުވެފައިވާނަމަ، އެކަން.&nbsp;

މާއްދާ 27. ޕްރައިވެޓް ކުންފުންޏެއް ޕަބްލިކް ކުންފުންޏަކަށް ބަދަލުކުރުން

ސަރުކާރުގެ ކުންފުނި ނުވަތަ ލޯކަލް އޮތޯރިޓީ ކުންފުނި، ޕަބްލިކް ކުންފުންޏަކަށް ބަދަލުކުރުން: 28. އެހެން ޤާނޫނަކުން އެހެން ގޮތަކަށް ކަނޑައަޅާފައިނުވާހާ ހިނދަކު، ސަރުކާރުގެ ކުންފުންޏެއް ނުވަތަ ލޯކަލް އޮތޯރިޓީ ކުންފުންޏެއް، ޕަބްލިކް ކުންފުންޏަކަށް ބަދަލުކުރުމުގައި ޢަމަލުކުރާނީ، މި ޤާނޫނުގެ 27 ވަނަ މާއްދާގައި ބަޔާންކުރާ އުޞޫލުތަކާއި އިޖުރާއަތުތަކާ އެއްގޮތްވާ ގޮތުގެމަތިންނެވެ.

މާއްދާ 28. ސަރުކާރުގެ ކުންފުނި ނުވަތަ ލޯކަލް އޮތޯރިޓީ ކުންފުނި، ޕަބްލިކް ކުންފުންޏަކަށް ބަދަލުކުރުން 

ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކުރުން: 29. (ހ) &nbsp;ޕަބްލިކް ކުންފުންޏެއް ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރެވޭނީ، އެ ބަދަލު ގެނައުމަށް ކުންފުނީގެ ޚާއްޞަ ޤަރާރަކުން ފާސްކޮށް، ޕްރައިވެޓް ކުންފުންޏެއްގެ ގޮތުގައި އެ ކުންފުންޏެއް ރަޖިސްޓަރީކުރުމަށް ރަޖިސްޓްރާރަށް ހުށަހެޅުމަށްފަހު،&nbsp;މި ޤާނޫނާ އެއްގޮތްވާ ގޮތުގެމަތިން އެ ކުންފުންޏެއް ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރުމުންނެވެ.&nbsp;(ށ) ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކޮށް، ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރުމަށް ރަޖިސްޓްރާރަށް ހުށަހަޅާއިރު، އަންނަނިވި ލިޔުންތައް ހުށަހަޅަންވާނެއެވެ.(1) ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކުރުމަށް، އެ ކުންފުނިން ފާސްކުރި ޚާއްޞަ ޤަރާރު؛(2) ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކުރުމަށްޓަކައި، މި ޤާނޫނުގެ މާއްދާތަކާ އެއްގޮތްވާ ގޮތުގެމަތިން ކުންފުނީގެ ދުސްތޫރަށް ގެންނަންޖެހޭ ބަދަލުތައް ގެނައުމަށްފަހު، ކުންފުނީގެ މެންބަރުން ފާސްކޮށްފައިވާ ދުސްތޫރު؛(3) މި ޤާނޫނުގެ 228 ވަނަ މާއްދާގައި ބަޔާންކުރާ ކޮމްޕްލަޔަންސް ސްޓޭޓްމަންޓް.(ނ) ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކޮށް، ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރުމަށް ރަޖިސްޓްރާރަށް ހުށަހަޅާއިރު، މި ޤާނޫނުގެ ޖަދުވަލު 1 ގައި ބަޔާންކުރާ ރަޖިސްޓަރީ ފީ ދައްކަންވާނެއެވެ.(ރ) މި މާއްދާގެ (ހ) އާއި (ށ) ގައިވާ ގޮތުގެމަތިން، ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކޮށް، ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރުމަށް ރަޖިސްޓްރާރަށް ހުށަހެޅުމުން، ޕްރައިވެޓް ކުންފުންޏެއް ރަޖިސްޓަރީކުރުމާ ގުޅޭގޮތުން މި ޤާނޫނުގައި ބަޔާންކުރާ ކަންކަން އެ ހުށަހެޅުމުގައިފުރިހަމަވެފައިވާނަމަ، އެ ކުންފުންޏެއް ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކޮށް، އެ ކުންފުންޏަކަށް ރަޖިސްޓަރީ ސެޓްފިކެޓެއް ރަޖިސްޓްރާރ ދޫކުރަންވާނެއެވެ. އެގޮތުން ދޫކުރާ&nbsp;ސެޓްފިކެޓުގައި، މި ޤާނޫނުގެ 24 ވަނަ މާއްދާގެ (ށ) ގައި ބަޔާންކުރާ ކަންކަމުގެ އިތުރުން، އަންނަނިވި މަޢުލޫމާތު ހިމަނަންވާނެއެވެ.(1) އެ ކުންފުންޏަކީ، ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކުރުމުން، ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރެވުނު ކުންފުންޏެއްކަން؛(2) ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރެވުނު ތާރީޚް؛(3) ކުންފުނީގެ ބާވަތް ބަދަލުކުރުމުގެ ސަބަބުން، މި ޤާނޫނުގެ 67 ވަނަ މާއްދާއާ އެއްގޮތްވާ ގޮތުގެމަތިން ކުންފުނީގެ ހައިސިއްޔަތާއި ބާވަތް އަންގައިދޭ ރަމްޒު ބަދަލުވެފައިވާނަމަ އެކަން.&nbsp;

މާއްދާ 29. ޕަބްލިކް ކުންފުންޏެއް ޕްރައިވެޓް ކުންފުންޏަކަށް ބަދަލުކުރުން 

ސަރުކާރުގެ ކުންފުންޏެއް ޕްރައިވެޓް ކުންފުންޏަކަށް ބަދަލުކުރުން: 30. (ހ) ސަރުކާރުގެ ކުންފުންޏެއް ، ޕްރައިވެޓް ކުންފުންޏެއްގެ ގޮތުގައިރަޖިސްޓަރީކުރެވޭނީ، އެ ކުންފުނީގެ ރައުސްމާލު އެކުލެވިގެންވާ ހިއްސާގެ ތެރެއިން އެއްވެސް ހިއްސާއެއް ، ޤާނޫނު ހުއްދަކުރާ ގޮތެއްގެމަތިން ސަރުކާރު ނޫން ފަރާތަކަށް ބަދަލުކޮށް، މި ޤާނޫނުގެ 163 ވަނަ މާއްދާގެ ދަށުން ރަޖިސްޓަރީކުރުމުންނެވެ.&nbsp;(ށ) މި މާއްދާގެ (ހ) ގައިވާ ގޮތުގެމަތިން، ސަރުކާރުގެ ކުންފުންޏެއްގެ ހިއްސާ، ސަރުކާރު ނޫން މެންބަރަކަށް ބަދަލުވުމާ ގުޅިގެން، ޕްރައިވެޓް ކުންފުންޏެއް ރަޖިސްޓަރީކުރުމާ ގުޅޭގޮތުން މި ޤާނޫނުގައި ބަޔާންކުރާ ކަންކަން އެ ކުންފުންޏެއްގައި ފުރިހަމަވެފައިވާނަމަ، އެ ކުންފުންޏެއް ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކޮށް، އެ ކުންފުންޏަކަށް ރަޖިސްޓަރީ ސެޓްފިކެޓެއް ރަޖިސްޓްރާރ ދޫކުރަންވާނެއެވެ. އެގޮތުން ދޫކުރާ ސެޓްފިކެޓުގައި، މި ޤާނޫނުގެ 24 ވަނަ މާއްދާގެ (ށ) ގައި ބަޔާންކުރާ މަޢުލޫމާތު ހިމަނަންވާނެއެވެ.&nbsp;

މާއްދާ 30. ސަރުކާރުގެ ކުންފުންޏެއް ޕްރައިވެޓް ކުންފުންޏަކަށް ބަދަލުކުރުން 

ލޯކަލް އޮތޯރިޓީ ކުންފުންޏެއް ޕްރައިވެޓް ކުންފުންޏަކަށް ބަދަލުކުރުން: 31. (ހ) ލޯކަލް އޮތޯރިޓީ ކުންފުންޏެއް ޕްރައިވެޓް ކުންފުންޏަކަށް ބަދަލުކޮށް،ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކުރެވޭނީ، އެ ކުންފުނީގެ ރައުސްމާލު އެކުލެވިގެންވާ ހިއްސާގެ ތެރެއިން އެއްވެސް ހިއްސާއެއް، ޤާނޫނު ހުއްދަކުރާ ގޮތެއްގެމަތިން ލޯކަލް އޮތޯރިޓީ ކައުންސިލް ނޫން އެހެން އެއްވެސް ފަރާތަކަށް ބަދަލުކޮށް، އެކަން މި ޤާނޫނުގެ 163 ވަނަ މާއްދާގެ ދަށުން ރަޖިސްޓަރީކުރުމުންނެވެ.(ށ) މި މާއްދާގެ (ހ) ގައިވާ ގޮތުގެމަތިން، ލޯކަލް އޮތޯރިޓީ ކުންފުންޏެއްގެ ހިއްސާ، ލޯކަލް އޮތޯރިޓީ ކައުންސިލް ނޫން މެންބަރަކަށް ބަދަލުވުމާގުޅިގެން، މި ޤާނޫނުގެ ދަށުން ޕްރައިވެޓް ކުންފުންޏެއް ރަޖިސްޓަރީކުރުމަށް ޤާނޫނުގައި ބަޔާންކުރާ ކަންކަން އެ ކުންފުންޏެއްގައި ފުރިހަމަވެފައިވާނަމަ، އެ ކުންފުންޏެއް ޕްރައިވެޓް ކުންފުންޏެއްގެ ގޮތުގައި ރަޖިސްޓަރީކޮށް، އެ ކުންފުންޏަކަށް ރަޖިސްޓަރީ ސެޓްފިކެޓެއް ރަޖިސްޓްރާރ ދޫކުރަންވާނެއެވެ. މިގޮތުން ދޫކުރާ ސެޓްފިކެޓުގައި، މި ޤާނޫނުގެ 24 ވަނަ މާއްދާގެ (ށ) ގައި ބަޔާންކުރާ މަޢުލޫމާތު ހިމަނަންވާނެއެވެ.&nbsp;

މާއްދާ 31. ލޯކަލް އޮތޯރިޓީ ކުންފުންޏެއް ޕްރައިވެޓް ކުންފުންޏަކަށް ބަދަލުކުރުން

ކުންފުނީގެ ބާވަތް ބަދަލުވުމުން ނުކުންނަ ނަތީޖާ: 32. މި ޤާނޫނުގެ 26 ވަނަ މާއްދާއިން ފެށިގެން 31 ވަނަ މާއްދާގެ ނިޔަލަށް ހުރި މާއްދާތަކުގައި ބަޔާންކޮށްފައިވާ ގޮތުގެމަތިން ކުންފުންޏެއް އެއް ބާވަތުން އަނެއް ބާވަތަށް ބަދަލުވުމަކުން، އެ ކުންފުންޏެއްގެ ޙައްޤަކަށް، ނުވަތަ އިލްތިޒާމަކަށް، ނުވަތަ އެ ކުންފުންޏަކުން ކުރާ ނުވަތަ ކޮށްފައިވާ މުޢާމަލާތަކަށް، ނުވަތަ އެ ކުންފުންޏެއްގެ މައްޗަށް ކުރެވޭ ނުވަތަ ކޮށްފައިވާ ދަޢުވާއަކަށް އެއްވެސް ބަދަލެއް ނާންނާނެއެވެ.&nbsp;

މާއްދާ 32. ކުންފުނީގެ ބާވަތް ބަދަލުވުމުން ނުކުންނަ ނަތީޖާ 

ތިންވަނަ ބާބު: ކުންފުނި އުފެއްދުމާއި ރަޖިސްޓްރީކުރުން - ބޭރުގެ ކުންފުނި ރީރަޖިސްޓަރީކުރުން

ބޭރުގެ ކުންފުނި ރީރަޖިސްޓަރީކުރުން ލާޒިމުވުން: 33. (ހ) މި މާއްދާގައި ބަޔާންކުރާ ގޮތުގެމަތިން ރަޖިސްޓަރީކޮށްގެން މެނުވީ،&nbsp;ބޭރުގެ އެއްވެސް ކުންފުންޏަކުން ދިވެހިރާއްޖޭގައި ޙަރަކާތްތެރިވުމަކީ މަނާކަމެކެވެ.(ށ) މި ޤާނޫނުގެ 8 ވަނަ މާއްދާގައި ބަޔާންކުރާ ގޮތުގެމަތިން ރަޖިސްޓަރީކުރާ ފޮރިން އިންވެސްޓްމަންޓް ކުންފުނި ފިޔަވައި، ބޭރުގެ ކުންފުންޏަކުން ދިވެހިރާއްޖޭގައި ޙަރަކާތްތެރިވާންވާނީ، ދިވެހިރާއްޖޭގައި ކުރެވޭ ފޮރިން އިންވެސްޓްމަންޓާބެހޭ ޤާނޫނުގައި ކަނޑައަޅައި ބަޔާންކުރާ ގޮތެއްގެމަތިން ހުއްދަ ހޯދައި، މި ޤާނޫނުގެ 34 ވަނަ މާއްދާގައި ބަޔާންކުރާ ގޮތުގެމަތިން އެ ކުންފުނި ރީރަޖިސްޓަރީކުރުމަށް ރަޖިސްޓްރާރަށް ހުށަހަޅައި، މި ޤާނޫނުގެ 231 ވަނަ މާއްދާގައި ބަޔާންކުރާ ދަފްތަރުގައި ރަޖިސްޓަރީކުރުމަށްފަހުއެވެ.&nbsp;(ނ) މި ޤާނޫނުގެ ބޭނުމަށްޓަކައި، "ބޭރުގެ ކުންފުނި" ގެ މާނައިގައި، އެ ޤައުމެއްގެ ކަމާބެހޭ ޤާނޫނެއްގެ ދަށުން ރަޖިސްޓަރީކޮށްފައިވާ ވިޔަފާރި ހިންގާ ޖަމްޢިއްޔާ ނުވަތަ ޗެރިޓީ ނުވަތަ ފައުންޑޭޝަން ނުވަތަ އެނޫންވެސް ޤާނޫނީ ޝަޚްޞު ހިމެނޭނެއެވެ.

މާއްދާ 33. ބޭރުގެ ކުންފުނި ރީރަޖިސްޓަރީކުރުން ލާޒިމުވުން 

ބޭރުގެ ކުންފުނި ރީރަޖިސްޓަރީކުރަން ހުށަހެޅުން: 34. (ހ) މި ޤާނޫނުގެ ދަށުން ބޭރުގެ ކުންފުންޏެއް ރީރަޖިސްޓަރީކުރުމަށްޓަކައި، އަންނަނިވި ލިޔެކިޔުން ފުރިހަމަކޮށް ރަޖިސްޓްރާރަށް ހުށަހަޅަންވާނެއެވެ.(1) އެ ކުންފުންޏަކުން ދިވެހިރާއްޖޭގައި ޙަރަކާތްތެރިވާނެ ދާއިރާ ނުވަތަ ވިޔަފާރިއަކަށް ، ދިވެހިރާއްޖޭގައި ކުރެވޭ ފޮރިން އިންވެސްޓްމަންޓާބެހޭ ޤާނޫނުގެ ދަށުން ހޯދާފައިވާ ހުއްދަ؛(2) ބޭރުގެ ކުންފުނީގެ އަންނަނިވި މަޢުލޫމާތު: i. ކުންފުނީގެ ނަން، ރަޖިސްޓަރީ ނަންބަރު، ރަޖިސްޓަރީކޮށްފައިވާ އެޑްރެހާއި ވިޔަފާރި ހިންގާ އެޑްރެސް؛ii.ކުންފުނީގެ މެންބަރުންގެ މަޢުލޫމާތު، އަދި އެއްވެސް މެންބަރަކީ ޤާނޫނީ ޝަޚްޞެއްނަމަ، އެ ފަރާތްތަކުގެ މެންބަރުންގެ މަޢުލޫމާތު؛iii. ކުންފުނީގެ ހުރިހާ ޑިރެކްޓަރުންގެ މަޢުލޫމާތު، އަދި އެއްވެސް ޑިރެކްޓަރަކީ ޤާނޫނީ ޝަޚްޞެއްނަމަ، އެ ފަރާތްތަކުގެ މެންބަރުންގެ މަޢުލޫމާތު؛ iv. ކުންފުނީގެ ރައުސްމާލާއި ހިއްސާގެ މަޢުލޫމާތު؛ v. ކުންފުނީގެ ދުސްތޫރު. (3) މި&nbsp;ޤާނޫނުގެ 35 ވަނަ މާއްދާގައި ބަޔާންކުރާ ގޮތުގެމަތިން ޢައްޔަންކުރާ، ދިވެހިރާއްޖޭގައި ހުންނަ ކުންފުނީގެ އެޖެންޓުގެ މަޢުލޫމާތު؛(4) ދިވެހިރާއްޖޭގައި ހުންނަ ކުންފުނީގެ ސަރވިސް އެޑްރެސް؛ އަދި (5) މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ އެނޫންވެސް މަޢުލޫމާތު.(ށ) މި މާއްދާގެ (ހ) ގައިވާ ގޮތުގެމަތިން، ބޭރުގެ ކުންފުންޏެއް ދިވެހިރާއްޖޭގައި ރީރަޖިސްޓަރީކުރުމަށް ރަޖިސްޓްރާރަށް ހުށަހެޅުމުން، މި ޤާނޫނުގައި ބަޔާންކުރާ ކަންކަން އެ ހުށަހެޅުމުގައި ފުރިހަމަވެފައިވާނަމަ، އެ ކުންފުންޏެއް ރީރަޖިސްޓަރީކޮށް، އެ ކުންފުންޏަކަށް ރަޖިސްޓަރީ ސެޓްފިކެޓެއް ރަޖިސްޓްރާރ ދޫކުރަންވާނެއެވެ. މިގޮތުން ދޫކުރާ ސެޓްފިކެޓުގައި ، އަންނަނިވި މަޢުލޫމާތު ހިމަނަންވާނެއެވެ.&nbsp;(1) ކުންފުނީގެ ނަން، ރަޖިސްޓަރީ ނަންބަރު، ރަޖިސްޓަރީކުރެވިފައިވާ ޤައުމު؛ (2) އެ ކުންފުންޏަކީ. ދިވެހިރާއްޖޭގައި ރީރަޖިސްޓަރީކުރެވިފައިވާ ބޭރުގެ ކުންފުންޏެއްކަމާއި، ރީރަޖިސްޓަރީކުރެވުނު ތާރީޚް؛ (3) ރީރަޖިސްޓަރީ ނަންބަރު؛ އަދި (4) ކުންފުނިން ދިވެހިރާއްޖޭގައި ޙަރަކާތްތެރިވުމަށް ދޫކުރެވިފައިވާ ފޮރިން އިންވެސްޓްމަންޓް ހުއްދައިގެ މުއްދަތު.

މާއްދާ 34. ބޭރުގެ ކުންފުނި ރީރަޖިސްޓަރީކުރަން ހުށަހެޅުން

ބޭޭރުގެ ކުންފުނީގެ އެޖެންޓެއް ހުރުން: 35. (ހ) މި ޤާނޫނުގެ 34 ވަނަ މާއްދާގައި ބަޔާންކުރާ ގޮތުގެމަތިން ދިވެހިރާއްޖޭގައި ރީރަޖިސްޓަރީކުރާ ކޮންމެ ބޭރުގެ ކުންފުންޏަކުން، ދިވެހިރާއްޖޭގައި ޙަރަކާތްތެރިވާ އެ ކުންފުނީގެ އެޖެންޓެއްގެ ގޮތުގައި މީހަކު ޢައްޔަންކޮށްފައި ހުންނަންވާނެއެވެ.&nbsp;(ށ) މި މާއްދާގެ (ހ) ގައި ބަޔާންކުރާ ގޮތުގެމަތިން ޢައްޔަންކުރާ އެޖެންޓެއްގެ ކިބައިގައި އަންނަނިވި ޝަރުޠުތައް ފުރިހަމަވާންވާނެއެވެ.&nbsp;(1) އުމުރުން 18 (އަށާރަ) އަހަރު ފުރިފައިވާ، ފަރުދަކަށްވުން؛ (2) މި ޤާނޫނުގެ 115 ވަނަ މާއްދާގެ (ށ) ގެ (1) ވަނަ ނަންބަރު ނުވަތަ (2) ވަނަ ނަންބަރު ނުވަތަ (3) ވަނަ ނަންބަރުގައި ބަޔާންކުރާ ޙާލަތްތަކުންކުރެ ޙާލަތެއް މެދުވެރިވެފައިވާ ފަރާތަކަށް ނުވުން؛(3) ޢާންމުކޮށް ދިވެހިރާއްޖޭގައި ވަޒަންވެރިވެ ދިރިއުޅޭ ފަރާތެއްކަމުގައިވުން.(ނ) މި ޤާނޫނުގެ ދަށުން ރީރަޖިސްޓަރީކުރާ ބޭރުގެ ކުންފުންޏެއްގެ އެޖެންޓަކަށް ޢައްޔަންކުރާ ފަރާތަކީ، އެޖެންޓުކަމަށް ޢައްޔަންކުރުމަށް އޭނާ ރުހި ޤަބޫލުވާ ފަރާތެއްކަމަށާއި، މި މާއްދާގެ (ށ) ގައިބަޔާންކުރާ ޝަރުޠުތައް ފުރިހަމަވާ ފަރާތެއްކަމަށް ލިޔުމުން ބަޔާންކޮށް ކުންފުންޏަށް ހުށަހެޅުމުން މެނުވީ، ކުންފުނީގެ އެޖެންޓެއްގެ ގޮތުގައި އެއްވެސް ފަރާތެއް ހަމަޖައްސައިގެން ނުވާނެއެވެ.(ރ) މި ޤާނޫނުގެ ދަށުން ރީރަޖިސްޓަރީކުރާ ބޭރުގެ ކުންފުންޏެއްގެ އެޖެންޓަކަށް ޢައްޔަންކުރާ ފަރާތަކީ:(1) ކުންފުނިން އެނޫން ގޮތަކަށް ކަނޑައަޅާފައި ނުވާނަމަ، މި ޤާނޫނުގެ ދަށުން ރަޖިސްޓްރާރ ފޮނުވަންޖެހޭ އެންމެހައި ލިޔެކިޔުމާއި ނޯޓިސް ކުންފުނީގެ ފަރާތުން ބަލައިގަންނާނެ ފަރާތް؛(2) ބޭރުގެ ކުންފުނިން، މި ޤާނޫނުގެ ދަށުން ފުރިހަމަކުރަންޖެހޭ އެންމެހައި އިލްތިޒާމުތައް ފުރިހަމަކުރުމުގައި، ރަޖިސްޓްރާރަށް&nbsp;ޖަވާބުދާރީވުމުގެ ޒިންމާ އޮތް ފަރާތް؛ އަދި(3) މި ޤާނޫނުގެ އެއްވެސް މާއްދާއަކާ ކުންފުނިން ޚިލާފުވެގެން މި ޤާނޫނުގެ ދަށުން އެ ކުންފުންޏަކަށް އަޅާ އެއްވެސް ފިޔަވަޅަކަށް ފަރުދީގޮތުން ޒިންމާވާނެ ފަރާތެވެ.&nbsp;

މާއްދާ 35. ބޭރުގެ ކުންފުނީގެ އެޖެންޓެއް ހުރުން 

މަޢުލޫމާތު ރަޖި ސްޓްރާރަށް ހުށަހެޅުން: 36. (ހ) މި ޤާނޫނުގެ 34 ވަނަ މާއްދާގެ (ހ) ގައި ބަޔާންކުރާ ކުންފުނީގެ އެއްވެސް މަޢުލޫމާތަކަށް އެއްވެސް ބަދަލެއް އަތުވެއްޖެނަމަ، އެ ބަދަލެއް ގެންނަތާ 30 (ތިރީސް) ދުވަހުގެ ތެރޭގައި އެކަމުގެ މަޢުލޫމާތު، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިން ރަޖިސްޓްރާރަށް އަންގަންވާނެއެވެ.&nbsp;(ށ) މި ޤާނޫނުގެ 35 ވަނަ މާއްދާގައި ބަޔާންކުރާ ކުންފުނީގެ އެޖެންޓަށް އެއްވެސް ބަދަލެއް އަތުވެއްޖެނަމަ، އެ ބަދަލެއް އަންނަތާ 7 (ހަތެއް) ދުވަހުގެ ތެރޭގައި އެކަމުގެ މަޢުލޫމާތު، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިން ރަޖިސްޓްރާރަށް އަންގަންވާނެއެވެ.&nbsp;(ނ) މި މާއްދާގެ (ހ) ނުވަތަ (ށ) ގައި ބަޔާންކުރާ ގޮތުގެމަތިން އެ އަކުރުތަކުގައި ބަޔާންކުރާ މުއްދަތުގައި ކުންފުނިން ޢަމަލުކޮށް ރަޖިސްޓްރާރަށް އެ މަޢުލޫމާތު ހުށަހަޅާފައިނުވާނަމަ، އެ ކުންފުނިން އެ ކުރަނީ ކުށެކެވެ. އަދި އެ ފަރާތަކާމެދު މި ޤާނޫނުގެ ފަނަރަވަނަ ބާބުގައި ބަޔާންކުރާ ގޮތުގެމަތިން ފިޔަވަޅު އެޅޭނެއެވެ.&nbsp;

މާއްދާ 36. މަޢުލޫމާތު ރަޖި ސްޓްރާރަށް ހުށަހެޅުން 

ރީރަޖިސްޓަރީ ބާޠިލު ކުރުން: 37. (ހ) އަންނަނިވި ޙާލަތްތަކުގައި، ދިވެހިރާއްޖޭގައި ރީރަޖިސްޓަރީކޮށްފައިވާ ބޭރުގެ ކުންފުނީގެ ރީރަޖިސްޓަރީ ބާޠިލުކުރުމަށް ކުންފުނިން ރަޖިސްޓްރާރަށް ހުށަހަޅަންވާނެއެވެ.(1) ކުންފުނިން ދިވެހިރާއްޖޭގައި ކުރަމުން ގެންދިޔަ ވިޔަފާރި ހުއްޓާލުން؛(2) އެ ކުންފުންޏަށް ދޫކޮށްފައިވާ ފޮރިން އިންވެސްޓްމަންޓް ހުއްދަ ބާޠިލުވުން ނުވަތަ ހުއްދައިގެ މުއްދަތު ހަމަވުން؛ ނުވަތަ(3) އެ ކުންފުންޏެއް އުވާލުމަށް އެ ކުންފުންޏަކުން ކަނޑައެޅުން. (ށ) އަންނަނިވި ޙާލަތްތަކުގައި، ދިވެހިރާއްޖޭގައި ރީރަޖިސްޓަރީކޮށްފައިވާ ބޭރުގެ ކުންފުނީގެ ރީރަޖިސްޓަރީ ބާޠިލުކުރުމަށް ރަޖިސްޓްރާރަށް ކަނޑައެޅިދާނެއެވެ.(1) މި މާއްދާގެ (ހ) ގައި ބަޔާންކުރާ ޙާލަތްތަކުންކުރެ ޙާލަތެއް މެދުވެރިވާތާ 7 (ހަތެއް) ދުވަހުގެ ތެރޭގައި އެ ކުންފުނީގެ ރީރަޖިސްޓަރީ ބާޠިލުކުރުމަށް ރަޖިސްޓްރާރަށް ހުށަހަޅާފައި ނުވުން؛ ނުވަތަ(2) އެ ކުންފުންޏަކީ، ޙަރަކާތްތެރިނުވާ ކުންފުންޏެއްކަމަށް، މި ޤާނޫނުގެ 208 ވަނަ މާއްދާގައި ބަޔާންކުރާ ގޮތުގެމަތިން ކަނޑައަޅައި، 1 (އެކެއް) އަހަރުދުވަހުގެ މުއްދަތަށް ޙަރަކާތްތެރިނުވާ ކުންފުންޏެއްގެ ގޮތުގައި، މި ޤާނޫނުގެ 231 ވަނަ މާއްދާގައި ބަޔާންކުރާ ދަފްތަރުގައި އެ ކުންފުންޏެއްގެ ނަން އޮތުން.(ނ) މި މާއްދާގައި ބަޔާންކުރާ ގޮތުގެމަތިން ދިވެހިރާއްޖޭގައި ރީރަޖިސްޓަރީކޮށްފައިވާ ބޭރުގެ ކުންފުނީގެ ރީރަޖިސްޓަރީ ބާޠިލުކުރުމާގުޅޭ އުޞޫލުތައް ، މި ޤާނޫނުގެ ދަށުން ހަދާ ގަވާއިދުގައި ބަޔާންކުރަންވާނެއެވެ.&nbsp;

މާއްދާ 37. ރީރަޖިސްޓަރީ ބާޠިލު ކުރުން 

ހަތަރުވަނަ ބާބު: ކުންފުނީގެ ދުސްތޫރު

ކުުންފުނީގެ ދުސްތޫރު: 38. ުންފުނީގެ ދުސްތޫރަކީ، މި ބާބުގައި ހިމެނޭ މާއްދާތަކުގައި ބަޔާންކުރާ، އެ ކުންފުންޏެއްގެ އަސާސީ ގަވާއިދާއި ހިންގާ ގަވާއިދެވެ.&nbsp;

މާއްދާ 38. ކުންފުނީގެ ދުސްތޫރު 

އަަސާސީ ގަވާއިދު: 39. (ހ) ކޮންމެ ކުންފުންޏެއްގައިވެސް އަސާސީ ގަވާއިދެއް އޮންނަންވާނެއެވެ.(ށ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް، ސަރުކާރުގެ ކުންފުންޏެއް އުފައްދާ ޤާނޫނުގައި ނުވަތަ ޤަރާރުގައި، އަސާސީ ގަވާއިދުގައި ހިމަނަންޖެހޭކަމަށް މި ޤާނޫނުގައި ބަޔާންކުރާ މަޢުލޫމާތު ހިމެނޭނަމަ، އެއީ ކުންފުނީގެ އަސާސީ ގަވާއިދުގެ ގޮތުގައި ބަލައިގަނެ، ކުންފުނީގައި ވަކިން އަސާސީ ގަވާއިދެއް އޮތުން ލާޒިމެއް ނޫނެވެ.

މާއްދާ 39. އަސާސީ ގަވާއިދު 

އަސާސީ ގަވާއިދުގައި ހިމަނަންޖެހޭ މަޢުލޫމާތު: 40. (ހ) ކުންފުނީގެ އަސާސީ ގަވާއިދުގައި އަންނަނިވި މަޢުލޫމާތު ބަޔާންކުރަންވާނެއެވެ.&nbsp;(1) ކުންފުނީގެ ނަން؛(2) ކުންފުނި ރަޖިސްޓަރީކުރެވިފައިވާ އެޑްރެސް؛(3) ކުންފުނީގެ ބާވަތް؛(4) ކުންފުނި ރަޖިސްޓަރީކުރާއިރު، ކުންފުނީގެ ހިއްސާގެ ރައުސްމާލު އެކުލެވިގެންވާ ގޮތާއި، ހިއްސާގެ ޢަދަދާއި ، އެކި ގިންތިތަކުގެ ހިއްސާ ހިމެނޭނަމަ، އެ މަޢުލޫމާތު؛(5) ކުންފުނި ރަޖިސްޓަރީކުރާއިރު، ކުންފުނީގެ މެންބަރުންގެ ގޮތުގައި ހިއްސާ އެކަށައަޅާފައިވާ މެންބަރުންގެ މަޢުލޫމާތާއި، ކޮންމެ މެންބަރަކަށް އެކަށައަޅާފައިވާ ނުވަތަ ކޮންމެ މެންބަރަކު ނަގަން އެއްބަސްވެފައިވާ ހިއްސާގެ ޢަދަދާއި ނިސްބަތް؛(6) މެންބަރުން ދަރަންޏަށް ޒިންމާވާންޖެހޭ މިންވަރު.(ށ) މި މާއްދާގެ (ހ) ގައި ބަޔާންކުރާ ކަންކަމުގެ އިތުރުން، ކޮންމެ ޕްރައިވެޓް ކުންފުންޏެއްގެ އަސާސީ ގަވާއިދުގައި އަންނަނިވި ކަންކަން ބަޔާންކުރަންވާނެއެވެ.(1) އެ ކުންފުނީގެ ހިންގާ ގަވާއިދަކީ، މި ޤާނޫނުގެ 46 ވަނަ މާއްދާގެ (ހ) ގެ ދަށުން ރަޖިސްޓްރާރ އެކުލަވާލާފައިވާ ނަމޫނާ ހިންގާ ގަވާއިދުކަމަށް މި ޤާނޫނުގެ 46 ވަނަ މާއްދާގެ (ށ) ގެ ދަށުން އެ ކުންފުނިން ކަނޑައަޅާފައިވާނަމަ، އެކަން؛(2) ކުންފުނީގެ މަޤްޞަދުތަކުގެ ގޮތުގައި ވަކި ކަންތައްތަކެއް ކަނޑައެޅުމަށް މި ޤާނޫނުގެ 41 ވަނަ މާއްދާގެ (ށ) ގެ ދަށުން އިޚްތިޔާރުކޮށްފައިވާނަމަ، އެ މަޤްޞަދުތައް.&nbsp;(ނ) މި މާއްދާގެ (ހ) ގައި ބަޔާންކުރާ ކަންކަމުގެ އިތުރުން، ކޮންމެ ޕަބްލިކް ކުންފުންޏެއްގެ އަސާސީ ގަވާއިދުގައި އަންނަނިވި ކަންކަން ބަޔާންކުރަންވާނެއެވެ.&nbsp;(1) ކުންފުނިން ދޫކުރަން ޤަޞްދުކުރާ ސެކިއުރިޓީޒްގެ ބާވަތްތައް؛(2) ކުންފުނީގެ މެންބަރުންގެ ދަފްތަރު ބަލަހައްޓާނެ ގޮތް؛(3) ކުންފުނީގެ މަޤްޞަދުތައް؛(4) މި ޤާނޫނުގެ ދަށުން ހަދާ ގަވާއިދާއި ދިވެހިރާއްޖޭގެ މާލީ ސެކިއުރިޓީޒްއާބެހޭ ޤާނޫނު ތަންފީޛުކުރާ އިދާރާއިން ކަނޑައަޅާ އެހެނިހެން މަޢުލޫމާތު؛ އަދި(5) ބޭރުގެ ފަރާތްތަކަށް ސެކިއުރިޓީޒް ސަބްސްކްރައިބްކުރެވޭ ކުންފުންޏެއްތޯ ނުވަތަ ނޫންތޯ.

މާއްދާ 40. އަސާސީ ގަވާއިދުގައި ހިމަނަންޖެހޭ މަޢުލޫމާތު 

ކުުންފުނީގެ މަޤްޞަދުތައް: 41. (ހ) ކުންފުނީގެ އަސާސީ ގަވާއިދުގައި އެ ކުންފުނީގެ މަޤްޞަދުތަކުގެ ގޮތުގައި ވަކި ކަންތައްތަކެއް ބަޔާންކޮށްފައިނުވާހާ ހިނދަކު، ނުވަތަ ވަކި މަޤްޞަދުތަކެއް މަނާކޮށްފައިނުވާހާ ހިނދަކު، ކުންފުނީގެ މަޤްޞަދުތަކުގެ ގޮތުގައި ޤާނޫނު މަނާނުކުރާ ކޮންމެ ކަމެއް ކުރުމަށް ހުއްދަ ލިބިގެންވެއެވެ.(ށ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް، ކުންފުނީގެ މަޤްޞަދުތަކުގެ ގޮތުގައި ވަކި ކަންތައްތަކެއް ކުންފުނީގެ އަސާސީ ގަވާއިދުގައި ކަނޑައަޅައި ބަޔާންކުރުމުގެ އިޚްތިޔާރު ކޮންމެ ކުންފުންޏަކަށްވެސް ލިބިގެންވެއެވެ.&nbsp;(ނ) ކުންފުނީގެ މަޤްޞަދުތަކުގެ ގޮތުގައި އެ ކުންފުނީގެ އަސާސީ ގަވާއިދުގައި ވަކި ކަންތައްތަކެއް ބަޔާންކޮށްފައިވާނަމަ، ކުންފުނީގެ މަޤްޞަދުތައް ބަދަލުކުރެވޭނީ، މި ޤާނޫނުގެ 42 ވަނަ މާއްދާގައި ބަޔާންކުރާ އިޖުރާއަތާ އެއްގޮތްވާ ގޮތުގެމަތިންނެވެ.&nbsp;(ރ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް، ސަރުކާރުގެ ކުންފުނިތަކާއި، ލޯކަލް އޮތޯރިޓީ ކުންފުނިތަކުގެ މަޤްޞަދުތަކުގެ ގޮތުގައި ވަކި ކަންތައްތަކެއް، އެ ކުންފުނީގެ އަސާސީ ގަވާއިދުގައި ކަނޑައަޅައި ބަޔާންކުރަންވާނެއެވެ.&nbsp;(ބ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް ، ފޮރިން އިންވެސްޓްމަންޓް ކުންފުނިތަކުގެ މަޤްޞަދުތަކުގެ ގޮތުގައި، ދިވެހިރާއްޖޭގައި ކުރެވޭ ފޮރިން އިންވެސްޓްމަންޓާބެހޭ ޤާނޫނުގެ ދަށުން އެ ކުންފުންޏަކަށް ހުއްދަކޮށްފައިވާ މަސައްކަތްތަކާއި ޙަރަކާތްތައް، އެ ކުންފުނީގެ އަސާސީ ގަވާއިދުގައި ބަޔާންކުރަންވާނެއެވެ.

މާއްދާ 41. ކުުންފުނީގެ މަޤްޞަދުތައް 

އަސާސީ ގަވާއިދަށް ބަދަލު ގެނައުން: 42. މި ޤާނޫނުގައި އެހެން ގޮތަކަށް ކަނޑައަޅައި ބަޔާންކޮށްފައިނުވާހާ ހިނދަކު، ކުންފުނީގެ އަސާސީ ގަވާއިދަށް އެއްވެސް ބަދަލެއް ގެނެވޭނީ، ކުންފުނީގެ މެންބަރުންގެ ޚާއްޞަ ޤަރާރަކުން އަސާސީ ގަވާއިދަށް ބަދަލެއް ގެނައުމަށް ހުއްދަކުރާ ގޮތެއްގެމަތިންނެވެ.

މާއްދާ 42. އަސާސީ ގަވާއިދަށް ބަދަލު ގެނައުން 

ހިންގާ ގަވާއިދު: 43. މި ބާބުގެ މާއްދާތަކާ ޚިލާފުނުވާނެ ގޮތެއްގެމަތިން، ކޮންމެ ކުންފުންޏެއްގައިވެސް ހިންގާ ގަވާއިދެއް އޮންނަންވާނެއެވެ.

މާއްދާ 43. ހިންގާ ގަވާއިދު 

ހިންގާ ގަވާއިދުގައި ހިމަނަންޖެހޭ މަޢުލޫމާތު: 44. (ހ) މި ޤާނޫނުގެ 46 ވަނަ މާއްދާގެ (ށ) ގެ ދަށުން ކަނޑައެޅުމެއް ކަނޑައަޅާފައިވާ ޕްރައިވެޓް ކުންފުނި ފިޔަވައި، އެހެން ކޮންމެ ޕްރައިވެޓް ކުންފުންޏެއްގެ ހިންގާ ގަވާއިދުގައި ، އަންނަނިވި މަޢުލޫމާތު ބަޔާންކުރަންވާނެއެވެ.&nbsp;(1) ކުންފުނީގެ ހިއްސާ އަދި ބޮންޑު ހިމެނޭގޮތުން، ރަޖިސްޓަރީކޮށްފައިވާ ސެކިއުރިޓީޒް ، އެ ކުންފުނިން ޢާންމުންނަށް ނުވިއްކޭނެކަން؛(2) ކުންފުނީގެ މެންބަރުންގެ ޢަދަދު 50 (ފަންސާސް) އަށްވުރެ އިތުރުވެގެން ނުވާނެކަން؛(3) ކުންފުނީގެ މެންބަރުންގެ ބައްދަލުވުން ބާއްވާނެ ގޮތާއި، ބައްދަލުވުމުގެ ނޯޓިސް މެންބަރުންނަށް ދޭންޖެހޭނެ ގޮތާއި، އެ ބައްދަލުވުންތަކުގައި ވޯޓުލާނެ ގޮތާއި، ނިންމުންތައް ނިންމާނެ ގޮތާއި، ޤަރާރު ފާސްކުރާނެ ގޮތް؛ (4) ކުންފުނީގެ ޑިރެކްޓަރުންގެ ބޯޑު އެކުލެވިގެންވާ ގޮތާއި، ޑިރެކްޓަރުން ޢައްޔަންކޮށް ނުވަތަ އިންތިޚާބުކޮށް، ވަކިކުރާނެ ގޮތާއި ، ޑިރެކްޓަރުންގެ ބައްދަލުވުން ބާއްވާނެ ގޮތް؛(5) ކުންފުނީގެ ޑިރެކްޓަރުންގެ ބާރުތަކާއި މަސްއޫލިއްޔަތުތަކާއި ޒިންމާތައް؛(6) ކުންފުނީގެ ފައިދާ ބެހުމުގައި ޢަމަލުކުރާނެ ގޮތް؛(7) ކުންފުނީގެ މާލީ ހިސާބުތަކާއި މާލީ ރިކޯޑުތައް ބަލަހައްޓާނެ ގޮތް؛(8) ކުންފުނީގެ އޮޑިޓަރު ޢައްޔަންކުރާނެ ގޮތާއި ، ވަކިކުރާނެ ގޮތާއި ، އޮޑިޓަރުގެ ބާރުތަކާއި މަސްއޫލިއްޔަތުތަކާއި ޒިންމާތައް؛(9) ކުންފުނި އުވާލެވޭނެ ގޮތް؛ އަދި(10) މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ އެނޫންވެސް މަޢުލޫމާތު.&nbsp;(ށ) މި މާއްދާގެ (ހ) ގައި ބަޔާންކުރާ މަޢުލޫމާތުގެ އިތުރުން، ކޮންމެ ޕަބްލިކް ކުންފުންޏެއްގެ ހިންގާ ގަވާއިދުގައި، އަންނަނިވި ކަންކަން ބަޔާންކުރަންވާނެއެވެ. (1) ކުންފުނީގެ ހިއްސާ، ޑިބެންޗަރ، ބޮންޑު ނުވަތަ އެހެނިހެން ސެކިއުރިޓީޒް މެންބަރުންނަށް ދޫކުރުމާއި ދަފްތަރުކުރުމުގައި ޢަމަލުކުރާނެ ގޮތް؛(2) ކުންފުނީގެ ހިއްސާ، ޑިބެންޗަރ، ބޮންޑު ނުވަތަ އެހެނިހެން ސެކިއުރިޓީޒްއާ ގުޅޭގޮތުން މެންބަރުންނަށް ލިބިދޭ ޙައްޤުތައް؛(3) ޑިރެކްޓަރުން ޢައްޔަންކުރުމާއި ވަކިކުރުމުގައި ޢަމަލުކުރާނެ ގޮތް؛(4) ޑިރެކްޓަރުންގެ ބޯޑުގެ ޒިންމާތަކާއި ބާރުތައް؛(5) ކުންފުނިން ޑިވިޑެންޑް ނުވަތަ ފައިދާ ބެހުމުގައި ޢަމަލުކުރާނެ ގޮތް؛(6) މެންބަރުންގެ ދަފްތަރަށް ބަދަލު ގެނެސް ރިކޯޑުކުރުމުގައި ޢަމަލުކުރާނެ އިޖުރާއަތު؛(7) މެންބަރުންގެ ޖަލްސާތައް ބޭއްވުމުގައި ޢަމަލުކުރާނެ ގޮތް؛(8) ހިއްސާގެ އަގު ދެއްކުމަށް ކުންފުނިން އެންގުމުގައި ޢަމަލުކުރާނެ ގޮތް؛(9) ކުންފުންޏަށް ނޯޓިސް ދިނުމުގައި ޢަމަލުކުރާނެ ގޮތް އަދި ކުންފުނިން މެންބަރުންނަށް ނޯޓިސް ދިނުމުގައި ޢަމަލުކުރާނެ ގޮތް؛&nbsp;(10) ކުންފުނިން ނޯޓިސް ރައްދުކުރަން މަސައްކަތްކޮށް ، ނޯޓިސް ރައްދުނުވާކަމަށް ޤަބޫލުކުރެވޭ މެންބަރުންނާމެދު ޢަމަލުކުރާނެ ގޮތް.

މާއްދާ 44. ހިންގާ ގަވާއިދުގައި ހިމަނަންޖެހޭ މަޢުލޫމާތު 

ހިންގާ ގަވާއިދަށް ބަދަލު ގެނައުން: 45. މި ޤާނޫނުގައި އެހެން ގޮތަކަށް ކަނޑައަޅާފައިނުވާހާ ހިނދަކު، މި ޤާނޫނުގެ 44 ވަނަ މާއްދާގައި ބަޔާންކުރާ ކުންފުނީގެ ހިންގާ ގަވާއިދަށް އެއްވެސް ބަދަލެއް ގެނެވޭނީ، ކުންފުނީގެ މެންބަރުންގެ ޚާއްޞަ ޤަރާރަކުން ހިންގާ ގަވާއިދަށް ބަދަލެއް ގެނައުމަށް ހުއްދަކުރާ ގޮތެއްގެމަތިންނެވެ.&nbsp;

މާއްދާ 45. ހިންގާ ގަވާއިދަށް ބަދަލު ގެނައުން 

ޕްރައިވެޓް ކުންފުނީގެ ނަމޫނާ ހިންގާ ގަވާއިދު އެކުލަވާލުން: 46. (ހ) ޕްރައިވެޓް ކުންފުނީގެ ހިންގާ ގަވާއިދުގެ ނަމޫނާ ހިންގާ ގަވާއިދެއް ރަޖިސްޓްރާރ އެކުލަވާލައި ، މި ޤާނޫނުގެ ދަށުން ހަދާ ގަވާއިދުގައި ބަޔާންކުރަންވާނެއެވެ.&nbsp;(ށ) ޕްރައިވެޓް ކުންފުންޏެއް ރަޖިސްޓަރީކުރާއިރު، ނުވަތަ ރަޖިސްޓަރީކުރުމުގެ ފަހުން ނަމަވެސް، އެ ކުންފުންޏެއްގެ ހިންގާ ގަވާއިދަކީ މި މާއްދާގައި ބަޔާންކުރާ ނަމޫނާ ހިންގާ ގަވާއިދުކަމަށް އެ ކުންފުންޏަކުން ކަނޑައަޅައި އިޚްތިޔާރުކުރެވިދާނެއެވެ.(ނ) މި މާއްދާގެ (ށ) ގައި ބަޔާންކުރާ ކަނޑައެޅުމެއް ކުންފުނިން ކަނޑައެޅޭނީ އަންނަނިވި ގޮތުގެމަތިންނެވެ.(1) ުންފުނި ރަޖިސްޓަރީކުރާއިރު، އެ ކުންފުނީގެ ހިންގާ ގަވާއިދަކީ މި މާއްދާގައި ބަޔާންކުރާ ނަމޫނާ ހިންގާ ގަވާއިދުކަމަށް ކުންފުނީގެ އަސާސީ ގަވާއިދުގައި ލިޔެ ކަނޑައެޅުމުން؛ ނުވަތަ (2) ކުންފުނި ރަޖިސްޓަރީކުރުމަށްފަހު، އެއްވެސް ވަގުތެއްގައި، އެ ކުންފުނީގެ ހިންގާ ގަވާއިދަކީ މި މާއްދާގައި ބަޔާންކުރާ ނަމޫނާ ހިންގާ ގަވާއިދުކަމަށް ކުންފުނީގެ މެންބަރުންގެ ޚާއްޞަ ޤަރާރަކުން ކަނޑައަޅައި، ރަޖިސްޓްރާރަށް ހުށަހެޅުމުން.&nbsp;

މާއްދާ 46. ޕްރައިވެޓް ކުންފުނީގެ ނަމޫނާ ހިންގާ ގަވާއިދު އެކުލަވާލުން 

ނަމޫނާ ހިންގާ ގަވާއިދު ކުންފުނީގެ މައްޗަށް ހިންގުން: 47. (ހ) މި ޤާނޫނުގެ 46 ވަނަ މާއްދާގެ (ށ) ގެ ދަށުން ކަނޑައެޅުމެއް ކަނޑައަޅާފައިވާ ކޮންމެ ކުންފުންޏެއްގެ މައްޗަށް ހިނގާނީ، މި ޤާނޫނުގެ 46 ވަނަ މާއްދާގެ (ހ) ގެ ދަށުން ރަޖިސްޓްރާރ ހަދާ ގަވާއިދުގައި ބަޔާންކުރާ ނަމޫނާ ހިންގާ ގަވާއިދުގެ މާއްދާތަކެވެ.(ށ) މި މާއްދާގެ (ހ) ގައި ބަޔާންކުރާ ކުންފުނިތައް ފިޔަވައި އެހެނިހެން ކުންފުނިތަކުގެ މައްޗަށް ހިނގާނީ، މި ޤާނޫނުގެ މާއްދާތަކާ އެއްގޮތްވާ ގޮތުގެމަތިން އެކުލަވާލާފައިވާ ، އެ ކުންފުންޏެއްގެ ހިންގާ ގަވާއިދެވެ.&nbsp;(ނ) &nbsp;މި ޤާނޫނުގެ 46 ވަނަ މާއްދާގެ (ށ) ގެ ދަށުން ކަނޑައެޅުމެއް ކަނޑައަޅާފައިވާ ކުންފުންޏަކުން، ކޮންމެ ވަގުތެއްގައިވެސް ، އެ މާއްދާގައި ބަޔާންކުރާ އިޚްތިޔާރުކުރުން ދޫކޮށްލައި، އެ ކުންފުނީގެ އަމިއްލަ ހިންގާ ގަވާއިދެއް އެކުލަވާލުމަށް ކުންފުންޏަށް ނިންމިދާނެއެވެ. ކުންފުންޏަކަށް އެފަދައިން ނިންމޭނީ، މި ޤާނޫނުގެ 46 ވަނަ މާއްދާގެ (ށ) ގައި ބަޔާންކުރާ ކަނޑައެޅުން ކުންފުނިން އުވާލައި، އެ ކުންފުނީގެ އަމިއްލަ ހިންގާ ގަވާއިދެއް އެކުލަވާލުމަށް ކުންފުނީގެ މެންބަރުންގެ ޚާއްޞަ ޤަރާރަކުން ނިންމައި، މި ޤާނޫނުގެ 44 ވަނަ މާއްދާއާ&nbsp;އެއްގޮތްވާ ގޮތުގެމަތިން ކުންފުނީގެ ހިންގާ ގަވާއިދު އެކުލަވާލައި ، އެކަން ރަޖިސްޓްރާރަށް ހުށަހަޅައި ކުންފުނިތަކުގެ ދަފްތަރުގައި ރަޖިސްޓަރީކުރުމުން، އެ ތާރީޚަކުން ފެށިގެންނެވެ.&nbsp;

މާއްދާ 47. ނަމޫނާ ހިންގާ ގަވާއިދު ކުންފުނީގެ މައްޗަށް ހިންގުން 

ނަމޫނާ ހިންގާ ގަވާއިދަށް ބަދަލު ގެނައުން: 48. (ހ) މި ޤާނޫނުގެ 46 ވަނަ މާއްދާގައި ބަޔާންކުރާ ނަމޫނާ ހިންގާ ގަވާއިދަށް އެއްވެސް ބަދަލެއް ގެނެވޭނީ، އެ މާއްދާގެ (ހ) ގައި ބަޔާންކުރާ ގަވާއިދު، މި މާއްދާއާ ޚިލާފުނުވާނެ ގޮތެއްގެމަތިން ރަޖިސްޓްރާރ އިޞްލާޙުކޮށް، ދިވެހިސަރުކާރުގެ ގެޒެޓުގައި ޝާއިޢުކުރުމުންނެވެ.&nbsp;(ށ) މި މާއްދާގެ (ހ) ގައި ބަޔާންކުރާ ގޮތުގެމަތިން، މި ޤާނޫނުގެ 46 ވަނަ މާއްދާގެ (ހ) ގައި ބަޔާންކުރާ ގަވާއިދަށް ގެންނަ އެއްވެސް އިޞްލާޙަކަށް ޢަމަލުކުރަން ފަށާނީ، އެ ގަވާއިދު އިޞްލާޙުކޮށް ދިވެހިސަރުކާރުގެ ގެޒެޓުގައި ޝާއިޢުކުރާތާ 90 (ނުވަދިހަ) ދުވަސް ހަމަވާ ތާރީޚުން ފެށިގެންނެވެ.&nbsp;(ނ) މި މާއްދާގެ (ހ) އާއި (ށ) ގައި ބަޔާންކުރާ ގޮތުގެމަތިން ނަމޫނާ ހިންގާ ގަވާއިދަށް އެއްވެސް ބަދަލެއް ގެނެވޭ ހިނދު، މި ޤާނޫނުގެ 46 ވަނަ މާއްދާގެ (ށ) ގެ ދަށުން ކަނޑައެޅުމެއް ކަނޑައަޅާފައިވާ އެއްވެސް ކުންފުންޏަކުން، އެ ބަދަލު ގެނެސް އިޞްލާޙުކުރެވިފައިވާ ނަމޫނާ ހިންގާ ގަވާއިދު އެ ކުންފުންޏެއްގެ މައްޗަށް ހިންގުމަށް ނޭދޭނަމަ، މި ޤާނޫނުގެ 47 ވަނަ މާއްދާގެ (ނ) ގައި ބަޔާންކުރާ ގޮތުގެމަތިން ޢަމަލުކޮށް، އެ ކުންފުނީގެ އަމިއްލަ ހިންގާ ގަވާއިދެއް އެކުލަވާލައި، މި މާއްދާގެ (ށ) ގައި ބަޔާންކުރާ މުއްދަތުގެ ތެރޭގައި ރަޖިސްޓަރީކުރަންވާނެއެވެ.&nbsp;(ރ) މި މާއްދާގެ (ނ) އާ އެއްގޮތްވާ ގޮތުގެމަތިން ޢަމަލުކޮށް އެ ކުންފުނީގެ އަމިއްލަ ހިންގާ ގަވާއިދެއް އެކުލަވާލައި ރަޖިސްޓަރީކޮށްފައިނުވާނަމަ، މި މާއްދާގެ (ށ) ގައި ބަޔާންކުރާ މުއްދަތު ހަމަވުމުން އެ ކުންފުންޏެއްގެ މައްޗަށް، އިޞްލާޙުކުރެވުނު ނަމޫނާ ހިންގާ ގަވާއިދުގެ މާއްދާތައް ހިނގާނެއެވެ.&nbsp;(ބ) މި މާއްދާގެ (ރ) ގައި އެހެން ބަޔާންކޮށްފައިވީ ނަމަވެސް ، އެ އަކުރު ނިސްބަތްވާ އެއްވެސް ކުންފުންޏަކުން، ކޮންމެ ވަގުތެއްގައިވެސް ، މި ޤާނޫނުގެ 47 ވަނަ މާއްދާގެ (ނ) އަށް ޢަމަލުކުރުމުގެ ފުރިހަމަ އިޚްތިޔާރު ލިބިގެންވެއެވެ.&nbsp;

މާއްދާ 48. ނަމޫނާ ހިންގާ ގަވާއިދަށް ބަދަލު ގެނައުން 

ލޯކަލް އޮތޯރިޓީ ކުންފުނީގެ ނަމޫނާ ހިންގާ ގަވާއިދު އެކުލަވާލުން: 49. ލޯކަލް އޮތޯރިޓީ ކުންފުނީގެ ހިންގާ ގަވާއިދުގެ ނަމޫނާ ހިންގާ ގަވާއިދެއް ، ލޯކަލްގަވަރމަންޓް އޮތޯރިޓީގެ މަޝްވަރާއާއެކު ރަޖިސްޓްރާރ އެކުލަވާލައި، މި ޤާނޫނުގެ ދަށުން ހަދާ ގަވާއިދުގައި ބަޔާންކުރަންވާނެއެވެ. މި ޤާނޫނުގެ 46 ވަނަ މާއްދާއާއި 47 ވަނަ މާއްދާ އަދި 48 ވަނަ މާއްދާގައި ޕްރައިވެޓް ކުންފުނީގެ ނަމޫނާ ހިންގާ ގަވާއިދާ ގުޅޭގޮތުން ބަޔާންކުރާ އު ޞޫލުތައް، ލޯކަލް އޮތޯރިޓީ ކުންފުނީގެ ނަމޫނާ ހިންގާ ގަވާއިދާގުޅޭ ކަންކަމުގައި ހިނގާނެއެވެ.&nbsp;

މާއްދާ 49. ލޯކަލް އޮތޯރިޓީ ކުންފުނީގެ ނަމޫނާ ހިންގާ ގަވާއިދު އެކުލަވާލުން 

ކުންފުނީގެ ދުސްތޫރަށް ގެންނަ ބަދަލު ރަޖިސްޓްރާރަށް ހުށަހެޅުން: 50. (ހ) ކުންފުނީގެ އަސާސީ ގަވާއިދަށް ނުވަތަ ހިންގާ ގަވާއިދަށް އެއްވެސް ބަދަލެއް ގެނެސްފިނަމަ، އެ ބަދަލެއް ގެންނަތާ 30 (ތިރީސް) ދުވަހުގެ ތެރޭގައި އެކަން ރަޖިސްޓްރާރަށް އަންގަންވާނެއެވެ. އަދި ބަދަލު ގެނެވުނު އަސާސީ ގަވާއިދު ނުވަތަ ހިންގާ ގަވާއިދު، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތެއްގެމަތިން، ރަޖިސްޓްރާރގެ ދަފްތަރުގައި ރަޖިސްޓަރީކުރުމަށްޓަކައި ރަޖިސްޓްރާރަށް ހުށަހަޅަންވާނެއެވެ.&nbsp;(ށ) މި މާއްދާގެ (ހ) ގެ ދަށުން ކުންފުންޏެއްގެ އަސާސީ ގަވާއިދެއް ނުވަތަ ހިންގާ ގަވާއިދެއް ރަޖިސްޓްރާރަށް ހުށަހަޅާއިރު، އަންނަނިވި މަޢުލޫމާތާއި ލިޔެކިޔުން ހުށަހަޅަންވާނެއެވެ.(1) ކުންފުނީގެ އަސާސީ ގަވާއިދު ނުވަތަ ހިންގާ ގަވާއިދު ބަދަލުކުރުމަށް ކުންފުނީގެ މެންބަރުން ނިންމި ނިންމުން އެކުލެވޭ ޚާއްޞަ ޤަރާރު؛(2) ބަދަލު ގެނެވުނު އަސާސީ ގަވާއިދު ނުވަތަ ހިންގާ ގަވާއިދު؛(3) މި ޤާނޫނުގެ 228 ވަނަ މާއްދާގައި ބަޔާންކުރާ ކޮމްޕްލަޔަންސް ސްޓޭޓްމަންޓް؛(4) މި ޤާނޫނުގެ ޖަދުވަލު 1 ގައި ބަޔާންކުރާ ފީ.(ނ) މި &nbsp;މާއްދާގެ (ހ) އާއި (ށ) ގައިވާ ގޮތުގެމަތިން ރަޖިސްޓްރާރަށް ހުށަހެޅުމެއް ލިބުމާއެކު، މި ޤާނޫނުގައި ބަޔާންކުރާ ކަންކަން އެ ހުށަހެޅުމުގައި ފުރިހަމަވެފައިވާނަމަ، އެ ކުންފުންޏެއްގެ އަސާސީ ގަވާއިދަށް ނުވަތަ ހިންގާ ގަވާއިދަށް ގެނެވުނު ބަދަލު، މި ޤާނޫނުގެ 231 ވަނަ މާއްދާގައި ބަޔާންކުރާ ދަފްތަރުގައި ރަޖިސްޓަރީކޮށް، އެކަން ކުންފުންޏަށް އަންގަންވާނެއެވެ.(ރ) މި މާއްދާގެ ދަށުން ރަޖިސްޓްރާރަށް ހުށަހަޅާ އެއްވެސް ހުށަހެޅުމެއްގައި، މި ޤާނޫނާއި މި ޤާނޫނުގެ ދަށުން ހަދާ ގަވާއިދާއި ނުވަތަ އެ ކުންފުނީގެ ހިންގާ ގަވާއިދުގެ އެއްވެސް މާއްދާއަކާ ތަޢާރުޟުވާ އެއްވެސް ކަމެއް ހިމެނޭކަމަށް ރަޖިސްޓްރާރަށް ޤަބޫލުކުރެވޭނަމަ، އެކަން އިޞްލާޙުކޮށް އަލުން ހުށަހެޅުމަށް އެންގުމުގެ އިޚްތިޔާރު ރަޖިސްޓްރާރަށް ލިބިގެންވެއެވެ. އަދި އެފަދައިން އިޞްލާޙުކޮށް އަލުން ހުށަހެޅުމަށް، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތެއްގެމަތިން، އެކަށީގެންވާ މުއްދަތެއް، ކުންފުންޏަށް ދޭންވާނެއެވެ.&nbsp;(ބ) މި މާއްދާގެ (ހ) ގައި ބަޔާންކުރާ ގޮތުގެމަތިން އެ އަކުރުގައި ބަޔާންކުރާ މުއްދަތުގައި ކުންފުނިން ޢަމަލުކޮށް ރަޖިސްޓްރާރަށް ހުށަނޭޅުމަކީ ނުވަތަ މި މާއްދާގެ (ރ) ގައި ބަޔާންކުރާ ގޮތުގެމަތިން ކުންފުނިން ޢަމަލުކޮށް އެ މުއްދަތުގައި ރަޖިސްޓްރާރަށް ހުށަނޭޅުމަކީ، ކުށެކެވެ. އަދި އެ ފަރާތާމެދު މި ޤާނޫނުގެ ފަނަރަވަނަ ބާބުގައި ބަޔާންކުރާ ގޮތުގެމަތިން ފިޔަވަޅު އެޅޭނެއެވެ.(ޅ) މި މާއްދާގެ (ހ) ގައި ބަޔާންކުރާ ގޮތަށް އެ މުއްދަތުގައި ޢަމަލުނުކުރުމަކީ، ހަމައެކަނި އެކަމުގެ މައްޗަށް ބިނާކޮށް، ކުންފުނީގެ އަސާސީ ގަވާއިދަށް ނުވަތަ ހިންގާ ގަވާއިދަށް ގެނެވުނު ބަދަލު ބާޠިލުވާނެ ކަމެއް ނޫނެވެ. އަދި އެއީ، މި ޤާނޫނުގެ މާއްދާތަކާއި ، ކުންފުނީގެ ހިންގާ ގަވާއިދާ އެއްގޮތްވާ ގޮތުގެމަތިން ގެނެސްފައިވާ&nbsp; ބަދަލަކަށްވާނަމަ، އޭގެ ޞައްޙަކަން ދެމިއޮންނާނެއެވެ.

މާއްދާ 50. ކުންފުނީގެ ދުސްތޫރަށް ގެންނަ ބަދަލު ރަޖިސްޓްރާރަށް ހުށަހެޅުން 

ކުންފުނީގެ ދުސްތޫރަށް ބަދަލު ގެނައުމަށް ކޯޓަށް ހުށަހެޅުން: 51. (ހ) ކުންފުނީގެ ދުސްތޫރަށް ބަދަލު ގެނައުމަށް މި ޤާނޫނާއި ކުންފުނީގެ ދުސްތޫރުގައި ބަޔާންކުރާ އު ޞޫލުތަކުގެ ތެރެއިން ބަދަލެއް ގެނެވެން ނެތްނަމަ، ކުންފުނީގެ ދުސްތޫރަށް ބަދަލެއް ގެނައުމަށް އެދި، ކުންފުނީގެ މެންބަރަކަށް ނުވަތަ ޑިރެކްޓަރަކަށް، ކޯޓަށް ހުށަހެޅިދާނެއެވެ. އެފަދައިން ހުށަހަޅާ ހުށަހެޅުމެއްގައި، ކުންފުނީގެ ދުސްތޫރަށް ބަދަލު ގެނައުމުގެ އަމުރެއް، ކޯޓަށް ފެންނަ ގޮތަކަށް ނުވަތަ ފެންނަ ޝަރުޠުތަކެއްގެ މަތިން، ނެރެވިދާނެއެވެ.&nbsp;(ށ) މި މާއްދާގެ (ހ) ގެ ދަށުން ހުށަހަޅާ ހުށަހެޅުމެއްގައި ކޯޓުން ނެރޭ އަމުރެއް، އެ އަމުރެއް ނެރޭތާ 30 (ތިރީސް) ދުވަހުގެ ތެރޭގައި، ކޯޓަށް ހުށަހެޅި ފަރާތުން، ރަޖިސްޓްރާރަށް ފޮނުވަންވާނެއެވެ.&nbsp;

މާއްދާ 51. ކުންފުނީގެ ދުސްތޫރަށް ބަދަލު ގެނައުމަށް ކޯޓަށް ހުށަހެޅުން 

ކުންފުނީގެ ދުސްތޫރަށް ޢަމަލުކުރުން ލާޒިމުވުން&nbsp;: 52. (ހ) ކުންފުނީގެ އަސާސީ ގަވާއިދާއި ހިންގާ ގަވާއިދުގައިވާ މާއްދާތަކަށް ޢަމަލުކުރުމަކީ އެ ކުންފުންޏެއްގެ މައްޗަށާއި، ކުންފުނީގެ މެންބަރުންގެ މައްޗަށާއި ، ކުންފުނީގެ ޑިރެކްޓަރުންގެ މައްޗަށް ، އެ ފަރާތްތަކުގެ މެދުގައި ވެވިފައިވާ އެއްބަސްވުމެއް ފަދައިން، ލާޒިމުވެގެންވާ ކަމެކެވެ. ވަކިން ޚާއްޞަކޮށް، އަސާސީ ގަވާއިދާއި ހިންގާ ގަވާއިދުގެ ދަށުން ކުންފުންޏަށް މެންބަރަކު ދައްކަންޖެހޭ ފައިސާއަކީ، އެ މެންބަރަކު ކުންފުންޏަށް އަދާކުރަންޖެހޭ ދަރަންޏެކެވެ.(ށ) ކުންފުނި ހިންގުމުގެ އެންމެހައި ކަންކަން ކުރަންވާނީ، އެ ކުންފުންޏެއްގެ އަސާސީ ގަވާއިދާއި ހިންގާ ގަވާއިދުގައިވާ މާއްދާތަކާ އެއްގޮތްވާ ގޮތުގެމަތިންނެވެ.&nbsp;

މާއްދާ 52. ކުންފުނީގެ ދުސްތޫރަށް ޢަމަލުކުރުން ލާޒިމުވުން 

ކުުންފުނީގެ ދުސްތޫރު، މެންބަރުންނަށް ލިބުން: 53. (ހ) ކުންފުނީގެ އަސާސީ ގަވާއިދު ނުވަތަ ހިންގާ ގަވާއިދުގެ ކޮޕީއެއް ހޯދުމަށް އެދި، ކޮންމެ ވަގުތެއްގައިވެސް، ލިޔުމުން ކުންފުންޏަށް ހުށަހެޅުމުގެ ޙައްޤު، ކުންފުނީގެ ކޮންމެ މެންބަރަކަށް ލިބިގެންވެއެވެ.&nbsp;(ށ) މި &nbsp;މާއްދާގެ (ހ) ގެ ދަށުން މެންބަރަކު ކުންފުނީގައި އެދުމުން، ކުންފުނީގެ އަސާސީ ގަވާއިދު ނުވަތަ ހިންގާ ގަވާއިދުގެ ކޮޕީއެއް ކުންފުނިން އެ މެންބަރަކަށް ފޯރުކޮށްނުދޭ ޙާލަތްތަކުގައި، ކުންފުނިތަކުގެ ދަފްތަރުގައި ރަޖިސްޓަރީކޮށްފައިވާ ކުންފުނީގެ އަސާސީ ގަވާއިދު ނުވަތަ ހިންގާ ގަވާއިދުގެ ކޮޕީއެއް ހޯދުމަށް އެދި ރަޖިސްޓްރާރަށް ހުށަހެޅުމުގެ ޙައްޤު، ކޮންމެ މެންބަރަކަށްވެސް ލިބިގެންވެއެވެ.&nbsp;(ނ) މި މާއްދާގެ (ށ) ގެ ދަށުން ރަޖިސްޓްރާރަށް ހުށަހެޅުމެއް ލިބިއްޖެނަމަ، މި ޤާނޫނުގެ ޖަދުވަލު 1 ގައި ބަޔާންކުރާ ފީ ދެއްކުމުން، އެ ހުށަހެޅުމުގައި އެދޭ ލިޔެކިޔުމެއް ރަޖިސްޓްރާރ އެ ފަރާތަކަށް ދޫކުރަންވާނެއެވެ.&nbsp;

މާއްދާ 53. ކުުންފުނީގެ ދުސްތޫރު، މެންބަރުންނަށް ލިބުން 

ފަސްވަނަ ބާބު: ކުންފުނީގެ ހައިސިއްޔަތާއި ބާރުތައް 

ކުންފުނީގެ ހައިސިއްޔަތާއި ބާރު: 54. (ހ) މި ޤާނޫނުގެ މާއްދާތަކާ އަދި އެހެން ޤާނޫނެއްގެ މާއްދާއަކާ ޚިލާފުނުވާނެ ގޮތެއްގެމަތިން، މި ޤާނޫނުގެ ދަށުން ރަޖިސްޓަރީކޮށްފައިވާ ކުންފުންޏަކަށް، ދިވެހިރާއްޖޭގައާއި ދިވެހިރާއްޖެއިން ބޭރުގައި، ވިޔަފާރި ޙަރަކާތް ހިންގުމާއި، މުޢާމަލާތްކުރުމާއި، ބޭނުން ކޮންމެ ކަމެއް ކުރުމުގެ ފުރިހަމަ ހައިސިއްޔަތާއި ޤާނޫނީ ބާރު ލިބިގެންވެއެވެ. އަދި އެ ބޭނުމަށްޓަކައި ، ކުންފުންޏަކުން ޢަމަލުކުރުމުގެ ފުރިހަމަ ޙައްޤާއި ބާރާއި އިޚްތިޔާރު ލިބިގެންވެއެވެ.&nbsp;(ށ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް، ކުންފުނީގެ ހައިސިއްޔަތާއި، ބާރުތަކާއި، ޙައްޤުތައް ހަނިކުރާ މާއްދާއެއް ނުވަތަ މާއްދާތަކެއް، ކުންފުނީގެ ދުސްތޫރުގައި ހިމެނުމަކަށް މި މާއްދާ ހުރަހެއް ނާޅައެވެ.&nbsp;

މާއްދާ 54. ކުންފުނީގެ ހައިސިއްޔަތާއި ބާރު 

&nbsp;ކުންފުނީގެ ޢަމަލުތަކުގެ ޤާނޫނީ ޞައްޙަކަން: 55. (ހ) ކުންފުންޏެއްގެ އެއްވެސް ޢަމަލަކީ، އެ ކުންފުންޏެއްގެ ދުސްތޫރުން&nbsp;ހުއްދަނުކުރާ ކަމެއްގެ މައްޗަށް އެކަނި ބަލައި، ކުންފުންޏެއްގެ އެއްވެސް ޢަމަލެއްގެ ޞައްޙަކަމާމެދު އެއްވެސް ފަރާތަކަށް ސުވާލު އުފެއްދޭނެ ޢަމަލެއް ނޫނެވެ.(ށ) ކުންފުންޏަކުން ކުރާ އެއްވެސް ޢަމަލަކީ، ނުވަތަ ކުރާ އެއްވެސް މުޢާމަލާތަކީ، އެ ޢަމަލެއް ނުވަތަ މުޢާމަލާތެއް ކުރުމަށް ކުންފުންޏަށް ހައިސިއްޔަތެއް، ނުވަތަ ޙައްޤެއް، ނުވަތަ ބާރެއް ނެތްކަމަށް އެކަނި ބަލައި، ޤާނޫނީ ގޮތުން ޞައްޙަނޫން ނުވަތަ ބާޠިލު ޢަމަލެއް ނުވަތަ މުޢާމަލާތެއްކަމަށް ބަލައިގެން ނުވާނެއެވެ.(ނ) މި މާއްދާގެ (ށ) ގައި އެހެން ބަޔާންކޮށްފައިވީ ނަމަވެސް، އަންނަނިވި ނަންބަރުތަކުގައި ބަޔާންކުރާ ކަންކަން، އެ އަކުރުގައި ބަޔާންކުރާ ކަންކަމުގެ މައްޗަކަށް ނުހިނގާނެއެވެ.&nbsp;(1) މި ޤާނޫނުގެ 84 ވަނަ މާއްދާގެ ދަށުން ކޯޓަށް ހުށަހެޅުމެއް ހުށަހެޅުމަށް ލިބިގެންވާ ޙައްޤު؛&nbsp;(2) މި ޤާނޫނުގެ 127 ވަނަ މާއްދާގެ ދަށުން ކޯޓަށް ހުށަހެޅުމެއް ހުށަހެޅުމަށް ލިބިގެންވާ ޙައްޤުގެ ބޭނުން ހިފުން.&nbsp;(ރ) ކުންފުންޏަކުން ކުރާ އެއްވެސް ޢަމަލަކީ ނުވަތަ މުޢާމަލާތަކީ، ކުންފުންޏަށް އެންމެ ފައިދާހުރި ނުވަތަ ކުންފުނީގެ މަޞްލަޙަތާ އެއްގޮތް ޢަމަލެއް ނުވަތަ މުޢާމަލާތެއްކަމަށްނުވި ނަމަވެސް ، އެކަމަކީ އެ ޢަމަލު ނުވަތަ މުޢާމަލާތް ކުންފުނިން ކުރުމުގެ ހައިސިއްޔަތު ނެތް ކަމެއްކަމަށް ބަލައިގެން ނުވާނެއެވެ.

މާއްދާ 55. ކުންފުނީގެ ޢަމަލުތަކުގެ ޤާނޫނީ ޞައްޙަކަން 

ކުންފުންޏާ އެހެން ފަރާތްތަކާއެކު ކުރެވޭ މުޢާމަލާތްތަކުގެ ޞައްޙަކަން: 56. (ހ) އަންނަނިވި ސަބަބުތަކަށް އެކަނި ބަލައި، ކުންފުންޏާއެކު މުޢާމަލާތްކުރާ އެއްވެސް ފަރާތަކާ ދެކޮޅަށް ، ކުންފުނީގެ އެއްވެސް ޢަމަލަކީ ނުވަތަ މުޢާމަލާތަކީ ޞައްޙަނޫން، ނުވަތަ ބާޠިލު، ނުވަތަ ކުންފުނިން އެ ޢަމަލު ނުވަތަ މުޢާމަލާތްކުރުމުގެ ޤާނޫނީ ހައިސިއްޔަތެއް ނެތް ޢަމަލެއް ނުވަތަ މުޢާމަލާތެއްކަމަކަށް ނުނިންމޭނެއެވެ.(1) އެ ޢަމަލު ނުވަތަ މުޢާމަލާތްކުރުމުގައި، މި ޤާނޫނާއި ނުވަތަ ކުންފުނީގެ ދުސްތޫރާ އެއްގޮތަށް ޢަމަލުކޮށްފައި ނުވުން؛(2) މި ޤާނޫނުގެ 231 ވަނަ މާއްދާގައި ބަޔާންކުރާ ދަފްތަރުގައި، ކުންފުނީގެ ޑިރެކްޓަރެއްގެ ގޮތުގައި ބަޔާންކޮށްފައިވާ ފަރާތަކީ:ޞައްޙަ އިޖުރާއަތެއްގެ ތެރެއިން ޑިރެކްޓަރެއްގެ ގޮތުގައި ޢައްޔަންކޮށްފައިވާ ފަރާތެއްކަމުގައި ނުވުން؛ ނުވަތަ ޑިރެކްޓަރެއްގެ ހައިސިއްޔަތުން، ޢާންމު ގޮތެއްގައި iii. ކުންފުންޏެއްގެ ޑިރެކްޓަރަކަށް ލިބިގެންވާ ބާރުތައް ، ލިބިދީފައިވާ ފަރާތެއްކަމުގައި ނުވުން.(3) ކުންފުނީގެ ޑިރެކްޓަރެއް ، ނުވަތަ އެޖެންޓެއް، ނުވަތަ މުވައްޒަފެއްގެ ގޮތުގައި ކުންފުނިން ދައްކާ ފަރާތަކީ: i .މި ޤާނޫނުގައި ބަޔާންކުރާ ޞައްޙަ އިޖުރާއަތެއްގެ ތެރެއިން ޢައްޔަންކޮށްފައިވާ ފަރާތެއްކަމުގައި ނުވުން؛ ނުވަތަ ، ނުވަތަ އެޖެންޓެއް ނުވަތަ ii .ޑިރެކްޓަރެއް މުވައްޒަފެއްގެ ހައިސިއްޔަތުން، ޢާންމު ގޮތެއްގައި ކުންފުންޏެއްގެ ޑިރެކްޓަރަކަށް، ނުވަތަ އެޖެންޓަކަށް، ނުވަތަ މުވައްޒަފަކަށް ލިބިގެންވާ ބާރުތައް، ލިބިދީފައިވާ ފަރާތެއްކަމުގައި ނުވުން.&nbsp;(4) ކުންފުނީގެ ޑިރެކްޓަރެއް ، ނުވަތަ އެޖެންޓެއް، ނުވަތަ މުވައްޒަފެއްގެ ގޮތުގައި، އެ ފަރާތްތަކުން ޢަމަލުކުރަނީ ނުވަތަ މުޢާމަލާތްކުރަނީ އެ ފަރާތަށް އެ ބާރުތައް ލިބިގެންކަމަށް ކުންފުނިން ދައްކާ ފަރާތަކީ، ޑިރެކްޓަރެއް، ނުވަތަ އެޖެންޓެއް ނުވަތަ މުވައްޒަފެއްގެ ހައިސިއްޔަތުން، ޢާންމު ގޮތެއްގައި ކުންފުންޏެއްގެ ޑިރެކްޓަރަކަށް، ނުވަތަ&nbsp; އެޖެންޓަކަށް، ނުވަތަ މުވައްޒަފަކަށް ލިބިގެންވާ ބާރުތައް ، ލިބިދީފައިވާ ފަރާތެއްކަމުގައި ނުވުން؛(5) ކުންފުނީގެ ފަރާތުން، އެ ކުންފުނީގެ ޑިރެކްޓަރަކު ، ނުވަތަ އެޖެންޓަކު، ނުވަތަ މުވައްޒަފަކު ދޫކޮށްފައިވާ އެއްވެސް ލިޔުމަކީ، ޑިރެކްޓަރެއްގެ، ނުވަތަ އެޖެންޓެއްގެ، ނުވަތަ މުވައްޒަފެއްގެ ހައިސިއްޔަތުން ޢާންމު ގޮތެއްގައި ލިބިދޭ ބާރެއްގެ ތެރެއިން ނަމަވެސް ނުވަތަ އަސްލު ބާރު ލިބިގެން ނަމަވެސް، ޞައްޙަނޫން ނުވަތަ ޤާނޫނީ ހައިސިއްޔަތެއް ނެތް ލިޔުމެއްކަމުގައިވުން.&nbsp;(ށ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް، ކުންފުންޏާއެކު މުޢާމަލާތްކުރާ ފަރާތަކީ، މި މާއްދާގެ (ހ) ގެ (1) ވަނަ ނަންބަރުން ފެށިގެން (5) ވަނަ ނަންބަރުގެ ނިޔަލަށް ހުރި ނަންބަރުތަކުގައި ބަޔާންކުރާ ކަންކަން އެނގޭ ފަރާތެއްނަމަ، ނުވަތަ ކުންފުނީގެ މަޤާމެއްގެ ހައިސިއްޔަތުން ނުވަތަ ކުންފުންޏާ އޮތް ގުޅުމެއްގެ ސަބަބުން އެ ކަންކަން އެނގެންޖެހޭ ފަރާތެއްނަމަ، އެ މުޢާމަލާތުގެ މައްޗަކަށް މި މާއްދާގެ (ހ) ގައި ބަޔާންކުރާ ކަންކަމެއް ނުހިނގާނެއެވެ.

މާއްދާ 56.  ކުންފުންޏާ އެހެން ފަރާތްތަކާއެކު ކުރެވޭ މުޢާމަލާތްތަކުގެ ޞައްޙަކަން 

ކުންފުނި ބަނދެވުމަށް ޑިރެކްޓަރުންނަށް ލިބިދޭ ބާރު&nbsp;: 57. (ހ) ކުންފުންޏާއެކު ކުރާ މުޢާމަލާތެއްގައި، ކުންފުނި ބަނދެވުމަށް ޑިރެކްޓަރުންނަށް ލިބިގެންވާ ބާރު، ނުވަތަ ކުންފުނި ބަނދެވުމަށް ޑިރެކްޓަރުން އެހެން ފަރާތަކަށް ހުއްދަދިނުމުގެ ބާރުގެ ދަށުން ކޮށްފައިވާ އެއްވެސް ޢަމަލަކީ، އެ ކުންފުނީގެ ދުސްތޫރާ އެއްގޮތަށް ނިންމާފައިވާ ނިންމުމެއްކަމަށް ބަލައިގަތުމުގެ ޙައްޤު، ކުންފުންޏާއެކު ހެޔޮ ނިޔަތުގައި މުޢާމަލާތްކުރާ ކޮންމެ ފަރާތަކަށް ލިބިގެންވެއެވެ.(ށ) &nbsp;މި މާއްދާގެ (ހ) ގެ ބޭނުމަށްޓަކައި، ކުންފުންޏާއެކު ހެޔޮ ނިޔަތުގައި މުޢާމަލާތްކުރާ ފަރާތުން، ކުންފުނީގެ ޑިރެކްޓަރަކު ކުރި އެ ޢަމަލަކީ، އެ ކުންފުނީގެ ދުސްތޫރުގެ ދަށުން ހުއްދަކުރާ ޢަމަލެއްތޯ ހޯދައި&nbsp; ދެނެގަތުމުގެ ޒިންމާއެއް ނޯންނާނެއެވެ. އަދި އެހެން ގޮތަކަށް ސާބިތުކޮށްނުދެވޭހާ ހިނދަކު، ކުންފުންޏާއެކު މުޢާމަލާތްކުރީ ހެޔޮ ނިޔަތުގައިކަމަށް ބަލަންވާނެއެވެ.(ނ) މި މާއްދާގައި އެހެން ގޮތަކަށް ބަޔާންކޮށްފައިވީ ނަމަވެސް، ޑިރެކްޓަރުންގެ ބާރުގެ ތެރެއިން ހުއްދަނުކުރާ ޢަމަލެއް ކުރުން ހުއްޓުވުމަށް ނުވަތަ މަނާކުރުމަށް ކޯޓުން އަމުރެއް ހޯދުމަށް ކުންފުނީގެ މެންބަރުންނަށް ލިބިގެންވާ ޙައްޤަކަށް އެއްވެސް އުނިކަމެއް ލިބިގެނެއްނުވެއެވެ. އެހެންނަމަވެސް، އެފަދައިން ހުއްޓުވުމަށް ހުށަހަޅާ ޑިރެކްޓަރުންގެ ޢަމަލަކީ، ކުންފުނީގެ ޢަމަލެއްގެ ސަބަބުން ނުވަތަ ނަތީޖާއެއްގެ ގޮތުން ކުންފުންޏަށް ޤާނޫނީ ގޮތުން ލާޒިމުކުރާ އިލްތިޒާމެއް ފުރިހަމަކުރުން ކަމުގައި ވެގެންނުވާނެއެވެ.

މާއްދާ 57. ކުންފުނި ބަނދެވުމަށް ޑިރެކްޓަރުންނަށް ލިބިދޭ ބާރު 

ކުންފުނީގެ އެއްބަސްވުންތައް: 58. (ހ) ކުންފުނިން އެއްވެސް ފަރާތަކާއެކު އެއްބަސްވުމެއްވާ ހިނދު، ކުންފުނީގެ ނަމުގައި ލިޔުމުން އެއްބަސްވުމެއް ވެފައިވާނަމަ، ނުވަތަ ކުންފުނީގެ ފަރާތުން އެއްވެސް މީހަކު ނުވަތަ ފަރާތެއް، ކުންފުނީގެ ހުއްދައާއެކު، އެ ހުއްދައަކީ ޞަރީޙަ ނައްޞުން ނުވަތަ ދޭހަކުރުވަނިވި ހުއްދައެއްކަމަށްވީ ނަމަވެސް، އެއްބަސްވުމެއް ވެފައިވާނަމަ، އެއީ ކުންފުނިން ވެފައިވާ ޞައްޙަ އެއްބަސްވުމެއް ކަމުގައިވާނެއެވެ.(ށ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް، އެއްބަސްވުމެއް ވަކި ގޮތަކަށް އޮތުމަށް އެހެން އެއްވެސް ޤާނޫނަކުން ވަކި ޝަރުޠުތަކެއް ކަނޑައަޅާފައިވާނަމަ، އެފަދަ ޝަރުޠުތަކަކުން މި މާއްދާ އިސްތިސްނާވެގެނެއް ނުވެއެވެ.

މާއްދާ 58. ކުންފުނީގެ އެއްބަސްވުންތައް 

ކުންފުނިން ލިޔެކިޔުން ތަޞްދީޤުކުރުން: 59. (ހ) އެހެން ޤާނޫނެއްގައި އެހެން ގޮތަކަށް ބަޔާންކޮށްފައިނުވާހާ ހިނދަކު، ކުންފުނީގެ އެއްވެސް ލިޔުމެއް އެއީ ކުންފުނިން ތަޞްދީޤުކޮށްފައިވާ ލިޔުމެއްކަމަށްވާނީ، އަންނަނިވި ކަންކަން ފުރިހަމަވެފައިވާނަމައެވެ.(1) ކުންފުނީގެ ސިއްކައެއް އޮތް ކުންފުންޏެއްނަމަ، ސޮއިކުރުމުގެ ހުއްދަ އޮތް 1 (އެކެއް) ފަރާތުން އެ ލިޔުމެއްގައި ސޮއިކުރުމާއެކު ކުންފުނީގެ ސިއްކަ ޖަހާފައިވުން ؛ ނުވަތަ(2) އަންނަނިވި ގޮތްތަކުންކުރެ ގޮތަކަށް އެ ލިޔުމުގައި ސޮއިކޮށްފައިވުން:&nbsp;ސޮއިކުރުމުގެ ހުއްދަ އޮތް 2( ދޭއް( ފަރާތުން ސޮއިކޮށްފައިވުން؛ ނުވަތަހެެއްކެއްގެ ހާޒިރުގައި ކުންފުނީގެ 1( އެކެއް( ޑިރެކްޓަރު ސޮއިކޮށް، ހެކީގެ ސޮއިކޮށްފައިވުން؛ ނުވަތަކުންފުނީގެ މެނޭޖިންގ ޑިރެކްޓަރު ސޮއިކޮށްފައިވުން.(ށ) މި މާއްދާގެ (ހ) ގެ ބޭނުމަށްޓަކައި، އަންނަނިވި ފަރާތްތަކަކީ، ކުންފުނީގެ ފަރާތުން ސޮއިކުރުމުގެ ހުއްދަ އޮތް ފަރާތްތަކެއްކަމަށް ބެލޭނެއެވެ.&nbsp;(1) ކުންފުނީގެ ކޮންމެ ޑިރެކްޓަރެއް؛(2) ޕްރައިވެޓް ކުންފުންޏެއް ނޫން ކޮންމެ ކުންފުންޏެއްގެ ސެކްރެޓަރީ؛(3) ކުންފުނީގެ ޑިރެކްޓަރުންގެ ބޯޑުން ސޮއިކުރުމުގެ ހުއްދަ އެ ފަރާތަކަށް ދީފައިވާ ކޮންމެ ފަރާތެއް.(ނ) މި މާއްދާގެ ބޭނުމަށްޓަކައި، ކުންފުނީގެ ފަރާތުން ހުއްދަ ލިބިގެން ސޮއިކުރާ އެއްވެސް ފަރާތަކުން، އެއް ހައިސިއްޔަތަށްވުރެ ގިނަ ހައިސިއްޔަތުން ސޮއިކުރާނަމަ، އެއިން ކޮންމެ ހައިސިއްޔަތަކުން ވަކިވަކިން ސޮއިކުރަންވާނެއެވެ.(ރ) މި މާއްދާގެ )ށ( ގެ )2 )ވަނަ ނަންބަރާއި )3 )ވަނަ ނަންބަރުގައި ބަޔާންކުރާ ފަރާތްތަކުގެ ތެރެއިން އެއްވެސް ފަރާތަކީ، ފަރމެއް ނުވަތަ އެނޫންވެސް ޤާނޫނީ ޝަޚްޞެއްނަމަ، އެ ފަރމް ނުވަތަ ޤާނޫނީ ޝަޚްޞުގެ ފަރާތުން، އެ ފަރާތުގެ ނަމުގައި ، ސޮއިކުރުމުގެ ހުއްދަ&nbsp;އޮތް 1( އެކެއް( ފަރާތުގެ ސޮއިކުރުމުން ފުދޭނެއެވެ.(ބ) &nbsp;މި މާއްދާގެ )ހ( ގެ )1 )ވަނަ ނަންބަރުގެ ބޭނުމަށްޓަކައި، ކުންފުނީގެ ސިއްކައެއް އޮތް ކުންފުންޏެއްކަމަށް ބަޔާންކޮށްފައިވަނީ، މި ޤާނޫނުގެ 60 ވަނަ މާއްދާގެ )ށ( ގައި ބަޔާންކުރާ ގޮތުގެމަތިން ކުންފުނީގެ ސިއްކަ ރަޖިސްޓަރީކޮށްފައިވާ ކޮންމެ ކުންފުންޏަކަށެވެ.&nbsp;

މާއްދާ 59. ކުންފުނިން ލިޔެކިޔުން ތަޞްދީޤުކުރުން 

ކުންފުނީގެ ސިއްކަ: 60. (ހ) ކުންފުނީގެ ސިއްކައިގެ ގޮތުގައި ސިއްކައެއް ބޭނުންކުރެވިދާނެއެވެ. އެހެންނަމަވެސް ކުންފުންޏެއްގައި ސިއްކައެއް އޮތުން ލާޒިމެއް ނޫނެވެ.(ށ) ކުންފުންޏެއްގައި ސިއްކައެއް ބޭނުންކުރާނަމަ، އެ ސިއްކަ ބޭނުންކުރަން ފެށުމުގެ ކުރިން، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތެއްގެމަތިން ރަޖިސްޓަރީކުރަންވާނެއެވެ.&nbsp;

މާއްދާ 60. ކުންފުނީގެ ސިއްކަ 

ފަސްވަނަ ބާބު - ކުންފުނީގެ ޤާނޫނީ ޝަޚްޞިއްޔަތު ނަހަމަ ގޮތުގައި ބޭނުންކުރުން 

ކުންފުނި ހިންގުމުގައި ނަހަމަ ގޮތުގައި ބާރު ފޯރުވުން: 61. (ހ) ކުންފުނީގެ ފަރާތުން ކުރާ ކަމަކާ ނުވަތަ ނުކޮށްދޫކޮށްލާ ކަމަކާ ގުޅޭގޮތުން އަންނަނިވި ޙާލަތްތަކުގައި ކޯޓު އަމުރަކަށް އެދެވިދާނެއެވެ.(1) ކުންފުނިން ޢަމަލުކުރާ ގޮތުގެ ސަބަބުން ޖުމްލަ ގޮތެއްގައި މެންބަރުންގެ މަޞްލަޙަތަށް އުނިކަމެއް ލިބުން؛ ނުވަތަ (2) މެންބަރަކަށް ނުވަތަ މެންބަރުންނަށް އެ ހައިސިއްޔަތުން ނުވަތަ އެނޫން ހައިސިއްޔަތަކުން ނަމަވެސް އަނިޔާވެރި ، އަދި އެ ފަރާތުގެ ޙައްޤަށް ހީނަރުކަމެއް އަތުވެދާނެފަދަ ނުވަތަ ތަފާތުކުރުން އޭގައި ހިމެނޭފަދަ ގޮތަކަށް ކުންފުނިން ޢަމަލުކުރާ ޙާލަތްތަކުގައި.(ށ) &nbsp;މި މާއްދާގެ (ހ) ގައި ބަޔާންކުރާ، ކުންފުނީގެ ފަރާތުން ކުރާ ކަމެއް ނުވަތަ ނުކޮށް ދޫކޮށްލާ ކަމެއް ދެނެގަތުމުގައި އަންނަނިވި ކަންކަމަށް ކޯޓުން ރިޢާޔަތްކުރަންވާނެއެވެ.&nbsp;(1) ކުންފުނި ހިންގާ ގޮތް؛(2) ކުންފުނީގެ ފަރާތުން ކޮށްފައިވާ، ނުވަތަ ކުރަން ހުށަހަޅާފައިވާ ކަމެއް، ނުވަތަ ކުންފުނީގެ ފަރާތުން ނުކޮށް ދޫކޮށްލާފައިވާ ، ނުވަތަ ނުކޮށް ދޫކޮށްލުމަށް ހުށަހަޅާފައިވާ ކަމެއް؛ ނުވަތަ(3) ުންފުނީގެ މެންބަރުން، ނުވަތަ މެންބަރުންގެ ތެރެއިން ވަކި ކްލާހެއްގެ ބަޔަކު ފާސްކޮށްފައިވާ ، ނުވަތަ ފާސްކުރަން ހުށަހަޅާފައިވާ ޤަރާރެއް.&nbsp;

މާއްދާ 61. ކުންފުނި ހިންގުމުގައި ނަހަމަ ގޮތުގައި ބާރު ފޯރުވުން 

ކޯޓު އަމުރަކަށް އެދެވޭނެ ފަރާތްތައް: 62. މި ޤާނޫނުގެ 61 ވަނަ މާއްދާގެ ދަށުން ކުންފުންޏަކާ ގުޅޭގޮތުން އަންނަނިވި ފަރާތްތަކަށް ކޯޓު އަމުރަކަށް އެދެވިދާނެއެވެ.&nbsp;(ހ) ކުންފުނިން ކުރި ކަމެއް ނުވަތަ ނުކޮށް ދޫކޮށްލި ކަމަކާ ގުޅިގެން ، އަންނަނިވި ހައިސިއްޔަތުން، ކުންފުނީގެ މެންބަރަކު:(1) މެންބަރުކަމުގެ ހައިސިއްޔަތު ނޫން އެހެން ހައިސިއްޔަތަކުން؛ ނުވަތަ(2) މެންބަރުކަމުގެ ހައިސިއްޔަތުން.(ށ) މި މާއްދާގެ (ހ) ގެ ދަށުން ކޯޓު އަމުރަކަށް އެދޭ މެންބަރު ފިޔަވައި އެހެން މެންބަރަކު؛(ނ) މެންބަރެއްގެ މަޤާމުން ވަކިވި ޙާލަތާގުޅޭ ކަމެއްގައި ކޯޓު އަމުރަކަށް އެދޭނަމަ، ކުންފުނީގެ މެންބަރެއްގެ މަޤާމުން ވަކިވެފައިވާ ފަރާތެއް؛(ރ) ވަޞިއްޔަތަކުން، ތަރިކަ މުދަލެއްގެ ގޮތުގައި ނުވަތަ ޤާނޫނެއްގެ ޛަރީޢާއިން އެ މީހަކަށް ކުންފުނީގެ ހިއްސާ ލިބިފައިވާ މީހާ.

މާއްދާ 62. ކޯޓު އަމުރަކަށް އެދެވޭނެ ފަރާތްތައް 

ކޯޓުން އަމުރުކުރުން: 63. މި ޤާނޫނުގެ 61 ވަނަ މާއްދާއާއި 62 ވަނަ މާއްދާއާ އެއްގޮތްވާ ގޮތުގެމަތިން ކޯޓަށް ހުށަހެޅޭ މައްސަލައެއްގައި ، ކުންފުންޏަކާ ގުޅޭގޮތުން ވަކި ގޮތަކަށް ޢަމަލުކުރުމަށް ލާޒިމުކުރަން ކޯޓަށް ފެނިއްޖެ ހިނދެއްގައި ، އަންނަނިވި ގޮތްތަކުގެ ތެރެއިން ގޮތަކަށް ކޯޓަށް އަމުރުކުރެވިދާނެއެވެ.&nbsp;(ހ) ވަކި ގޮތަކަށް ޢަމަލުކުރުމަށް ވަކި މީހަކަށް އަމުރުކުރުން؛(ށ) ކުންފުނީގެ އަސާސީ ގަވާއިދަށް ނުވަތަ ހިންގާ ގަވާއިދަށް ބަދަލު ގެނައުމަށް އަމުރުކުރުން؛(ނ) ކުންފުނީގެ ކަންތައްތައް މުސްތަޤުބަލުގައި ވަކި ގޮތަކަށް ހިންގުމަށް ކަނޑައަޅާ އަމުރު؛(ރ) ވަޞިއްޔަތަކުން، ނުވަތަ ތަރިކައިގެ ގޮތުގައި ، ނުވަތަ ޤާނޫނެއް ހިނގުމުގެ ސަބަބުން ހިއްސާއެއް ލިބިފައިވާ މެންބަރެއްގެ ހިއްސާ ގަތުމުގެ އަމުރު؛(ބ) ކުންފުނީގެ ހިއްސާގެ ރައުސްމާލު އެކަށީގެންވާ މިންވަރަކުން މަދުވާނެ ފަދައިން ހިއްސާ ގަތުމުގެ އަމުރު؛(ޅ) ކުންފުނީގެ މުދަލުން ބައެއް ނުވަތަ ހުރިހާ މުދަލަކާ ގުޅޭގޮތުން ރިސީވަރެއް ނުވަތަ ލިކުއިޑޭޓަރެއް، ނުވަތަ މެނޭޖަރެއް ޢައްޔަންކުރުމުގެ އަމުރު؛(ކ) މީހަކު ވަކި ޚާއްޞަ ކަމެއް ނުވަތަ ޢަމަލެއް ނުކުރުމަށް އަންގާ ކުރާ އަމުރު؛(އ) ކުންފުނި އުވާލުމުގެ އަމުރު.&nbsp;

މާއްދާ 63. ކޯޓުން އަމުރުކުރުން 

ކޯޓު އަމުރު ރަޖި ސްޓްރާރަށް ހުށަހެޅުން: 64. މި ޤާނޫނުގެ 63 ވަނަ މާއްދާގެ ދަށުން ކޯޓުން އަމުރެއް ނެރެފިނަމަ، އެ އަމުރު ނެރޭ ތާރީޚުން ފެށިގެން 14 (ސާދަ) ދުވަހުގެ ތެރޭގައި އެ އަމުރަށް އެދުނު ފަރާތުން އަމުރުގެ ކޮޕީއެއް، ރަޖިސްޓްރާރަށް ހުށަހަޅަންވާނެއެވެ.&nbsp;

މާއްދާ 64. ކޯޓު އަމުރު ރަޖި ސްޓްރާރަށް ހުށަހެޅުން 

ކުންފުނީގެ ކޯޕަރޭޓް ވެއިލް ނެގުން: 65. (ހ) މި މާއްދާގެ (ށ) ގައި ބަޔާންކުރާ ގޮތުގެމަތިން، މި ޤާނޫނުގެ ދަށުން ރަޖިސްޓަރީކޮށްފައިވާ ކުންފުންޏެއް މަކަރާއި ހީލަތުން ޢަމަލެއް ހިންގައިފިނަމަ، ނުވަތަ ކުންފުނީގެ ޑިރެކްޓަރުން، ނުވަތަ މެންބަރުން، ނުވަތަ އޮފިސަރުންގެ އަމިއްލަ މަންފާއަށް އެކަނި ކުންފުނި ބޭނުންކޮށްފިނަމަ ކުންފުނީގެ ކޯޕަރޭޓް ވެއިލް ކޯޓަކަށް ނެގިދާނެއެވެ. އަދި އެ ޙާލަތުގައި ކުންފުންޏަކީ ވަކި ޤާނޫނީ ޝަޚްޞެއް ކަމުގައިވީ ނަމަވެސް، އެފަދައިން ޢަމަލުކުރާ ކުންފުނީގެ ޑިރެކްޓަރުން، ނުވަތަ&nbsp;މެންބަރުން ނުވަތަ އޮފިސަރުން އެ ކުންފުންޏެއްގެ ނަމުގައި ކުރި ކަންކަމަށް ފަރުދީގޮތުން ޒިންމާ އުފުލަންޖެހޭނެއެވެ.&nbsp;(ށ) އަންނަނިވި ޙާލަތްތަކުގައި، ކުންފުނީގެ ކޯޕަރޭޓް ވެއިލް ނަގައި، އެ ކުންފުނީގެ ޑިރެކްޓަރުންނާއި، މެންބަރުންނާއި، އޮފިސަރުން ކުންފުނީގެ ކަންކަމަށް ފަރުދީގޮތުން ޒިންމާވާންޖެހޭނެކަމަށް ކޯޓަށް ކަނޑައެޅިދާނެއެވެ.&nbsp;(1) ކުންފުންޏާއި ކުންފުނީގެ ވެރިންނަކީ ވަކިން ޙަރަކާތްތެރިވާ ފަރާތްތަކަކަށް ނުވުން؛(2) ކުންފުނީގެ ޢަމަލުތަކަކީ މަކަރާއި ހީލަތުން ކޮށްފައިވާ ނުރަނގަޅު ޢަމަލުތަކަކަށްވުމާއެކު އެ ޢަމަލުތައް ފޮރުވުމަށާއި ޒިންމާއިން ބަރީއަ ވުމަށް ކުންފުނި ބޭނުންކޮށްފައިވުން؛ އަދި(3) ކުންފުނި ނުޙައްޤުން ބޭނުންކުރުމުގެ ސަބަބުން ސީދާ ގޮތެއްގައި އެއްވެސް ފަރާތަކަށް ގެއްލުމެއް ލިބިފައިވުމާއި ، އެކަމުގެ ޤާނޫނީ ޒިންމާއިން ބަރީއަވުމަށްޓަކައި ކުންފުނީގެ ޝަޚްޞިއްޔަތުގެ ބޭނުންކުރުން.&nbsp;(ނ) ކުންފުނީގެ ކޯޕަރޭޓް ވެއިލް ނެގުމުގައި ތިރީގައިވާ ކަންކަމަކީ މަކަރާއި ހީލަތުގެ ޢަމަލެއްކަމުގައި ނުވަތަ ނުރަނގަޅު ޢަމަލެއްގެ ގޮތުގައި ކޯޓަށް ބެލިދާނެއެވެ.(1) މަކަރާއި ހީލަތުގެ ޢަމަލެއްކަމުގައި ބެލެވިދާނެ ކަމެއް ކުރުން؛(2) ކުންފުނީގެ މުދާ ނާޖާއިޒު ގޮތުގައި ބޭނުންކުރުން؛(3) އެ ޢަމަލު ހިންގި ފަރާތަށް ނުވަތަ އެހެން ފަރާތަކަށް ސީދާގޮތުން ނުވަތަ ނުސީދާގޮތުން ފައިދާއެއް ލިބޭގޮތަށް، ޤަޞްދުގައި ކުންފުނީގެ ޤާނޫނީ ޝަޚްޞިއްޔަތުގެ ބޭނުން ނަހަމަ ގޮތުގައި ހިފުމާއި އެކަމުގެ ސަބަބުން ކުންފުނީގެ މަޞްލަޙަތަށް އުނިކަމެއް އައިސްފައިވުން؛ އަދި(4) ކުންފުނީގެ ދަރަނި އަދާނުކުރެވޭ ވަރަށް ހިއްސާތަކަށް ފައިދާ ބަހަން ނިންމުން.&nbsp;(ރ) މި މާއްދާގައި ބަޔާންކުރާ ގޮތުގެމަތިން ކޯޓަށް ހުށަހަޅާ ހުށަހެޅުމެއްގައި ، ކުންފުނީގެ އެ ވަގުތެއްގައި ތިބި ޑިރެކްޓަރުންނާއި، މެންބަރުންނާއި، އޮފިސަރުން ފަރުދީގޮތުން، އެކުގައި ނުވަތަ ވަކިވަކިން، އެއްވެސް ޤައިދުކުރުމެއް ނެތި ކުންފުނީގެ ޢަމަލަކަށް ޒިންމާވާންޖެހޭނެކަމަށް ކޯޓަށް ކަނޑައެޅިދާނެއެވެ.&nbsp;(ބ) ި މާއްދާގެ (ރ) ގައި ބަޔާންކުރާ ގޮތުގެމަތިން، ކުންފުނީގެ ޑިރެކްޓަރުންނާއި ، މެންބަރުންނާއި، އޮފިސަރުން ފަރުދީގޮތުން، އެކުގައި ނުވަތަ ވަކިވަކިން ޒިންމާވާންޖެހޭނެކަމަށް ކޯޓުން ކަނޑައަޅާ ޙާލަތުގައި އަންނަނިވި އަމުރުތައް ނެރުމުގެ ބާރު ކޯޓަށް ލިބިގެންވެއެވެ.&nbsp;(1) ކުންފުނި އުވާލުމުގެ އަމުރު؛ ނުވަތަ (2) ކުންފުނީގެ ކަންކަން ކުރިއަށް އޮތް ތަނުގައި ވަކި ގޮތަކަށް ހިންގުމަށް ކަނޑައަޅާ އަމުރު.&nbsp;

މާއްދާ 65. ކުންފުނީގެ ކޯޕަރޭޓް ވެއިލް ނެގުން

ހަވަނަ ބާބު: ކުންފުނީގެ ނަން، ރަޖިސްޓަރީ ނަންބަރު އަދި އެޑްރެސް - ކުންފުނީގެ ނަން

ކުންފުނީގެ ނަން: 66. ކުންފުންޏެއް އުފައްދަން ބޭނުންވާ ފަރާތަކުން ނުވަތަ ފަރާތްތަކަކުން، ކުންފުނީގެ ނަމުގެ ގޮތުގައި ލިބެންހުރި ނަންތަކުގެ ތެރެއިން ، ކުންފުނީގެ އަސްލު ޠަބީޢަތާ ޚިލާފުނުވާފަދަ ނުވަތަ އޮޅުންނާރާފަދަ، ނުވަތަ އެހެން ޤާނޫނަކުން މަނާކޮށްފައިނުވާ، ނުވަތަ މި ބާބުގެ ދަށުން މަނާކޮށްފައިނުވާ ކޮންމެ ނަމެއް، ކުންފުނީގެ ނަމުގެ ގޮތުގައި އިޚްތިޔާރުކުރެވިދާނެއެވެ.

މާއްދާ 66. ކުންފުނީގެ ނަން 

ކުންފުނީގެ ހައިސިއްޔަތާއި ބާވަތް އަންގައިދޭ ރަމްޒު: 67. ކުންފުނީގެ ބާވަތާއި ޤާނޫނީ ހައިސިއްޔަތު ދޭހަކޮށްދިނުމުގެ ގޮތުން ކުންފުނީގެ ނަމުގައި އަންނަނިވި ކަންކަން ބަޔާންކުރަންވާނެއެވެ.&nbsp;(ހ) ކޮންމެ ޕްރައިވެޓް ކުންފުންޏެއްގެ ނަމުގެ ފަހަތަށް "ޕްރައިވެޓް ލިމިޓެޑް" ނުވަތަ މި ޢިބާރާތުގެ ރަމްޒު ކަމުގައިވާ "ޕވޓ ލޓޑ" ،&nbsp; އެ ނަމުގެ ބައެއްގެ ގޮތުގައި ލިޔަންވާނެއެވެ. މި ރަމްޒު އިނގިރޭސި އަކުރުން ލިޔާނީ "LTD PVT "މިގޮތަށެވެ.&nbsp;(ށ) ކޮންމެ ޕަބްލިކް ކުންފުންޏެއްގެ ނަމުގެ ފަހަތަށް "ޕަބްލިކް ލިމިޓެޑް ކޮމްޕެނީ" ނުވަތަ މި ޢިބާރާތުގެ ރަމްޒު ކަމުގައިވާ "ޕލކ" ، އެ ނަމުގެ ބައެއްގެ ގޮތުގައި ލިޔަންވާނެއެވެ. މި ރަމްޒު އިނގިރޭސި އަކުރުން ލިޔާނީ "PLC "މިގޮތަށެވެ.(ނ) ސަރުކާރުގެ ކޮންމެ ކުންފުންޏެއްގެ ނަމުގެ ފަހަތަށް "ލިމިޓެޑް" ނުވަތަ މި ޢިބާރާތުގެ ރަމްޒު ކަމުގައިވާ "ލޓޑ" ، އެ ނަމުގެ ބައެއްގެ ގޮތުގައި ލިޔަންވާނެއެވެ. މި ރަމްޒު އިނގިރޭސި އަކުރުން ލިޔާނީ "LTD "މިގޮތަށެވެ.&nbsp;(ރ) ކޮންމެ ލޯކަލް އޮތޯރިޓީ ކުންފުންޏެއްގެ ނަމުގެ ފަހަތަށް "ލޯކަލް އޮތޯރިޓީ ކޮމްޕެނީ ލިމިޓެޑް" ނުވަތަ މި ޢިބާރާތުގެ ރަމްޒު ކަމުގައިވާ "ލއކ ލޓޑ" ، އެ ނަމުގެ ބައެއްގެ ގޮތުގައި ލިޔަންވާނެއެވެ. މި ރަމްޒު އިނގިރޭސި އަކުރުން ލިޔާނީ "LTD LAC "މިގޮތަށެވެ.&nbsp;

މާއްދާ 67. ކުންފުނީގެ ހައިސިއްޔަތާއި ބާވަތް އަންގައިދޭ ރަމްޒު 

ހުއްދަނޫން ނަން: 68. (ހ) އަންނަނިވި ބާވަތްތަކުގެ ނަން، ކުންފުނީގެ ނަމުގެ ގޮތުގައި ރަޖިސްޓަރީކޮށް ނުދިނުމުގެ އިޚްތިޔާރު ރަޖިސްޓްރާރަށް ލިބިގެންވެއެވެ.&nbsp;(1) ރަޖިސްޓަރީކޮށްފައިވާ އެހެން ކުންފުންޏެއްގެ ނުވަތަ ވިޔަފާރިއެއްގެ ނަމާ އެއްވައްތަރުގެ ނުވަތަ އެއްގޮތް ނަން؛&nbsp;(2) ދިވެހިރާއްޖެއިން ބޭރުގައި ރަޖިސްޓަރީކޮށްފައިވާ ބިދޭސީ މުއައްސަސާއެއްގެ ނުވަތަ ވިޔަފާރިއެއްގެ ނަމާ އެއްގޮތް ނަން؛(3) އެހެން ކުންފުންޏަކަށް ނުވަތަ ވިޔަފާރިއަކަށް ރިޒަރވްކޮށްފައިވާ ނަމާ އެއްވައްތަރުގެ ނަން؛(4) ސަރުކާރު ނުވަތަ ދައުލަތުގެ ވަކި އިދާރާއަކާ ގުޅުމެއްވާކަން ދޭހަކޮށްދޭފަދަ ނަން؛(5) ވިޔަފާރި ރަޖިސްޓަރީކުރުމުގެ ޤާނޫނުގެ 14 ވަނަ މާއްދާގެ ަށުން މަނާކޮށްފައިވާ ނަމެއް؛(6) މި ޤާނޫނުގެ 215 ވަނަ މާއްދާގެ (ނ) ގައި ބަޔާންކުރާ ގޮތުގެމަތިން، އުވާލެވިފައިވާ ކުންފުންޏެއްގެ ނަން، އުވާލެވުނު ތާރީޚުން ފެށިގެން 12 (ބާރަ) މަސްދުވަހުގެ މުއްދަތަށް؛ ނުވަތަ(7) މި ޤާނޫނުގެ ދަށުން ހަދާ ގަވާއިދުގައި ބަޔާންކޮށްފައިވާ ގޮތެއްގެމަތިން ހުއްދަނޫން ނަން.(ށ) ކުންފުންޏަށް ކިޔަން ހުށަހަޅާ ނަމަކީ، އެހެން ޤާނޫނެއްގެ ދަށުން ވަކި ހުއްދައެއް ހޯދަންޖެހޭ ނަމެއްކަމުގައިވާނަމަ، އެ ޤާނޫނެއްގައި ބަޔާންކުރާ ހުއްދަ ހޯދުމަށްފަހުގައި މެނުވީ ، އެ ނަމެއް އެ ކުންފުންޏަކަށް ރަޖިސްޓަރީކޮށްދީގެން ނުވާނެއެވެ.&nbsp;

މާއްދާ 68. ހުއްދަނޫން ނަން 

ނަން ރިޒަރވްކުރުން: 69. ކުންފުންޏެއް ރަޖިސްޓަރީކުރަން އެދޭ ފަރާތަކުން، ކުންފުންޏަށް ކިޔަން ބޭނުންވާ ނަމެއް، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިން، ރިޒަރވްކުރެވިދާނެއެވެ. އެފަދައިން ނަން ރިޒަރވްކުރެވޭނެ މުއްދަތާއި، ނަން ރިޒަރވްކުރާ މުއްދަތު އިތުރުކުރެވޭނެ އުޞޫލުތަކާއި، ނަން ރިޒަރވްކުރުމަށާއި ނަން ރިޒަރވްކުރެވޭ މުއްދަތު އިތުރުކުރުމަށް ފީ ދައްކާނެ ގޮތުގެ އުޞޫލުތައް، އެ ގަވާއިދުގައި ބަޔާންކުރަންވާނެއެވެ.&nbsp;

މާއްދާ 69. ނަން ރިޒަރވްކުރުން 

ނަން ބަދަލުކުރުން: 70. (ހ) ކުންފުންޏެއްގެ ނަން ބަދަލުކުރެވޭނީ، އެ ކުންފުންޏެއްގެ ނަން ބަދަލުކުރުމަށް ކުންފުނީގެ މެންބަރުންގެ ޚާއްޞަ ޤަރާރަކުން ނިންމައި، މި މާއްދާގައި ބަޔާންކުރާ ގޮތުގެމަތިން އާ ނަން ރަޖިސްޓަރީކުރުމަށް ރަޖިސްޓްރާރަށް ހުށަހަޅައި، އާ ނަން ރަޖިސްޓްރާރ ރަޖިސްޓަރީކޮށް، ދަފްތަރުގައި ހިމެނުމުންނެވެ.(ށ) ކުންފުންޏެއްގެ ނަން ބަދަލުކުރުމަށް ރަޖިސްޓްރާރަށް ހުށަހަޅާ އާ ނަމަކީ، އަންނަނިވި ޝަރުޠުތައް ފުރިހަމަވާ ނަމަކަށް ވާންވާނެއެވެ.&nbsp;(1) މިި ޤާނޫނުގެ 68 ވަނަ މާއްދާގެ )ހ( އާއި )ށ( ގައި ބަޔާންކުރާ ގޮތުގެމަތިން ހުއްދަނޫން ނަމަކަށް ނުވުން؛&nbsp;(2) މި ޤާނޫނުގެ 69 ވަނަ މާއްދާގައި ބަޔާންކުރާ އިޖުރާއަތާ އެއްގޮތްވާ ގޮތުގެމަތިން، ރިޒަރވްކޮށްފައިވާ ނަމަކަށްވުން.(ނ) ކުންފުނީގެ ނަން ބަދަލުކުރުން ރަޖިސްޓަރީކުރުމަށްޓަކައި ރަޖިސްޓްރާރަށް ހުށަހަޅާއިރު، ކުންފުނީގެ ނަން ބަދަލުކުރުމަށް ކުންފުނީގެ މެންބަރުން ނިންމި ޚާއްޞަ ޤަރާރު ހުށަހަޅަންވާނެއެވެ.&nbsp;(ރ) މި މާއްދާގެ )ހ( އާއި )ށ( އާ އެއްގޮތްވާ ގޮތުގެމަތިން، ކުންފުނީގެ ނަން ބަދަލުކުރުން ރަޖިސްޓަރީކުރުމަށް ރަޖިސްޓްރާރަށް ހުށަހެޅުމުން، މި ޤާނޫނާއި މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ކަންކަން އެ ހުށަހެޅުމުގައި ފުރިހަމަވެފައިވާނަމަ، އެ ކުންފުންޏެއްގެ ނަން ބަދަލުކޮށް، އާ ނަން ރަޖިސްޓަރީކޮށް، މި ޤާނޫނުގެ 231 ވަނަ މާއްދާގައި ބަޔާންކުރާ ދަފްތަރުގައި ހިމަނަންވާނެއެވެ.&nbsp;(ބ) މި މާއްދާގެ )ރ( ގައި ބަޔާންކުރާ ގޮތުގެމަތިން، ކުންފުނީގެ އާ ނަން ރަޖިސްޓަރީކުރުމާއެކު، ކުންފުންޏަށް ރަޖިސްޓަރީ ސެޓްފިކެޓެއް، ރަޖިސްޓްރާރ ދޫކުރަންވާނެއެވެ. އެފަދައިން ދޫކުރާ ރަޖިސްޓަރީ ސެޓްފިކެޓުގައި، މި ޤާނޫނުގެ 24 ވަނަ މާއްދާގެ )ށ( ގައި ބަޔާންކުރާ މަޢުލޫމާތުގެ އިތުރުން، އަންނަނިވި މަޢުލޫމާތު ހިމަނަންވާނެއެވެ.(1) ކުންފުނީގެ އާ ނަން؛(2) ކުންފުންޏަށް ކުރިން ކިޔުނު ނަން؛ އަދި(3) ނަން ބަދަލުކޮށް ރަޖިސްޓަރީކުރެވުނު ތާރީޚް.

މާއްދާ 70. ނަން ބަދަލުކުރުން 

ނަމަށް އިޢުތިރާޟުކުރުން: 71. ( .ހ( އަންނަނިވި ސަބަބުތަކުގެ މައްޗަށް ބިނާކޮށް، ކުންފުންޏެއްގެ ނަމަށް އިޢުތިރާޟުކޮށް، ކޮންމެ ފަރާތަކަށްވެސް ރަޖިސްޓްރާރަށް ހުށަހެޅިދާނެއެވެ. )1 )ރަޖިސްޓަރީކުރެވިފައިވާ ކުންފުންޏެއްގެ ނަމަކާ ނުވަތަ ރަޖިސްޓަރިކުރެވިފައިވާ ވިޔަފާރި ނަމަކާ، އިޢުތިރާޟުކުރާ ފަރާތުގެ ވިޔަފާރި ނަމަކާ އެއްގޮތްކަން ބޮޑުކަމުން،&nbsp;އިޢުތިރާޟުކުރާ ފަރާތުގެ ވިޔަފާރިއަކާ ގުޅުން އޮތްކަމަށް ޢާންމުންނަށް ދޭހަވެދާނެފަދަ ޙާލަތެއް އޮތުން؛ ނުވަތ)2 )މި ޤާނޫނާއި މި ޤާނޫނުގެ ދަށުން ހަދާ ގަވާއިދެއްގެ އެއްވެސް މާއްދާއަކާ ޚިލާފު ނަމެއްކަމަށް ޤަބޫލުކުރެވުން.&nbsp;)ށ( މި މާއްދާގެ )ހ( ގެ ދަށުން ކުންފުންޏެއްގެ ނަމަށް އިޢުތިރާޟުކޮށް ރަޖިސްޓްރާރަށް ހުށަހަޅާނީ، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތެއްގެމަތިން، އެ ގަވާއިދުގައި ބަޔާންކުރާ މަޢުލޫމާތާ އެކުގައެވެ. )ނ( މި މާއްދާގެ )ހ( ގެ ދަށުން ކުންފުނީގެ ނަމަކަށް އިޢުތިރާޟުކޮށް ހުށަހަޅާ ހުށަހެޅުމެއް ރަޖިސްޓްރާރަށް ލިބިއްޖެނަމަ، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިން، އެ ނަމަކަށް އިޢުތިރާޟުކުރި ސަބަބުތަކަށް ޖަވާބުދާރީވުމަށް، އެ ނަން ނިސްބަތްވާ ކުންފުންޏަށް ރަޖިސްޓްރާރ ފުރުޞަތު ދޭންވާނެއެވެ. )ރ( މި މާއްދާގެ )ހ( ގެ ދަށުން ރަޖިސްޓްރާރަށް ލިބޭ ހުށަހެޅުމަކާ ގުޅިގެން، މި މާއްދާގެ )ނ( ގައި ބަޔާންކުރާ ގޮތުގެމަތިން އެ ނަން ނިސްބަތްވާ ކުންފުނިން ރަޖިސްޓްރާރަށް ހުށަހަޅާ މަޢުލޫމާތުގެ އަލީގައި، އަންނަނިވި ކަންކަމަށް ރިޢާޔަތްކޮށް، އެ ނަމެއް ބަދަލުކުރުމަށް ރަޖިސްޓްރާރަށް އެންގިދާނެއެވެ. )1 )އިޢުތިރާޟު ހުށަހަޅާ ފަރާތުގެ ނަން ރަޖިސްޓަރީކުރި ތާރީޚް ނުވަތަ އެ ނަން ނިސްބަތްވާ ވިޔަފާރީގެ ޙަރަކާތްތައް ހިންގަން ފަށާފައިވާ ތާރީޚާއި، އިޢުތިރާޟުކުރާ ނަން ރަޖިސްޓަރީކޮށްފައިވާ ތާރީޚާ ދެމެދު ހިނގާފައިވާ މުއްދަތުގެ ފަރަގު؛ )2 )އިޢުތިރާޟުކުރާ ނަން ރަޖިސްޓަރީކުރި ފަހުން ހިނގާފައިވާ މުއްދަތާއި، އެ ނަމުގައި ވިޔަފާރީގެ ޙަރަކާތްތައް ފެށުމަށް ޚަރަދުތަކެއް ކޮށްފައިވާނަމަ އެކަން؛ )3 )އިޢުތިރާޟުކުރާ ނަން ރަޖިސްޓަރީކޮށްފައިވަނީ، ނުވަތަ ޭނުންކުރަނީ، ހެޔޮ ނިޔަތުގައިކަން ނުވަތަ ނޫންކަން؛ އަދި&nbsp;)4 )އިޢުތިރާޟު ހުށަހަޅާ ފަރާތުގެ ވިޔަފާރީގެ މަޞްލަޙަތަށް، ނުވަތަ ވިޔަފާރީގެ ނަމާއި އަބުރަށް ނުރަނގަޅު އަސަރު ކުރިކަން ނުވަތަ ކުރާނެކަން ނުވަތަ ނޫންކަން.)ބ( މި މާއްދާގެ )ހ( ގެ ދަށުން ރަޖިސްޓްރާރަށް ލިބޭ ހުށަހެޅުމަކާ ގުޅިގެން މި މާއްދާގެ )ރ( ގައި ބަޔާންކުރާ ގޮތުގެމަތިން ކުންފުނީގެ ނަން ބަދަލުކުރުމަށް ރަޖިސްޓްރާރ އަންގާނަމަ، ޢަމަލުކުރާނީ، މި ޤާނޫނުގެ 72 ވަނަ މާއްދާގައި ބަޔާންކުރާ ގޮތުގެމަތިންނެވެ. )ޅ( މި މާއްދާގެ )ރ( ގެ ދަށުން ރަޖިސްޓްރާރ ނިންމާ ނިންމުމަކާމެދު ހިތްހަމަނުޖެހޭ ފަރާތެއް، އެ ނިންމުން ބާޠިލުކުރުމަށް ކަމާބެހޭ ކޯޓަކަށް ހުށަހެޅުމުގެ ޙައްޤު ލިބިގެންވެއެވެ.&nbsp;

މާއްދާ 71. ނަމަށް އިޢުތިރާޟުކުރުން 

ނަން ބަދަލުކުރަން ރަޖިސްޓްރާރ އެންގުން: 72. (ހ) އަންނަނިވި ޙާލަތްތަކުގައި ، ކުންފުންޏެއްގެ ނަން ބަދަލުކުރުމަށް ރަޖިސްޓްރާރަށް އެންގިދާނެއެވެ.(1) ކުންފުނީގެ ރަޖިސްޓަރީކުރެވިފައިވާ ނަމަކީ، އެއްވެސް ސަބަބަކާހުރެ، މި ޤާނޫނުގެ 68 ވަނަ މާއްދާގެ )ހ( ގައި ބަޔާންކުރާ ބާވަތުގެ ނަމެއްކަމުގައިވުން؛ ނުވަތަ&nbsp;(2) މި ޤާނޫނުގެ 71 ވަނަ މާއްދާގެ (ރ) ގެ ދަށުން ކުންފުންޏެއްގެ ނަން ބަދަލުކުރުމަށް ރަޖިސްޓްރާރ ނިންމުން.&nbsp;(ށ) މި މާއްދާގެ (ހ) ގެ ދަށުން ކުންފުންޏެއްގެ ނަން ބަދަލުކުރުމަށް ރަޖިސްޓްރާރ އެ ކުންފުންޏަކަށް އަންގައިފިނަމަ، އެ އެންގުމެއް ކުންފުންޏަށް ލިބޭތާ 30( ތިރީސް( ދުވަހުގެ ތެރޭގައި ، ނުވަތަ އެ މުއްދަތު އިތުރުކޮށްދިނުމަށް ކުންފުނިން އެދިގެން އެ މުއްދަތު އިތުރުކޮށްދީފައިވާނަމަ، ގިނަވެގެން 60( ފަސްދޮޅަސް( ދުވަހުގެ ތެރޭގައި ، އެ އެންގުމަކަށް ކުންފުނިން ޢަމަލުކޮށް، ކުންފުނީގެ ނަން ބަދަލުކޮށް ރަޖިސްޓަރީކުރުމަށްޓަކައި މި ޤާނޫނުގެ 70 ވަނަ މާއްދާގައި ބަޔާންކުރާ ގޮތުގެމަތިން ޢަމަލުކުރަންވާނެއެވެ.&nbsp;(ނ) މި މާއްދާގެ (ށ) ގައި ބަޔާންކުރާ ގޮތުގެމަތިން އެ އަކުރުގައި ބަޔާންކުރާ މުއްދަތުގައި ކުންފުނިން ޢަމަލުކޮށް ރަޖިސްޓްރާރަށް ހުށަހަޅާފައިނުވާނަމަ، އެ ކުންފުނިން އަދި އެ ކުންފުނީގެ ކޮންމެ ޑިރެކްޓަރަކު އެ ކުރަނީ ކުށެކެވެ. އަދި އެ ފަރާތްތަކާމެދު މި ޤާނޫނުގެ ފަނަރަވަނަ ބާބުގައި ބަޔާންކުރާ ގޮތުގެމަތިން ފިޔަވަޅު އެޅޭނެއެވެ.(ރ) މި މާއްދާގެ (ށ) ގައި ބަޔާންކުރާ ގޮތުގެމަތިން އެ މާއްދާގައި ބަޔާންކުރާ މުއްދަތުގައި ކުންފުނިން ޢަމަލުކޮށް ރަޖިސްޓްރާރަށް ހުށަހަޅާފައިނުވާނަމަ، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިން، އެ ކުންފުންޏެއްގެ ނަން، އެ ކުންފުންޏެއްގެ ރަޖިސްޓަރީ ނަންބަރަށް، ނުވަތަ ރަޖިސްޓަރީ ނަންބަރު ދޭހަވާފަދަ އެހެން ނަމަކަށް ބަދަލުކުރުމުގެ އިޚްތިޔާރު ރަޖިސްޓްރާރަށް ލިބިގެންވެއެވެ.&nbsp;

މާއްދާ 72. ނަން ބަދަލުކުރަން ރަޖިސްޓްރާރ އެންގުން 

ނަން ބަދަލުކުރުމުގެ ނަތީޖާ: 73. (ހ) ކުންފުންޏެއްގެ ނަން ބަދަލުކުރުމަކުން، އެ ކުންފުނީގެ ޤާނޫނީ ހައިސިއްޔަތަށް ، ނުވަތަ ކުންފުނީގެ ދަރަންޏާއި އެހެނިހެން ޒިންމާއަކަށް ނުވަތަ އެ ކުންފުންޏަކުން ކުރާ ދަޢުވާއަކަށް ނުވަތަ އެ ކުންފުންޏެއްގެ މައްޗަށް ކުރެވޭ އެއްވެސް ދަޢުވާއަކަށް ބަދަލެއް ނާންނާނެއެވެ.&nbsp;(ށ) ކުންފުނީގެ ކުރީގެ ނަމުގައި ކުންފުންޏެއްގެ މައްޗަށް ހުށަހަޅާ ނުވަތަ ހުށަހެޅި ހިނގަމުންދާ ދަޢުވާއެއް، ކުންފުނީގެ އާ ނަމުގައި އެ ކުންފުންޏާ ދެކޮޅަށް ހުށަހަޅައި ކުރިއަށް ގެންދެވިދާނެއެވެ.

މާއްދާ 73. ނަން ބަދަލުކުރުމުގެ ނަތީޖާ 

ނަމާގުޅޭ ގަވާއިދު ހެދުން: 74. ކުންފުނީގެ ނަމާގުޅޭ އުޞޫ ލުތަކާއި، އެހެން ކުންފުންޏެއްގެ ނުވަތަ ވިޔަފާރިއެއްގެ ނަމާ އެއްވައްތަރުގެ ނުވަތަ އެއްގޮތް ނަން ކަނޑައެޅުމާބެހޭ އުޞޫލުތައް ، މި ޤާނޫނުގެ ދަށުން ހަދާ ގަވާއިދުގައި ކަނޑައަޅައި ބަޔާންކުރަންވާނެއެވެ.&nbsp;

މާއްދާ 74. ނަމާގުޅޭ ގަވާއިދު ހެދުން

ކުންފުނީގެ ނަން ބޭނުންކުރުން: 75. (ހ) މި ޤާނޫނުގެ ދަށުން ރަޖިސްޓަރީކޮށްފައިވާ ކޮންމެ&nbsp; ކުންފުންޏަކުންވެސް، އަންނަނިވި ޙާލަތްތަކުގައި އެ ކުންފުނީގެ ނަން، އުނިއިތުރެއް ގެނައުމަކާ ނުލައި، ބޭނުންކުރަންވާނެއެވެ. ނުވަތަ ހާމަކުރަންވާނެއެވެ.&nbsp;(1) ކުންފުނީގެ ރަސްމީ ސިޓީ ނުވަތަ ރަސްމީ ލިޔެކިޔުމުގައި؛ކުންފުނިން ފޮނުވާ ހުރިހާ ނޯޓިހެއްގައި އަދި ކުންފުނިން ރަސްމީކޮށް ޝާއިޢުކުރާ ހުރިހާ ލިޔުމެއްގައި؛ބިލް އޮފް އެކްސްޗޭންޖް، ޕްރޮމިސަރީ ނޯޓް،އެންޑޯސްމަންޓް، ޗެކު އަދި ފައިސާ ނުވަތަ މުދާ ދޫކުރުމަށް ކުންފުނީގެ ފަރާތުން ސޮއިކޮށް ދޫކުރާ ހުރިހާ ލިޔުންތަކުގައި؛ކުންފުނީގެ އެންމެހައި އިންވޮއިސް، ރަސީދު އަދި ކްރެޑިޓް ލެޓަރއެއްގައި ؛ކުންފުނީގެ ފަރާތުން ދޫކޮށްފައިވާ ނުވަތަ ސޮއިކޮށްފައިވާ ލިޔެކިޔުމުގެ ތެރެއިން އެ ކުންފުނިން ޤާނޫނީ ގޮތުން ޒިންމާ ނެގުމަށް ލާޒިމުކުރާ ނުވަތަ ލާޒިމުކުރާކަން ހެކިކޮށްދޭ އެހެނިހެން ހުރިހާ ލިޔެކިޔުމުގައި؛ކުންފުނިން ސިއްކައެއް ބޭނުންކުރާނަމަ، ކުންފުނީގެ ސިއްކައިގައި؛ އަދި(7) މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިން، ކުންފުނީގެ އޮފީހުގައި، ކުންފުނީގެ އޮފީހަށް ވަދެނުކުންނަ އަދި ޚިދުމަތް ލިބިގަންނަ ފަރާތްތަކަށް ސާފުކޮށް ފެންނާނެ ގޮތަކަށް ހާމަކޮށްފައި ހުރުން. (ށ) މި ޤާނޫނުގެ ތޭރަވަނަ ބާބުގައި ބަޔާންކުރާ ގޮތުގެމަތިން ކުންފުންޏެއް އުވާލުމުގެ މަސައްކަތް ފަށަނީ، މި ޤާނޫނުގައި ބަޔާންކުރާ ގޮތުގެމަތިން ކުންފުނީގެ ނަން ބަދަލުކުރާތާ 1 (އެކެއް) އަހަރުދުވަހުގެ ތެރޭގައިނަމަ، ކުންފުންޏެއް އުވާލުމުގެ ގޮތުން ދޫކުރެވޭ ހުރިހާ ނޯޓިހެއްގައިވެސް ކުންފުނީގެ ކުރީގެ ނަން ބަޔާންކުރަންވާނެއެވެ.

މާއްދާ 75. ކުންފުނީގެ ނަން ބޭނުންކުރުން 

ހަވަނަ ބާބު: ކުންފުނީގެ ނަން، ރަޖިސްޓަރީ ނަންބަރު އަދި އެޑްރެސް - ކުންފުނީގެ ރަޖިސްޓަރީ ނަންބަރު 

ރަޖިސްޓަރީ ނަންބަރު: 76. (ހ) މި ޤާނޫނުގެ ދަށުން ރަޖިސްޓަރީކުރާ ކޮންމެ ކުންފުންޏަކަށްވެސް، ކުންފުނިތަކުގެ ދަފްތަރުގައި އެ ކުންފުނި ރަޖިސްޓަރީކުރެވުމާއެކު، ރަޖިސްޓަރީ ނަންބަރެއް ރަޖިސްޓްރާރ ދޭންވާނެއެވެ.&nbsp;(ށ) މި މާއްދާގެ (ހ) ގައި ބަޔާންކުރާ ގޮތުގެމަތިން، ކުންފުނިތަކުގެ ދަފްތަރުގައި ކުންފުނި ރަޖިސްޓަރީކުރާއިރު، އަންނަނިވި ކަންކަމަށް ރިޢާޔަތްކޮށް ކުންފުންޏަށް ވަކި ރަޖިސްޓަރީ ސީރިއަލް ނަންބަރެއް ދޭންވާނެއެވެ.(1) މި އަކުރުގެ (2) ވަނަ ނަންބަރާއި (3) ވަނަ ނަންބަރުގައި ބަޔާންކުރާ ޙާލަތުގައި މެނުވީ، ކޮންމެ ކުންފުންޏެއްގެ ރަޖިސްޓަރީ ސީރިއަލް ނަންބަރުގެ ކުރިއަށް "C "މި އަކުރު ހިމެނުން؛(2) ފޮރިން އިންވެސްޓްމަންޓް ކުންފުންޏެއްނަމަ، ކުންފުނީގެ ރަޖިސްޓަރީ ސީރިއަލް ނަންބަރުގެ ކުރިއަށް "FC " މި އަކުރު ހިމެނުން؛(3) މި ޤާނޫނުގެ ދަށުން ރީރަޖިސްޓަރީކުރެވިފައިވާ ބޭރުގެ ކުންފުންޏެއްނަމަ، ކުންފުނީގެ ރަޖިސްޓަރީ ސީރިއަލް ނަންބަރުގެ ކުރިއަށް "FCR "މި އަކުރު ހިމެނުން.

މާއްދާ 76. ރަޖިސްޓަރީ ނަންބަރު 

ހަވަނަ ބާބު: ކުންފުނީގެ ނަން، ރަޖިސްޓަރީ ނަންބަރު އަދި އެޑްރެސް - ކުންފުނީގެ އެޑްރެސް 

ރަޖިސްޓަރީކޮށްފައިވާ އެޑްރެސް: 77. (ހ) ކޮންމެ ކުންފުންޏެއްގައިވެސް، ކޮންމެ ވަގުތެއްގައިވެސް ، ރަޖިސްޓަރީކޮށްފައިވާ ދިވެހިރާއްޖޭގެ އެޑްރެހެއް އޮންނަންވާނެއެވެ.(ށ) ކުންފުނީގެ ރަޖިސްޓަރީކުރެވިފައިވާ އެޑްރެސް ބަދަލުކުރުމުގައި ޢަމަލުކުރާނީ، މި ޤާނޫނުގެ 42 ވަނަ މާއްދާއާއި 50 ވަނަ މާއްދާގައި ބަޔާންކުރާ އިޖުރާއަތާ އެއްގޮތްވާ ގޮތުގެމަތިންނެވެ. އަދި&nbsp;ރަޖިސްޓަރީކުރެވިފައިވާ އެޑްރެސް ބަދަލުކުރާނަމަ، އެކަން ރަޖިސްޓްރާރގެ ދަފްތަރުގައި ރަޖިސްޓަރީކުރުމަށްޓަކައި ، މި ޤާނޫނުގެ 79 ވަނަ މާއްދާގައި ބަޔާންކުރާ އުޞޫލުތަކާ އެއްގޮތްވާ ގޮތުގެމަތިން، ރަޖިސްޓްރާރަށް ހުށަހަޅަންވާނެއެވެ.&nbsp;

މާއްދާ 77. ރަޖިސްޓަރީކޮށްފައިވާ އެޑްރެސް 

ސަރވިސް އެޑްރެސް: 78. (ހ) ކުންފުނީގެ ރަޖިސްޓަރީކުރެވިފައިވާ އެޑްރެހުގެ އިތުރުން، ކުންފުނީގެ ސަރވިސް އެޑްރެހެއް ކުންފުންޏަށް ޤާއިމުކުރެވިދާނެއެވެ.&nbsp;(ށ) މި މާއްދާގެ (ހ) ގައި ބަޔާންކުރާ ގޮތުގެމަތިން ޤާއިމުކުރާ ކުންފުނީގެ ސަރވިސް އެޑްރެހަކީ ، މި ޤާނޫނުގެ ދަށުން ރަޖިސްޓްރާރގެ ފަރާތުން ކުންފުންޏަށް ފޮނުވަންޖެހޭ ނޯޓިހާއި، ޤާނޫނީ ލިޔެކިޔުމާއި، އެހެނިހެން މުޢާމަލާތްތައް ކުރުމަށާއި، އަދި ކުންފުންޏާއެކު މުޢާމަލާތްކުރާ އެހެނިހެން ފަރާތްތަކުން ކުންފުންޏަށް ފޮނުވަންޖެހޭ ޤާނޫނީ ނޯޓިހާއި ލިޔެކިޔުން އެ އެޑްރެހަކުން ބަލައިގަތުމަށް، ކުންފުނިން ކަނޑައަޅައި، މި މާއްދާގައި ބަޔާންކުރާ ގޮތުގެމަތިން ކުންފުނިތަކުގެ ދަފްތަރުގައި ރަޖިސްޓަރީކޮށްފައިވާ އެޑްރެހެކެވެ.(ނ) މި މާއްދާގައި ބަޔާންކުރާ ގޮތުގެމަތިން ކުންފުނީގެ ސަރވިސް އެޑްރެހެއް ޤާއިމުކޮށް، ރަޖިސްޓްރާރގެ ދަފްތަރުގައި ރަޖިސްޓަރީކޮށްފައިވާނަމަ، މި ޤާނޫނުގެ ދަށުން ރަޖިސްޓްރާރގެ ފަރާތުން ކުންފުންޏަށް ފޮނުވަންޖެހޭ ނޯޓިހާއި، ޤާނޫނީ ލިޔެކިޔުމާއި ، އެހެނިހެން މުޢާމަލާތްތައް ކުރާނީ، ކުންފުނީގެ ސަރވިސް އެޑްރެސް މެދުވެރިކޮށެވެ.&nbsp;(ރ) މި މާއްދާގައި ބަޔާންކުރާ ގޮތުގެމަތިން ކުންފުނީގެ ސަރވިސް އެޑްރެހެއް ޤާއިމުކޮށް، ރަޖިސްޓްރާރގެ ދަފްތަރުގައި ރަޖިސްޓަރީކޮށްފައިނުވާނަމަ، ކުންފުނީގެ ސަރވިސް އެޑްރެހެއްގެ ގޮތުގައި، ހުރިހާ ބޭނުމަކަށްވެސް ބަލާނީ، މި ޤާނޫނުގެ 77 ވަނަ މާއްދާގައި ބަޔާންކުރާ ، ކުންފުނީގެ ރަޖިސްޓަރީކުރެވިފައިވާ އެޑްރެހެވެ.&nbsp;(ބ) މި މާއްދާގެ ދަށުން ކުންފުނިން ކަނޑައަޅާ ސަރވިސް އެޑްރެހުގެ ގޮތުގައި އަންނަނިވި މަޢުލޫމާތު، ރަޖިސްޓްރާރގެ ދަފްތަރުގައި ރަޖިސްޓަރީކުރުމަށްޓަކައި ރަޖިސްޓްރާރަށް ފޮނުވަންވާނެއެވެ.&nbsp;(1) އެޑްރެސް (ބިލްޑިންގ/ޢިމާރާތް، ފްލޯރ، މަގު، އަތޮޅާއި ރަށް)، ފޯނު ނަންބަރު އަދި އީމެއިލް އެޑްރެސް؛(2) ސަރވިސް އެޑްރެހަކީ ފަރމެއް ނަމަ، މި އަކުރުގެ (1) ވަނަ ނަންބަރުގައި ބަޔާންކުރާ މަޢުލޫމާތުގެ އިތުރުން، ފަރމްގެ ނަމާއި، ފަރމްގެ ފަރާތުން ކަނޑައަޅާ ފަރާތެއްގެ ނަމާއި މަޤާމު.

މާއްދާ 78. ސަރވިސް އެޑްރެސް 

ސަރވިސް އެޑްރެސް ބަދަލުކުރާކުރުން ރަޖިސްޓަރީކުރުން: 79. (ހ) &nbsp;މި ޤާނޫނުގެ 78 ވަނަ މާއްދާގައި ބަޔާންކުރާ ސަރވިސް އެޑްރެސް ބަދަލުކުރާނަމަ، އެކަން ރަޖިސްޓްރާރގެ ދަފްތަރުގައި ރަޖިސްޓަރީކުރުމަށްޓަކައި ، މި ޤާނޫނުގެ ދަށުން ހަދާ ގަވާއިދުގައި ބަޔާންކުރާ ގޮތުގެމަތިން ރަޖިސްޓްރާރަށް ހުށަހަޅަންވާނެއެވެ.(ށ) މި މާއްދާގެ (ހ) ގައި ބަޔާންކުރާ ގޮތުގެމަތިން ހުށަހަޅާ ހުށަހެޅުމެއްގެ ދަށުން، މި ޤާނޫނުގެ ބޭނުމަށްޓަކައި ކުންފުނީގެ ސަރވިސް އެޑްރެސް ބަދަލުވި ތާރީޚުކަމަށް ބަލާނީ އަންނަނިވި ތާރީޚަށެވެ.&nbsp;(1) ސަރވިސް އެޑްރެސް ބަދަލުވާތާ 3 (ތިނެއް) ދުވަހުގެ ތެރޭގައި މި މާއްދާގެ (ހ) ގައި ބަޔާންކުރާ ގޮތުގެމަތިން ރަޖިސްޓްރާރަށް ހުށަހަޅާފައިވާނަމަ، ސަރވިސް އެޑްރެސް ބަދަލުވިކަމަށް ކުންފުނިން ކަނޑައަޅާ ތާރީޚް؛ ނުވަތަ(2) މި އަކުރުގެ (1) ވަނަ ނަންބަރުގައި ބަޔާންކުރާ ޙާލަތު ނޫން އެހެން ކޮންމެ ޙާލަތެއްގައި، ރަޖިސްޓްރާރގެ ދަފްތަރުގައި އާ ސަރވިސް އެޑްރެސް ރަޖިސްޓަރީކުރާ ތާރީޚުގައި.&nbsp;

މާއްދާ 79. ސަރވިސް އެޑްރެސް ބަދަލުކުރާކުރުން ރަޖިސްޓަރީކުރުން 

ހަތްވަނަ ބާބު: ކުންފުނީގެ މެންބަރުން 

ކުންފުނީގެ މެންބަރުން: 80. (ހ) ކުންފުންޏެއްގެ އަސާސީ ގަވާއިދުގައި، އެ ކުންފުންޏެއްގެ ހިއްސާ ނެގުމަށް އެއްބަސްވެ، ނަން ލިޔެ ސޮއިކޮށްފައިވާ ކޮންމެ ފަރާތެއް، އެ ކުންފުނި ރަޖިސްޓަރީވުމާއެކު އެއީ އެ ކުންފުންޏެއްގެ މެންބަރުންގެ ގޮތުގައި ބަލަންވާނެއެވެ. އަދި އެ ފަރާތްތައް، ކުންފުނީގެ މެންބަރުންގެ ދަފްތަރުގައި ހިމަނަންވާނެއެވެ.&nbsp;(ށ) ކުންފުންޏެއް ރަޖިސްޓަރީވުމަށްފަހު، އެ ކުންފުނީގެ ހިއްސާ ނެގުމަށް އެއްބަސްވެ، މި ޤާނޫނާއި ކުންފުނީގެ ހިންގާ ގަވާއިދުގައި ބަޔާންކުރާ ގޮތުގެމަތިން ކުންފުނީގެ ހިއްސާ ނަގައި ކުންފުނީގެ މެންބަރުންގެ ދަފްތަރުގައި އެ ފަރާތެއްގެ ނަން ހިމެނޭ ކޮންމެ ފަރާތަކީ، ކުންފުނީގެ މެންބަރުންނެވެ.

މާއްދާ 80. ކުންފުނީގެ މެންބަރުން 

މެންބަރުންގެ ދަފްތަރު: 81. (ހ) ލިސްޓްކޮށްފައިވާ ޕަބްލިކް ކުންފުނި ފިޔަވައި ކޮންމެ ކުންފުންޏަކުންވެސް، އެ ކުންފުނީގެ މެންބަރުންގެ ދަފްތަރެއް، ކުންފުނީގެ އޮފީހުގައި ލިޔެ ބަލަހައްޓަންވާނެއެވެ.&nbsp;(ށ) &nbsp;ކުންފުނީގެ މެންބަރުންގެ ދަފްތަރުގައި އަންނަނިވި މަޢުލޫމާތު ހިމަނަންވާނެއެވެ.(1) މެންބަރުންގެ ނަމާއި، ދާއިމީ އެޑްރެސް ، އަދި ސަރވިސް އެޑްރެސް؛(2) ދިވެހި ރައްޔިތެއްކަން އަންގައިދޭ ކާޑު ނަންބަރު، ނުވަތަ ދިވެހި ރައްޔިތެއް ނޫންނަމަ، ޤައުމީ ނިސްބަތާއި ޕާސްޕޯޓް ނަންބަރު، ނުވަތަ ޤާނޫނީ ޝަޚްޞެއްނަމަ، ރަޖިސްޓަރީ ނަންބަރު؛(3) މެންބަރެއްގެ ގޮތުގައި ، މެންބަރުންގެ ދަފްތަރުގައި ރަޖިސްޓަރީކުރެވުނު ތާރީޚް؛(4) ކުންފުނީގެ ރައުސްމާލު އެކުލެވިގެންވާ ހިއްސާގެ ތެރެއިން:i. ހިއްސާއަކަށް ސީރިއަލް ނަންބަރެއް ދެވިފައިވާނަމަ ، ސީރިއަލް ނަންބަރު؛&nbsp;ii .ކުންފުނީގެ ރައުސްމާލު އެކުލެވިގެންވާ ހިއްސާގެ ތަފާތު ގިންތި ހިމެނޭނަމަ، އެ މެންބަރެއްގެ ހިއްސާގެ ގިންތި؛ އަދި&nbsp;iii .އެ މެންބަރެއްގެ ހިއްސާގެ އަގަށް ކުންފުންޏަށް ދައްކާފައިވާ ފައިސާގެ ޢަދަދު ނުވަތަ ދައްކާފައިވާކަމަށް ކުންފުނިން އެއްބަސްވެފައިވާ ފައިސާގެ ޢަދަދު(5) ވޭތުވެދިޔަ 5 (ފަހެއް) އަހަރުދުވަހުގެ ތެރޭގައި ކުންފުނީގެ ހިއްސާ ނަގާފައިވާ ނުވަތަ މެންބަރުންގެ ގޮތުގައި ރަޖިސްޓަރީކުރެވިފައިވާ އެންމެހައި މެންބަރުންނާގުޅޭ، މި މާއްދާގެ (ށ) ގެ (1) ވަނަ ނަންބަރުން ފެށިގެން (4) ވަނަ ނަންބަރުގެ ނިޔަލަށް ބަޔާންކުރާ މަޢުލޫމާތާއި، މެންބަރުންގެ ދަފްތަރުން އެ މެންބަރުން އުނިކުރެވިފައިވާނަމަ އުނިކުރެވުނު ތާރީޚް.(ނ) ކުންފުންޏެއްގެ މެންބަރެއްގެ ގޮތުގައި ރަޖިސްޓަރީކުރެވިފައިވާ ފަރާތެއްގެ ހިއްސާއަކީ އެއް ފަރާތަށްވުރެ ގިނަ ފަރާތުގެ ނަމުގައި ނަގާފައިވާ ނުވަތަ ރަޖިސްޓަރީކުރެވިފައިވާ ހިއްސާއެއްނަމަ، އެ ހުރިހާ ފަރާތްތަކާގުޅޭ، މި މާއްދާގެ (ށ) ގައި ބަޔާންކުރާ މަޢުލޫމާތު، މެންބަރުންގެ ދަފްތަރުގައި ހިމަނަންވާނެއެވެ.(ރ) &nbsp;ކުންފުންޏަކީ، އެންމެ މެންބަރަކު ހިމެނޭ ކުންފުންޏެއް ކަމަށްވާނަމަ، މި މާއްދާގައި ބަޔާންކޮށްފައިވާ ދަފްތަރުގައި، ކުންފުނީގެ ހަމައެކަނި މެންބަރުގެ މަޢުލޫމާތުގެ އިތުރުން، އެ ކުންފުންޏަކީ ހަމައެކަނި އެންމެ މެންބަރަކު ހިމެނޭ ކުންފުންޏެއްކަމަށް ބަޔާންކުރަންވާނެއެވެ.&nbsp;

މާއްދާ 81. މެންބަރުންގެ ދަފްތަރު 

މެންބަރުންގެ ދަފްތަރު ބެލެހެއްޓުމުގެ ޒިންމާ: 82. (ހ) މި ޤާނޫނުގެ 81 ވަނަ މާއްދާގައި ބަޔާންކޮށްފައިވާ ގޮތުގެމަތިން، ކުންފުނީގެ މެންބަރުންގެ ދަފްތަރެއް ބަލަހައްޓައި، އެ މެންބަރުންނަށް އަންނަ ބަދަލުތައް، އެ މާއްދާއާ އެއްގޮތްވާ ގޮތުގެމަތިން ދަފްތަރުގައި ރަޖިސްޓަރީކޮށް ބެލެހެއްޓުމަކީ، ކުންފުނީގެ ޑިރެކްޓަރުންގެ ޒިންމާއެކެވެ.&nbsp;(ށ) &nbsp;މި މާއްދާގެ (ހ) ގައި ބަޔާންކުރާ ގޮތުގެމަތިން، ކުންފުނީގެ މެންބަރުންގެ ދަފްތަރު ބެލެހެއްޓުމުގައި އިހުމާލުވެއްޖެނަމަ، ކުންފުނިން އަދި އެ ކުންފުނީގެ ކޮންމެ ޑިރެކްޓަރަކު އެ ކުރަނީ ކުށެކެވެ. އަދި އެ ފަރާތްތަކާމެދު މި ޤާނޫނުގެ ފަނަރަވަނަ ބާބުގައި ބަޔާންކުރާ ގޮތުގެމަތިން ފިޔަވަޅު އެޅޭނެއެވެ.

މާއްދާ 82. މެންބަރުންގެ ދަފްތަރު ބެލެހެއްޓުމުގެ ޒިންމާ 

މެންބަރުންގެ ދަފްތަރު ބެލުމުގެ ޙައްޤު: 83. މި ޤާނޫނުގެ 81 ވަނަ މާއްދާގައި ބަޔާންކުރާ ކުންފުނީގެ މެންބަރުންގެ ދަފްތަރު، ކުންފުނީގެ އޮފީހުގައި، ނުވަތަ ޑިރެކްޓަރުންގެ ބޯޑުން ކަނޑައަޅާ އެހެން ތަނެއްގައި، ކުންފުނީގެ މެންބަރުން ބަލަން ބޭނުންވެއްޖެ ހިނދެއްގައި ބެލޭނެ ގޮތަކަށް، ނުވަތަ ބެލޭނެ އިންތިޒާމު، ހަމަޖައްސާފައި އޮންނަންވާނެއެވެ.&nbsp;

މާއްދާ 83. މެންބަރުންގެ ދަފްތަރު ބެލުމުގެ ޙައްޤު 

މެންބަރުންގެ ދަފްތަރު އިޞްލާޙުކުރުމަށް އެދި ކޯޓަށް ހުށަހެޅުން: 84. (ހ) &nbsp;ކުންފުނީގެ މެންބަރުންގެ ދަފްތަރުގައި ، ކުންފުނީގެ ހިއްސާ ނަގާފައިވާމެންބަރަކާ ގުޅޭގޮތުން ނުވަތަ ހިއްސާއަކާ ގުޅޭގޮތުން ޞައްޙަނޫން މަޢުލޫމާތެއް ހިމެނޭނަމަ، ނުވަތަ ހިމެނެންޖެހޭ މަޢުލޫމާތެއް ނުހިމެނޭނަމަ، އެ މެންބަރަކަށް، ނުވަތަ އެކަމުގެ ސަބަބުން ގެއްލުން ލިބުނު އެހެންވެސް ފަރާތަކަށް، އަންނަނިވި ކަންކަމުގެ ތެރެއިން ކަމަކަށް އެދި ކޯޓަށް ހުށަހެޅުމުގެ އިޚްތިޔާރު ލިބިގެންވެއެވެ.(1) މެންބަރުންގެ ދަފްތަރުގައި ހިމެނޭ ރަނގަޅުނޫން މަޢުލޫމާތު އިޞްލާޙުކުރުމަށް؛ ނުވަތަ(2) އެކަމުގެ ސަބަބުން އެ ފަރާތަށް ލިބުނު ގެއްލުމުގެ ބަދަލު، ކުންފުނިން ހޯދުމަށް؛ ނުވަތަ (3) މެންބަރުންގެ ދަފްތަރުގައި ހިމެނޭ ކުށް މަޢުލޫމާތު އިޞްލާޙުކުރުމާއެކު އެކަމުގެ ސަބަބުން އެ ފަރާތަށް ލިބުނު ގެއްލުމުގެ ބަދަލު، ކުންފުނިން ހޯދުމަށް.&nbsp;(ށ) &nbsp;މި މާއްދާގެ (ހ) ގެ ދަށުން ކޯޓަށް ހުށަހެޅުމެއް ލިބިއްޖެނަމަ، އެ ހުށަހެޅުމަކާމެދު ކޯޓުން ރިޢާޔަތްކުރަންޖެހޭ ކަންކަމަށް ރިޢާޔަތްކޮށް، އަންނަނިވި ގޮތްތަކުންކުރެ ގޮތަކަށް ކަނޑައެޅުމުގެ އިޚްތިޔާރު ކޯޓަށް ލިބިގެންވެއެވެ.(1) މި މާއްދާގެ (ހ) ގެ (1) ވަނަ ނަންބަރު ނުވަތަ (2) ވަނަ ނަންބަރު ނުވަތަ (3) ވަނަ ނަންބަރުގެ ދަށުން ހުށަހަޅާ ހުށަހެޅުމަކާމެދު ކޯޓަށް ފެންނަ ގޮތެއް ނިންމުން.(2) ކުންފުނީގެ މެންބަރެއްގެ ގޮތުގައި އެ ފަރާތެއްގެ ނަން ކުންފުނީގެ މެންބަރުންގެ ދަފްތަރުގައި ހިމެނުމާމެދު ނުވަތަ ނުހިމެނުމާމެދު ކޯޓަށް ފެންނަ ގޮތެއް ނިންމުން.

މާއްދާ 84. މެންބަރުންގެ ދަފްތަރު އިޞްލާޙުކުރުމަށް އެދި ކޯޓަށް ހުށަހެޅުން 

މެންބަރުންގެ ދަފްތަރަކީ ހެއްކެއްގެ ގޮތުގައި ބެލުން: 85. (ހ) މި ޤާނޫނުގެ 84 ވަނަ މާއްދާއާ ޚިލާފުނުވާނެ ގޮތެއްގެމަތިން، ކުންފުނީގެ މެންބަރުންގެ ދަފްތަރުގައި، ކުންފުނީގެ ހިއްސާގެ މިލްކުވެރި ފަރާތެއްގެ ގޮތުގައި މެންބަރެއްގެ ނަން ހިމެނުމަކީ، އެ ހިއްސާގެ މިލްކުވެރި ފަރާތަކީ އެ މެންބަރުކަމަށް ޤާނޫނީ ގޮތުންބެލުމުގައި ހެއްކަކަށް ފުދޭނެ ކަމެކެވެ.&nbsp;(ށ) ކުންފުނީގެ މެންބަރުންގެ ދަފްތަރުގައި، ކުންފުނީގެ ހިއްސާގެ މިލްކުވެރި ފަރާތެއްގެ ގޮތުގައި މެންބަރެއްގެ ނަން ހިމެނުމުގެ ނަތީޖާއަކީ، އެ ހިއްސާއާ ގުޅޭގޮތުން ލިބިދޭ އަންނަނިވި ޙައްޤުތަކާއި އިޚްތިޔާރުތަކަކީ، ހަމައެކަނި އެ މެންބަރަކަށް ލިބިގެންވާ ޙައްޤުތަކަކާއި އިޚްތިޔާރުތަކެއް ކަމުގައި ވެގެންދިޔުމެވެ.&nbsp;(1) އެ ހިއްސާއާ ގުޅިގެން ލިބިދޭ ވޯޓުލުމުގެ ޙައްޤު؛(2) މެންބަރެއްގެ ހައިސިއްޔަތުން ނޯޓިސް ލިބުމުގެ ޙައްޤު؛(3) ހިއްސާއާ ގުޅިގެން ލިބޭ ޑިވިޑެންޑް ނުވަތަ އެނޫންވެސް ފައިދާއެއް ލިބުމުގެ ޙައްޤު؛ އަދި(4) އެ ހިއްސާއާ ގުޅިގެން ލިބިދެވޭ އެހެނިހެން ޙައްޤުތަކާއި ބާރުތައް ބޭނުންކުރުމުގެ އިޚްތިޔާރު.

މާއްދާ 85. މެންބަރުންގެ ދަފްތަރަކީ ހެއްކެއްގެ ގޮތުގައި ބެލުން 

ހިއްސާ ގެ ސެޓްފިކެޓު: 86. (ހ) ކޮންމެ ކުންފުންޏަކުންވެސް އެ ކުންފުންޏެއްގެ ކޮންމެ މެންބަރަކަށް ހިއްސާގެ ސެޓްފިކެޓެއް ދޫކުރަންވާނެއެވެ.(ށ) މި މާއްދާގެ (ހ) ގައި ބަޔާންކުރާ ހިއްސާގެ ސެޓްފިކެޓަކީ އޭގައި ކަނޑައަޅާފައިވާ ހިއްސާ، އެ މެންބަރަކަށް މިލްކުވެގެންވާކަން ސާބިތުކޮށްދޭ ލިޔުމެކެވެ.(ނ) މި މާއްދާގެ (ހ) ގައި ބަޔާންކުރާ ހިއްސާގެ ސެޓްފިކެޓުގައި އަންނަނިވި މަޢުލޫމާތު ބަޔާންކުރަންވާނެއެވެ.&nbsp;(1) ހިއްސާގެ މިލްކުވެރި ފަރާތުގެ، ނުވަތަ އެއް ފަރާތަށްވުރެ ގިނަ ފަރާތުގެ ނަމުގައި ނަގާފައިވާ ނުވަތަ ރަޖިސްޓަރީކުރެވިފައިވާ ހިއްސާއެއްނަމަ، އެ ހުރިހާ ފަރާތްތަކުގެ ފުރިހަމަ ނަމާއި، ދާއިމީ އެޑްރެސް؛(2) ހިއްސާގެ ޢަދަދު؛(3) ހިއްސާގެ ތަފާތު ގިންތި ހިމެނޭނަމަ، އެ ހިއްސާގެ ގިންތި؛(4) ހިއްސާގެ އަގު؛(5) ހިއްސާގެ އަގު އަދާކޮށްފައިވާކަން ނުވަތަ ނޫންކަން.(ރ) މި މާއްދާގެ (ނ) ގައި ބަޔާންކުރާ މަޢުލޫމާތުގެ އިތުރުންވެސް އިތުރު މަޢުލޫމާތު ސެޓްފިކެޓުގައި ހިމެނުމަކަށް މި މާއްދާ ހުރަހެއް ނާޅައެވެ.&nbsp;(ބ) &nbsp;މި މާއްދާގައި ވަކި ގޮތަކަށް ބަޔާންކޮށްފައިވީ ނަމަވެސް، ކޮންމެ ކުންފުންޏަކުންވެސް، ލައިސަންސްކޮށްފައިވާ ޑިޕޮސިޓަރީއަކަށް ހިއްސާ ނުވަތަ ޑިބެންޗަރ ނުވަތަ ބޮންޑު ނުވަތަ ސެކިއުރިޓީޒް ޑިޕޮސިޓްކޮށްފައިވާނަމަ، ޑިޕޮސިޓަރީން ދޫކުރާ ޑިޕޮސިޓަރީ ސްޓޭޓްމަންޓަކީ އެ ކުންފުނީގެ ހިއްސާގެ ނުވަތަ ސެކިއުރިޓީޒްގެ މިލްކުވެރިކަން އަންގައިދޭ ލިޔުމެއްގެ ގޮތުގައި ޤަބޫލުކުރެވޭނެއެވެ.&nbsp;އަދި، މި ޙާލަތުގައި ، މި މާއްދާގެ (ހ) ގައި ބަޔާންކުރާ ގޮތަށް ހިއްސާގެ ސެޓްފިކެޓު ދޫކުރާކަށް ނުޖެހޭނެއެވެ.&nbsp;

މާއްދާ 86. ހިއްސާ ގެ ސެޓްފިކެޓު 

ހަތްވަނަ ބާބު: ކުންފުނީގެ މެންބަރުން - ކުންފުނީގެ މެންބަރުންގެ ޙައްޤުތަކާއި، ބާރުތަކާއި، ޒިންމާ 

ކުންފުނީގެ މެންބަރުންގެ ޤާނޫނީ ޒިންމާ: 87. (ހ) މި މާއްދާގެ (ށ) އާ ޚިލާފުނުވާނެ ގޮތެއްގެމަތިން، ކުންފުނީގެ އެއްވެސް މެންބަރަކު، ހަމައެކަނި އެ ސަބަބަށްޓަކައި ، ކުންފުންޏެއްގެ އެއްވެސް ޤާނޫނީ އިލްތިޒާމަކަށް ޒިންމާވާކަށް ނުޖެހޭނެއެވެ.(ށ) ކުންފުނީގެ އެއްވެސް މެންބަރަކު ކުންފުންޏަށް ޒިންމާވާންޖެހޭނީ:(1) އެ މެންބަރަކު ގަނެފައިވާ ނުވަތަ ނަގާފައިވާ އެއްވެސް ހިއްސާއަކަށް ދައްކަންޖެހޭ އެއްވެސް ފައިސާއެއް ކުންފުންޏަށް ނުދައްކާ އޮވެއްޖެނަމަ، އެ ޢަދަދަކަށް؛(2) ކުންފުނީގެ ދުސްތޫރުގައި ޞަރީޙަ ނައްޞުން ކަނޑައަޅާފައިވާ ގޮތެއްގެމަތިން؛ އަދި(3) މި ޤާނޫނުގައި ބަޔާންކުރާ އެނޫންވެސް ގޮތެއްގެމަތިންނެވެ.

މާއްދާ 87. ކުންފުނީގެ މެންބަރުންގެ ޤާނޫނީ ޒިންމާ 

ހިއްސާ އަކާ ގުޅޭގޮތުން އެ ވަގުތަކު ހުރި މެންބަރަކު ޒިންމާވުން: 88. (ހ) ކުންފުނީގެ އެއްވެސް ހިއްސާއަކާ ގުޅޭގޮތުން ، އެ ހިއްސާއެއްގެ އަގު އަނބުރާ ދެއްކުމުގެ އިލްތިޒާމެއް އޮންނަ ޙާލަތެއްގައި، ނުވަތަ އެނޫންވެސް އިލްތިޒާމެއް އޮންނަ ޙާލަތެއްގައި ، އެ ހިއްސާގެ އަގު އަނބުރާ ދެއްކުމުގެ ނުވަތަ އެނޫންވެސް އިލްތިޒާމެއް އުފުލުމުގެ ޒިންމާ އޮންނާނީ، އެ ވަގުތަކު އެ ހިއްސާއެއްގެ މިލްކުވެރި ފަރާތުގެ ގޮތުގައި ރަޖިސްޓަރީކޮށްފައިވާ ފަރާތަކަށެވެ. އެއީ ، އެ އިލްތިޒާމު އުފަންވީ، އެ އިލްތިޒާމު ނިސްބަތްވާ ހިއްސާ އެ މެންބަރަކު ނެގި ތާރީޚުގެ ކުރިންކަމަށްވީ ނަމަވެސްމެއެވެ.(ށ) މި މާއްދާގެ (ހ) ގައި އެހެން ބަޔާންކޮށްފައިވީ ނަމަވެސް، މި ޤާނޫނުގެ 160 ވަނަ މާއްދާއާއި 161 ވަނަ މާއްދާގައި ބަޔާންކުރާ ގޮތުގެމަތިން، ކުންފުނީގެ ހިއްސާއަކާ ގުޅޭ އިލްތިޒާމު ކުރީގެ މެންބަރު އަދާނުކޮށް، އެ މާއްދާތަކުގައި ބަޔާންކުރާ ގޮތުގެމަތިން ހިއްސާ&nbsp;ދޫކޮށްލާފައިވާނަމަ ނުވަތަ ކުންފުނިން ހިއްސާ އަނބުރާ އަތުލާފައިވާނަމަ، އެ ހިއްސާއަކާ ގުޅޭ އެ އިލްތިޒާމުތައް އަދާކުރުމުގެ ޒިންމާ އޮންނާނީ، ކުރީގެ މެންބަރުގެ މައްޗަށެވެ.&nbsp;

މާއްދާ 88. ހިއްސާ އަކާ ގުޅޭގޮތުން އެ ވަގުތަކު ހުރި މެންބަރަކު ޒިންމާވުން 

ދުސްތޫރަށް ގެންނަ ބަދަލަކާ ގުޅިގެން އިތުރު އިލްތިޒާމެއް ނެތުން: 89. ކުންފުނީގެ ދުސްތޫރުގައި އެހެން ގޮތަކަށް ބަޔާންކޮށްފައިނުވާހާ ހިނދަކު، އަދި ދުސްތޫރަށް ބަދަލު ގެންނަ ތާރީޚުގެ ކުރިން ނުވަތަ ފަހުން ނަމަވެސް، އެ މެންބަރަކު ލިޔުމުން އެއްބަސްވާ ގޮތެއްގެމަތިން މެނުވީ، ކުންފުނީގެ ދުސްތޫރަށް ގެންނަ ބަދަލަކާ ގުޅިގެން އެ މެންބަރެއްގެ މައްޗަށް އަލަށް އުފަންކުރުވާ އަންނަނިވި އިލްތިޒާމުތަކުގެ ޒިންމާ އެ މެންބަރަކު އުފުލާކަށް ނުޖެހޭނެއެވެ.(ހ) ކުންފުނީގެ ދުސްތޫރަށް ބަދަލު ގެންނަ ތާރީޚާ ހަމައަށް އެ މެންބަރަކު ނަގާފައިވާ ހިއްސާގެ އިތުރުން، އިތުރު ހިއްސާ ނެގުމަށް ނުވަތަ ގަތުމަށް އޮންނަ އިލްތިޒާމެއް؛ ނުވަތަ(ށ) &nbsp;ކުންފުންޏަށް އެ މެންބަރަކު ޒިންމާވާންޖެހޭ މިންވަރު އިތުރުވާ އިލްތިޒާމެއް.&nbsp;

މާއްދާ 89. ދުސްތޫރަށް ގެންނަ ބަދަލަކާ ގުޅިގެން އިތުރު އިލްތިޒާމެއް ނެތުން

މެންބަރުންގެ ޙައްޤުތަކަށް ބަދަލު ގެނައުން: 90. (ހ) ކުންފުނީގެ ހިއްސާއާ ގުޅޭގޮތުން މެންބަރުންނަށް ލިބިގެންވާ ޙައްޤުތަކަށް އެއްވެސް ބަދަލެއް ގެންނަ ނިންމުމެއް ކުންފުންޏަކަށް ނިންމޭނީ، ކުންފުނީގެ މެންބަރުންގެ ޚާއްޞަ ޤަރާރަކުން ފާސްކޮށްގެން އެކަމަކަށް ހުއްދަ ލިބިގެންނެވެ.&nbsp;(ށ) މި މާއްދާގެ (ހ) ގެ ބޭނުމަށްޓަކައި، ހިއްސާއާ ގުޅޭގޮތުން މެންބަރުންނަށް ލިބިގެންވާ ޙައްޤުތަކުގެ މާނައިގައި އަންނަނިވި ކަންކަން ހިމެނެއެވެ.&nbsp;(1) ހިއްސާއާ ގުޅޭގޮތުން ލިބިދޭ ވޯޓުލުމުގެ ޙައްޤު؛(2) ހިއްސާއާ ގުޅޭގޮތުން ލިބިދޭ، ކުންފުނީގެ ފައިދާ ލިބުމުގެ ޙައްޤު؛ (3) ކުންފުނީގެ ދުސްތޫރު ބަދަލުކުރުމާ ގުޅޭގޮތުން، ނުވަތަމި މާއްދާގައި ބަޔާންކުރާ މެންބަރުންގެ ޙައްޤުތަކަށް ބަދަލު ގެނައުމާ ގުޅޭގޮތުން ކަނޑައަޅާފައިވާ އިޖުރާއަތު އެގޮތަށް ހިންގުމުގެ ޙައްޤު.&nbsp;(ނ) މި މާއްދާގެ ބޭނުމަށްޓަކައި، ކުންފުންޏަކީ، އެކި ގިންތިތަކަށް ބެހިފައިވާ ހިއްސާ ހިމެނޭ ކުންފުންޏެއްނަމަ، އެ ގިންތިއެއްގެ ހިއްސާ ނަގާފައިވާ މެންބަރުންގެ ޙައްޤުތަކަށް އެއްވެސް ބަދަލެއް ގެންނަ ނިންމުމެއް ކުންފުންޏަކަށް ނިންމޭނީ، ކުންފުނީގެ އެ ގިންތިއެއްގެ ހިއްސާ ނަގާފައިވާ މެންބަރުންގެ ޚާއްޞަ ޤަރާރެއް ފާސްކުރުމަށް ކަނޑައަޅާފައިވާ ނިސްބަތުން، ހުއްދަ ލިބިގެންނެވެ.&nbsp;(ރ) މި މާއްދާގެ (ނ) ގެ ބޭނުމަށްޓަކައި، ވަކި ގިންތިއެއްގެ ހިއްސާ ކަމަށް ބަޔާންކޮށްފައި އެވަނީ، އެ ގިންތިއެއްގެ ހުރިހާ ހިއްސާއަކާ ގުޅިގެން ލިބިދެވޭ ޙައްޤުތަކާއި ، ޢިނާޔަތްތަކާއި ، ޝަރުޠުތަކަކީ އެއް ޙައްޤުތަކަކާއި، ޢިނާޔަތްތަކަކާއި ، ޝަރުޠުތަކެއްކަމަށް ވާނަމައެވެ.(ބ) މި މާއްދާގެ (ނ) ގެ ބޭނުމަށްޓަކައި، ވަކި އެއް ގިންތިއެއްގެ ހިއްސާ ނަގާފައިވާ މެންބަރުންކަމަށް ބަޔާންކޮށްފައި އެވަނީ، މި މާއްދާގެ (ރ) ގައި ބަޔާންކޮށްފައިވާ ވަކި ގިންތިއެއްގެ ހިއްސާ ނަގާފައިވާ މެންބަރުން ކަމަށްވުމުގެ އިތުރުން އަންނަނިވި ޝަރުޠުތައް ފުރިހަމަވާނަމައެވެ.&nbsp;(1) ޙައްޤުތައް ބަދަލުކުރުމަށް ހުށަހަޅާފައިވާ ނިންމުން ނިސްބަތްވާ ޙައްޤުތަކަކީ ، އެއް ޙައްޤުތަކެއް ކަމަށްވުން؛ އަދި (2) ޙައްޤުތައް ބަދަލުކުރުމަށް ހުށަހަޅާފައިވާ ނިންމުމުގެ ސަބަބުން، ޙައްޤުތަކަށް އަންނަ ބަދަލަކީ، ހުރިހާ މެންބަރުންނަށްވެސް އެއްގޮތް ބަދަލުތަކެއް ކަމަށްވުން.&nbsp;

ދިވެހިރާއްޖޭގެ ޤާނޫނުތައް